{"id":10144,"date":"2018-05-04T15:51:30","date_gmt":"2018-05-04T15:51:30","guid":{"rendered":"https:\/\/new.bwiza.com\/2018\/05\/04\/karongi-hcr-irihanganisha-umuryango-wabuze-uwabo-mu-nkambi-ya-kiziba\/"},"modified":"2018-05-04T15:51:30","modified_gmt":"2018-05-04T15:51:30","slug":"karongi-hcr-irihanganisha-umuryango-wabuze-uwabo-mu-nkambi-ya-kiziba","status":"publish","type":"post","link":"https:\/\/bwiza.com\/?p=10144","title":{"rendered":"Karongi: HCR irihanganisha umuryango wabuze uwabo mu nkambi ya Kiziba"},"content":{"rendered":"

Ishami rya Loni rishinzwe kwita ku Mpunzi (<\/strong> HCR<\/strong> ) ryatangaje ko ryihanganishije umuryango wabuze uwabo mu Nkambi ya Kiziba iherereye mu karere ka Karongi, Intara y\u2019i Burengerazuba, ikaba ibarizwamo impunzi z\u2019Abanyecongo.<\/strong> <\/em> <\/p>\n

Umuntu umwe yarapfuye abandi benshi barakomereka nyuma y\u2019imvururu zavutse ku wa Gatatu tariki ya 2 Gicurasi 2018, hagati y\u2019impunzi z\u2019Abanyecongo ziri mu nkambi ya Kiziba na polisi y\u2019u Rwanda.<\/p>\n

Mu itangazo ryashyizwe hanze na HCR kuri uyu 4 Gicurasi 2018, i Geneve mu Busuwisi, umuvugizi w\u2019iri shami, Andrej Mahecic\u00a0 yagarutse kuri izi mvururu ndetse anihanganisha umuryango wabuze uwabo.<\/p>\n

Ubwo izi mvururu zavukaga, umwe mu mpunzi yarakomeretse bikabije, ajyanwa mu bitaro\u00a0 bya Kibuye, apfa nyuma y\u2019igihe gito kubera ibyo bikomere.<\/p>\n

HCR irasaba polisi y\u2019u Rwanda n\u2019impunzi za Kiziba, kwirinda ko habaho izindi mvururu, igasaba ko mu gihe habayeho ikibazo cyakemurwa mu buryo bw\u2019amahoro.<\/p>\n

Ibicishije ku rukuta rwayo rwa Twitter ubwo izo mvururu zari zihoshejwe, Polisi yagize iti \u201cUyu munsi abaturage biganjemo abasore bateye amabuye n\u2019ibyuma abapolisi bakora irondo, 23 muri bo bafashwe bashyikirizwa ubugenzacyaha. Polisi irakangurira impunzi kubaho mu ituze, kubahiriza amategeko no kubaha abashinzwe umutekano nk\u2019abandi baturarwanda\u201d.<\/p>\n

Mu itangazo ryashyizwe hanze na Minisiteri y’Imicungire y’Ibiza n’impunzi mu Rwanda (MIDIMAR), kuri uyu wa 4 Gicurasi 2018, itangaza ko muri izo mvururu umwe mu mpunzi yahasize ubuzima, ikanibutsa izi mpunzi ko uzashaka gutaha iwabo muri Congo atazatambamirwa.<\/p>\n

MIDIMAR itangaza ko Leta y\u2019u Rwanda ku bufatanye na HCR n\u2019indi miryango yita ku mpunzi, bazakomeza ubufatanye mu kubungabunga amahoro n\u2019umutekano wabo kandi banagezwaho inkunga bagenerwa nk\u2019uko byari bisanzwe mu gihe cy\u2019imyaka 22 ishize.<\/p>\n

Inkambi ya Kiziba icumbitsemo impunzi z\u2019abanye-Congo zigera ku 17 000, biganjemo urubyiruko n\u2019abana. Iyi nkambi yashinzwe aha Kiziba mu murenge wa Rwankuba muri Karongi kuva mu 1996.<\/p>\n

Ku nkambi ya Kiziba imyigaragambyo yatangiye\u00a0 kuva mu matariki 15 Gashyantare 2018,ariko imbere mu nkambi. Nyuma baza guhaguruka igihiriri bavuga ko batashye\u00a0ariko bajya kuri UNHCR i Karongi baba ariho bakambika.<\/p>\n

Iyi myigaragambyo yasize\u00a0abagera kuri 11 mu mpunzi bahasiga ubuzima abandi barakomereka, barimo n\u2019abo ku ruhande rw\u2019abashinzwe umutekano.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube