Mu nyandiko ya Prof Nyagahene babanye, Bigirumwami agaragazwa nk\u2019ukomoka ku Bagesera b\u2019Abazirankende bo kwa Bazimya ba Ruregeya, umwami w\u2019i Gisaka. Ni inyandiko yanyujijwe ku Umuseke.com, inagarukwaho mu kiganiro Ibihe n\u2019amateka cya Radio Huguka.<\/p>\n
Ibi bisobanuye ko akomoka ku bwahoze ari ubwami bw\u2019i Gisaka, akaba mwene Rukamba rwa Karakawe ka Rucababisha rwa Rushenyi rwa Gwiza ya Sebakara ba Muhutu wa Bazimya ba Ruregeya umuzirankende.<\/p>\n
Se Rukamba ni umwe mu batware b\u2019i Gisaka bayobotse ingoma y\u2019u Rwanda rugikubita (mbere i Gisaka cyari ubwami ukwabwo), niko kwita imfura ye Bigirumwami.<\/p>\n
Ni ukuvuga ko Musenyeri Bigirumwami ari sewabo Mgr Philippe Rukamba, umushumba wa Diyosezi ya Butare ubungubu.<\/p>\n
Bigirumwami nk\u2019umukirisitu<\/strong> <\/p>\n Yozefu \u00a0Rukamba ubyara Musenyeri Bigirumwami, \u00a0ni umwe mu bakiristu ba mbere ba Misiyoni ya Zaza wari n\u2019umutware muri kariya gace. Bigirumwami yabatijwe \u00a0 izina rya Aloys, \u00a0ku munsi \u00a0mukuru wa Noheli \u00a0yo mu mwaka wa 1904, ni ukuvuga nyuma y\u2019iminsi itatu avutse.<\/p>\n Ku mya 10 gusa, yagiye kwiga mu Iseminari ntoya ya mutagatifu Lewo Kabgayi izwi kugeza n\u2019ubu nka Petit Seminaire Saint Leon de Kabgayi, mu 1914.<\/p>\n Mu mwaka w\u20191921, arangije mu iseminari nto, yakomereje muri seminari nkuru nayo yari ikiri i Kabgayi.<\/p>\n Arangije seminari nkuru, yahawe ubusaserdoti ku itariki ya 26 gicurasi mu mwaka w\u20191929 na Musenyeri L\u00e9on Paul Classe.<\/p>\n Nyuma yo guhabwa ubusaseridoti yatangiye ubutumwa bwe yigisha mu iseminari nto ya Kabgayi muri uwo mwaka yahawemo ubupadiri.<\/p>\n Mu mwaka wakurikiyeho w\u20191930, yakoreraga ubutumwa i Kabgayi n\u2019i Murunda, muri 1931 yimurirwa muri Paruwasi y\u2019Umuryango mutagatifu \u00a0i Kigali, mbere y\u2019uko mu mwaka w\u20191932 ajyanwa i Rulindo.<\/p>\n Bitandukanye n\u2019iyi myaka 4 ya mbere y\u2019ubusasardoti aho yimurwaga buri mwaka, Padiri Aloys Bigirumwami yarambye cyane muri Paruwasi ya Muramba yabereye Padiri mukuru imyaka cumi n\u2019umunani (30 Mutarama 1933 kugeza 17 Mutarama 1951), aho yavuye agirwa Padri Mukuru wa Paruwasi ya Nyundo.<\/p>\n Aha yari ageze ku marembo y\u2019ubuyobozi bw\u2019ikirenga muri Kiliziya gatolika mu gace ka Afrika y\u2019abirabura yari izwi nka Kongo mbiligi.<\/p>\n Ku itariki ya 14 Gashyantare 1952 Padiri Aloys Bigirumwami yatorewe kuyobora Vikariyati nshya ya Nyundo yari imaze gushyirwaho na Papa Piyo wa XII, aba agizwe Vicaire apostolique, mu kilatini Vicar Apostolic basobanuye Uhagarariye Papa muri Vikariyati ya Nyundo.<\/p>\n Yahawe ubwepiskopi ku itariki ya 01 Kamena 1952 i Kabgayi na Musenyeri Laurent Deprimoz wayoboraga Vikariyati ya Kabgayi.<\/p>\n Ni we mwirabura wa mbere wari uhawe iyo mirimo muri Koloni mbirigi, ni ukuvuga Kongo, u Burundi n\u2019u Rwanda, akaba n\u2019umunyafrika wa 3 wari ubaye umwemiskopi mu mateka ya kiliziya gatolika muri Afrika.<\/p>\n Icyo gihe yimikwa, hari ku munsi mukuru wa Pentekosti, mu birori bikomeye cyane byanitabiriwe n\u2019Umwami Mutara III Rudahigwa wavuze n\u2019ijambo icyo gihe, akanamutura imodoka. Ibi birori byabaye akataraboneka kuko ngo byamaze iminsi 3, musenyeri Bigirumwami yakiriye abigishwa bashya 20.000 uwo munsi.<\/p>\n Umwanditsi Bushayija avuga ko muri icyo gihe inzego nkuru za Kiliziya Gatolika zose zayoborwaga n’abamisiyoneri bera b’abazungu kubera ko icyo gihe abazungu bari bataremera ko n’umwirabura ashobora kugira ubwenge nk’ubw’abazungu.<\/p>\n Iyi Nyundo mwumva, yari igizwe n\u2018ibyahoze ari amaprefegitura ya Gisenyi na Kibuye n\u2019agace gato ka Ruhengeri. Yari ifite abakristu 54.000 n\u2019abigishwa 27.000 ku baturage bose bari 375.000.<\/p>\n Diosezi nshya ya Nyundo icyo gihe yari ifite abapadiri 25 barimo 8 b\u2019abazungu, abafrere 11 b\u2019abayosefiti, ababikira 28 bo mu muryango w\u2019abenebikira, n\u2019ababikira 5 bera.<\/p>\n Nyuma yo kuba umushumba wa Vikariyati ya Nyundo, kuya 21 Ugushyingo 1952, Musenyeri \u00a0Bigirumwami yagiye i Banneux mu Bubiligi maze ahavugira isengesho ryo gutura Vikariyati nshya ya Nyundo Bikira Mariya Umubyeyi w\u2019abakene.<\/p>\n Igihe Kiliziya gatolika yo mu Rwanda ihawe inzego bwite z\u2019ubuyobozi na Papa Yohani wa XXIII mu Rwandiko \u201cCum parvulum sinapis granum\u201d rwo kuwa 10 Ugushyingo 1959 Musenyeri Aloys Bigirumwami yabaye Umwepiskopi wa Nyundo.<\/p>\n Ubu rero yari yinjiye mu rugamba rw\u2019iyogezabutumwa rishingiye ku iyobokamana ridasiga inyuma iterambere ry\u2019abaturage b\u2019igihugu kandi rikanaha agaciro amateka yabo n\u2019umuco wabo.<\/p>\n Bigirumwami nk\u2019intwari<\/strong> <\/p>\n Mu nyandiko ye, Padiri L\u00e9onidas Ngarukiyintwali, \u00a0agaragaza Musenyeri Bigirumwami nk\u2019 umunyarwanda waharaniye guhesha igihugu cy\u2019u Rwanda n\u2019umuco wacyo ishema, nk\u2019umukiristu wahaga agaciro umuco karande w\u2019abakurambere kandi ibyo ntibimubuze kuba umukiristu nyawe.<\/p>\n Yari umuntu uhamye mu bukiristu, utoza buri wese kuba umukiristu w\u2019umunyarwanda.<\/p>\n Mgr Aloys Bigirumwami yakoze ubushakashatsi ku muco w\u2019abakurambere guhera mu mwaka w\u20191931, yanditse cyane ku muco nyarwanda.<\/p>\n Bigirumwami, ni umwe mu banyarwanda bamenyekanye cyane kandi bigaragaje nk\u2019intwari. Ntiyabaye umuntu usanzwe nubwo yigaragazaga nk\u2019usanzwe. Musenyeri Aloys Bigirumwami yaririmbwe \u2018 Mushumba ushagawe\u2019<\/em> agasingizwa \u2018 Nyamuberwa n\u2019imihigo, intore itamirije ubutungane\u2019<\/em> .<\/p>\n Usibye kubaka ibigo by’abihayimana n’amavuriro, Musenyeri Bigirumwami yaranzwe cyane no kubaka amashuri, henshi mu gihugu, kuva kuri Diyosezi ya Nyundo kugera mu maparuwasi.<\/p>\n Kubwe yumvaga icya mbere gikomeye kugira ngo abaturage batere imbere ari ukwiga.<\/p>\n Icyo yibukirwaho cyane kandi, nyaguhorana ibisingizo, \u00a0ni ukwita ku burere bw\u2019umwana w\u2019umukobwa, ibi byadutse ubu, we yabiteye imboni kare.<\/p>\n Niwe washinze bwa mbere amashuri y\u2019abakobwa, kugira ngo nabo bazatere imbere mu buhanga, aho guhera mu mirimo yo mu rugo gusa. Yatangiriye ku ishuri ry\u2019i Muramba, n\u2019ayandi agenda yubakwa.<\/p>\n Si ibyo gusa kuko Musenyeri Bigirumwami yari afatanyije n\u2019umwami Mutara III Rudahigwa igitekerezo cyo gushinga ishuri ry\u2019icyitegererezo mu Rwanda. Iki gitekerezo abayobozi be muri Kiliziya baracyemeye, asaba inkunga u Bubiligi buremera, Umwami Rudahigwa na we arabishyigikira cyane.<\/p>\n Iryo shuri ryari kubakwa i Gatagara hari nk\u2019isangano. Ryari kuzagira inshingano yo guteza imbere ubumenyi n\u2019ubuhanga ku rwego ruminuje mu Rwanda.<\/p>\n Ubwo ibyangombwa byose byari byabonetse kugira ngo ryubakwe, ntawamenye uko byagenze, abakoloni bisubiyeho ku munota wa nyuma baryimurira i Bujumbura ryitwa Coll\u00e8ge Christ-Roi i Bujumbura.<\/p>\n Icyo cyemezo cyababaje Myr Bigirumwami n\u2019Umwami Rudahigwa ariko barabyakira.<\/p>\n Ikindi kibukwa mu mateka ya Bigirumwami, ni uko ariwe wahaye ubusenyeri umusuwisi Andereya Peraudin(uyu uzwi nk\u2019umuntu wagize uruhare muri politiki zayoboye igihugu mu myaka ya za 50 na 60). Yahawe ubusenyeri tariki 19 Ukuboza 1955, yimikwa na Myr Bigirumwami.<\/p>\n Icyo gihe bitumvikanaga mu bazungu ko umwera yahabwa ubwepiskopi n\u2019umwirabura, ariko muri icyo gihe nubwo n\u2019ubu batoroshye, umwepiskopi gatolika yari umuntu w\u2019icyubahiro gihambaye kiyingayinga icy\u2019imana.<\/p>\n Bigirumwami na Ndumunyarwanda<\/strong> <\/p>\n Musenyeri Bigirumwami yarwanyaga icyabuza umunyarwanda kwishimira uwo ari we kandi arwanira kumwereka ko ntacyo atashobora, atanaretse amatwara ye ya Kinyarwanda.<\/p>\n Mu nyandiko ye, \u00a0Padiri\u00a0 Leonidas agaragazamo ko Musenyeri Aloys Bigirumwami ari umwe mu ntwari za Kiliziya Gaturika, ndetse\u00a0 ko buri munyarwanda cyane cyane abato bakwigira ku ndangagaciro za Musenyeri Aloys Bigirumwami\u00a0 mu \u00a0guharanira kuba\u00a0 Abakirisitu , Abanyarwanda\u00a0 b\u2019Abakirisitu, Abanyarwanda\u00a0 baterwa ishema ryo kuba Abanyarwanda, tukabisigasira dushimangira\u00a0 ibyiza biri mu muco wacu , ibitajyanye n\u2019ubukiristu tukabireka.<\/p>\n Mgr Aloys Bigirumwami yabayeho nk\u2019umwepiskopi mu gihe ibibazo by\u2019amoko byarimo bifata intera igana ku macakubiri akomeye. Ubwo hizihizwaga isabukuru y\u2019imyaka 10 u Rwanda rwari rumaze rwigenga, Bigirumwami ntiyazuyaje kwerekana ko abanyarwanda bakirebera mu ndorerwamo y\u2019amoko kandi atari byiza, maze avuga ukuri benshi batabashaga kuvuga, ndetse nubu bamwe bakuvugira mu matamatama, cyangwa bakabivugishwa n\u2019umutimanda.<\/p>\n Mu ibaruwa yiswe :\u00ab\u00a0Ibaruwa ya Musenyeri Bigirumwami \u00bb\u00a0 Ingingo z\u2019ingenzi mu mateka y\u2019u Rwanda. Imyaka cumi y\u2019isabukuru y\u2019ubwigenge. Ku ipaji ya <\/em> 33 y\u2019iyo Baruwa, Aloys Bigirumwami yagiraga ati :<\/p>\n “Hali ikibazo giteye inkeke abashinzwe guteza igihugu cyacu imbere, si ikindi ni ikibazo cy\u2019amoko cyangwa cy\u2019umubano hagati y\u2019Abatutsi, Abahutu n\u2019abatwa. <\/em> Dore aho ikibazo kiri : Umuhutu ni iki? Umututsi ni iki? Umutwa ni iki? Twabihera ku isura se, ubwoko se, icyubahiro cyangwa ubukungu se?<\/em> <\/p>\n Ndatanga urugero ku baturage bashyingiranye bo muri za teritwari cyangwa uturere twa Nyanza-Nduga, Kigali-Busanza, bo ku Kibuye no mu Kinyaga; byanshimisha menye icyo abo baturage b’utwo turere babitekerezaho. Byabagora rwose bishinze isura, babashakamo Abahutu cyangwa Abatutsi cyangwa Abatwa. Nk\u2019Abatwa bo mu Kabagali (Teritwari Nyanza) wagira ngo ni abatutsi. Nanjye ubwanjye nahoze nibwira ko ndi umututsi,\u00a0 ibyo byankamutsemo nsomye igitabo cya padri Delmas gihamya ko Abagesera ari Abahutu\u2026”<\/em> <\/p>\n Bigirumwami, umwanditsi<\/strong> <\/p>\n Mu Ukuboza 1954, Musenyeri Aloys Bigirumwami yashinze akanyamakuru k’abana kitwa HOBE, kugira ngo bamenyere gusoma, babone n’inkuru basoma mu Kinyarwanda.<\/p>\n Inyinshi mu nyandiko yasize zibandaga ku muco n’imyemerere ya Kinyarwanda. Zimwe muri zo ni izi:<\/p>\n -Imigani miremire, 1972<\/p>\n -Imana y’abantu, abantu b’Imana, Imana mu bantu abantu mu Mana, 1979<\/p>\n -Imihango, imiziro n’imiziririzo mu Rwanda, 1984.<\/p>\n N\u2019ubwo kandi Mgr Aloys Bigirumwami yanditse byinsHi ku mateka n\u2019umuco w\u2019abanyarwanda, ni ibintu yacengeye\u00a0 kandi abimenya akuze ku bw\u2019ubuhanga n\u2019umuhate w\u2019ubushakashatsi, kuko ubundi mu buto bwe ntaho yari yigeze ahurira nabyo.<\/p>\n Bigirumwami mu za bukuru<\/strong> <\/p>\n Nyuma 21 y\u2019umurimo utoroshye wo gushinga no guha Diyosezi ya Nyundo umurongo, Musenyeri Bigirumwami yaje kwegura ku buyobozi bwa Diyosezi ku itariki ya 17 Ukuboza 1973.<\/p>\n Musenyeri Aloys Bigirumwami yeguye ku bushake atarabitegekwa n\u2019imyaka y\u2019ubukure nk\u2019uko biteganywa n\u2019amategeko ya Kiliziya Gatolika.<\/p>\n Amaze kwegura, yahise \u00a0azungurwa na Mgr Visenti Nsengiyumva nyuma waje kugirwa Arikiyepiskopi wa Kigali, Nyundo ihabwa Mgr Wenceslas Kalibushi.<\/p>\n Nyuma Bigirumwami yabaye muri Paruwasi ya Kivumu ndetse n\u2019i Kigufi (mu murenge wa Nyamyumba urenze kuri BRALIRWA no ku mashyuza, i Rubavu), bityo akomeza gukora ubushakashatsi ku muco nyarwanda.<\/p>\n Ku myaka 82 y\u2019amavuko, Musenyeri Bigirumwami yitabye \u00a0Imana ku itariki ya 3 Kamena 1986, ahagana saa tanu za mu gitondo (11h00) ku bitaro bya Ruhengeri, akaba ashyinguye imbere muri Katederali ya Nyundo.<\/p>\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n![\"YouTube](\"https:\/\/i.ytimg.com\/vi\/49Ua0dlOHhY\/maxresdefault.jpg\")