{"id":10123,"date":"2018-05-03T11:19:13","date_gmt":"2018-05-03T11:19:13","guid":{"rendered":"https:\/\/new.bwiza.com\/2018\/05\/03\/u-bufaransa-gen-kabarebe-yatanzwe-nk-umutangabuhamya-wa-ngenzi-na-barahirwa\/"},"modified":"2018-05-03T11:19:13","modified_gmt":"2018-05-03T11:19:13","slug":"u-bufaransa-gen-kabarebe-yatanzwe-nk-umutangabuhamya-wa-ngenzi-na-barahirwa","status":"publish","type":"post","link":"https:\/\/bwiza.com\/?p=10123","title":{"rendered":"U Bufaransa: Gen. Kabarebe yatanzwe nk\u2019umutangabuhamya wa Ngenzi na Barahirwa baregwa ibyaha bya jenoside"},"content":{"rendered":"

Abanyarwanda, Octavien Ngenzi na Tito Barahirwa bakatiwe igifungo cya burundu nyuma yo guhamwa n\u2019icyaha cya jenoside\u00a0 n\u2019Urukiko rwa Mbere rw\u2019Iremezo mu Bufaransa,\u00a0 bongeye kugaruka i Paris ku burana mu rukiko rw\u2019ubujurire, icyatunguranye muri urwo rubanza ni uko batanze Gen. James Kabarebe nk\u2019umutangabuhamya ku ruhande rwabo.<\/em> <\/strong> <\/p>\n

Ngenzi na Barahira bashinjwa ibyaha bya jenoside n\u2019ibindi byaha byibasiye inyokomuntu, urubanza rwabo rw\u2019ubujurire rwatangiye ku wa Kabiri itariki ya 1 Gicurasi 2018. Aho batanze Gen. Kabarebe, Minisitiri w\u2019Ingabo mu Rwanda nk\u2019umutangabuhamya ku ruhande rwabo, ibi bamwe bakaba babifashe nk\u2019ubushotoranyi.<\/p>\n

Octavien \u00a0Ngenzi w\u2019imyaka 60 y\u2019amavuko yafashwe muri Kamena 2010, naho Tito Barahirwa w\u2019imyaka 67 afatwa muri Mata 2013, bombi bahoze ari ba Burugumesitiri w\u2019icyahoze ari komini Kabarondo, bakatiwe igihano cya burundu mu 2016.<\/p>\n

Iki kikaba ari igihano cya mbere kiremereye ubucamanza bw\u2019u Bufaransa bwageneye abaregwa icyaha cya jenoside yakorewe Abatutsi mu Rwanda, kuva aho imanza nk\u2019izi zitangiriye.<\/p>\n

Mu masaha abiri urubanza rwamaze, hatanzwe imyirondoro no kurahira kw\u2019abafite uruhare mu rubanza, hanatangazwa abazatanga ubuhamya ku mpande zombi, ku ruhande rw\u2019abaregwa Ngenzi na Barahirwa, bamwe mu batangabuhamya batari bake ntibabashije kuboneka mu Rwanda, umwe ngo ari muri Uganda.<\/p>\n

Aba baregwa, batanze n\u2019abaganga babo nk\u2019abatangabuhamya nk\u2019inzobere, ariko aba baganga batangaza ko atari ngombwa gutangwa nk\u2019abatangabuhamya ku ruhande rw\u2019abakiriya babo ngo bagire icyo bavuga.<\/p>\n

Nk\u2019uko radiyo Ijwi rya Amerika dukesha iyi nkuru ibitangaza, ngo icyatunguye abantu muri uru rubanza, ni uko mu batangabuhamya aba bagabo bombi bantanga ku ruhande rwabo, harimo na Gen. James Kabarebe.<\/p>\n

Nyuma yo kumva Gen. Kabarebe atanzwe nk\u2019umutangabuhamya w\u2019aba bagabo, Alain Gotien, umwe mu bafaransa bagize uruhare mu gushaka ibimenyetso bishinja abaregwa ibyaha bya jenoside mu Bufaransa, yatangarije iyi radiyo amagambo ngo agaragaza uburakari n\u2019akababaro.<\/p>\n

Agira ati \u201cNdatekereza ko ku ruhande rw\u2019abaregwa ari nk\u2019ubushotoranyi, mumbabarire ntacyo nongeraho\u201d.<\/p>\n

Me Richard Gisagara<\/em> \u00a0, uhagarariye abarokotse jenoside yakorewe Abatutsi mu Rwanda n\u2019imiryango iharanira uburenganzira bwa muntu, wanatanze ikirego , yunze mu rya Alain avuga ko ku ruhande rumwe atatunguwe.<\/p>\n

Ati \u201cNkeka ko muri make, bagenzi banjye baburanira abashinjwa uruhare bafite, hari sitarateji [strategie] bakoresha, ibi nabyo ntekereza ko ari imwe muri sitarateji bafite, mwumvise ko mu byo basaba, basabye no kujya mu Rwanda, kandi bakabisaba mu cyumweru gitaha kandi ari ibintu bakagombye kuba barakoze kera niba babishaka, njye ntabwo bintunguye kandi ntabwo numva ari ikintu gitangaje, umuntu akoresha sitarateji ashaka,\u2026\u201d.<\/p>\n

Mu gihe Gen. Kabarebe nta cyo yari yatangaza niba azatanga ubuhamya mu rubanza rw\u2019aba bagabo, urubanza ngo rurakomeza kugeza ku wa 6 Gicurasi n\u2019aho abatangabuhamya abacamanza bakaba bazabumva kugeza mu kwezi kwa karindwi abatazaboneka ku butaka bw\u2019u Bufaransa ngo hazakoreshwa itumanaho rigezweho.<\/p>\n

Tito Barahira na Octavien Ngenzi basimburanye mu kuyobora icyahoze ari komini \u00a0Kabarondo muri Perefegitura ya Kibungo, ubu ni mu karere ka Kayonza, Intara y’i Burasirazuba, kuva mu 1977 kugeza mu 1994 ubwo jenoside yakorewe Abatutsi yatangiraga.<\/p>\n

Octavien Ngenzi yafatiwe mu birwa bya Mayotte mu 2004 ashaka ubuhungiro akoresheje impapuro mpimbano mu gihe Tito Barahira yafatiwe i Toulouse aho yari atuye muri Mata 2013.<\/p>\n

\"\"<\/a>
Octavien Ngenzi na Tito Barahirwa bashinjwa ibyaha bya jenoside yakorewe Abatutsi<\/strong><\/figcaption><\/figure>\n
\"\"<\/a>
Me Richard Gisagara, uhagarariye abarokotse jenoside yakorewe Abatutsi n\u2019imiryango iharanira uburenganzira bwa muntu<\/figcaption><\/figure>\n
\n
\"YouTube