{"id":10109,"date":"2018-05-02T10:19:05","date_gmt":"2018-05-02T10:19:05","guid":{"rendered":"https:\/\/new.bwiza.com\/2018\/05\/02\/karongi-impunzi-zo-mu-nkambi-ya-kiziba-zateye-amabuye-n-ibyuma-abapolisi\/"},"modified":"2018-05-02T10:19:05","modified_gmt":"2018-05-02T10:19:05","slug":"karongi-impunzi-zo-mu-nkambi-ya-kiziba-zateye-amabuye-n-ibyuma-abapolisi","status":"publish","type":"post","link":"https:\/\/bwiza.com\/?p=10109","title":{"rendered":"Karongi: Impunzi zo mu nkambi ya Kiziba zateye amabuye n\u2019ibyuma abapolisi"},"content":{"rendered":"

Polisi y\u2019u Rwanda iratangaza ko yataye muri yombi abantu 23 nyuma yaho abapolisi bari ku irondo batewe amabuye n\u2019ibyuma n\u2019abo mu nkambi ya Kiziba\u00a0 biganjemo abasore.<\/em> <\/strong> <\/p>\n

Ibicishije ku rukuta rwayo rwa Twitter kuri uyu wa Gatatu itariki ya 2 Gicurasi 2018, Polisi y\u2019igihugu irasaba impunzi zo muri iyi nkambi ya Kiziba kubaho mu ituze zinubahiriza amategeko nk\u2019abandi Baturarwanda.<\/p>\n

Igira iti \u201cUyu munsi abaturage biganjemo abasore bateye amabuye n’ibyuma abapolisi bakora irondo, 23 muri bo bafashwe bashyikirizwa ubugenzacyaha. Polisi irakangurira impunzi kubaho mu ituze, kubahiriza amategeko no kubaha abashinzwe umutekano nk’abandi baturarwanda\u201d.<\/p>\n

Polisi y’ u Rwanda itangaza ko ikomeje igikorwa cyo kubungabunga umutekano mu nkambi y’impunzi ya Kiziba, hagamijwe kubahiriza amategeko no kugarura ituze mu mpunzi.<\/p>\n

Ibi bikorwa by’urugomo bibaye mu gihe ku wa Mbere itariki 30 Mata 2018, Minisitiri w\u2019Imicungire y\u2019ibiza n\u2019impunzi (MIDIMAR) yasohoye itangazo yageneye abanyamakuru ivuga ko yakuyeho komite yari ihagarariye izi mpunzi, ishinjwa\u00a0kuzigumura.<\/p>\n

Inkambi ya Kiziba icumbitsemo impunzi z\u2019abanye-Congo zigera ku 17 000, biganjemo urubyiruko n\u2019abana. Iyi nkambi yashinzwe aha Kiziba mu murenge wa Rwankuba muri Karongi kuva mu 1996.<\/p>\n

Ku nkambi ya Kiziba imyigaragambyo yatangiye\u00a0 kuva mu matariki 15 Gashyantare 2018,ariko imbere mu nkambi. Nyuma baza guhaguruka igihiriri bavuga ko batashye\u00a0ariko bajya kuri UNHCR i Karongi baba ariho bakambika. Iyi myigaragambyo yasize\u00a0abagera kuri 11 mu mpunzi bahasiga ubuzima abandi barakomereka, barimo n\u2019abo ku ruhande rw\u2019abashinzwe umutekano.<\/p>\n

\"\"<\/a><\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube