{"id":10167,"date":"2018-05-07T17:31:30","date_gmt":"2018-05-07T17:31:30","guid":{"rendered":"https:\/\/new.bwiza.com\/2018\/05\/07\/kigali-rukundo-wambuwe-ibye-n-ubushinjacyaha-arasaba-perezida-kagame\/"},"modified":"2018-05-07T17:31:30","modified_gmt":"2018-05-07T17:31:30","slug":"kigali-rukundo-wambuwe-ibye-n-ubushinjacyaha-arasaba-perezida-kagame","status":"publish","type":"post","link":"https:\/\/bwiza.com\/?p=10167","title":{"rendered":"Kigali: Rukundo wambuwe ibye n\u2019ubushinjacyaha arasaba Perezida Kagame kumurenganura"},"content":{"rendered":"

Rukundo Jean Claude, utuye mu kagari ka Ruhango, umurenge wa Gisozi, akarere ka Gasabo mu Mujyi wa Kigali, aratakambira umukuru w\u2019igihugu amusaba kumurenganura nyuma y\u2019uko ubushinjacyaha bufatiriye ibikoresho bye, nyuma yaba umwere ku byo yaregwaga ntabisubizwe; \u00a0\u00a0imyaka itanu ikaba ishize asemberana abana batanu n\u2019umugore.<\/strong> <\/em> <\/p>\n

Ibikoresho bya Rukundo byiganjemo iby\u2019ikoranabuhanga bifite agaciro ka miliyoni 18, byafatiriwe n\u2019ubushinjacyaha ku wa 13 Werurwe 2013, biza no kuburira mu maboko ya bwo, yandikiye inzego zitandukanye ariko n\u2019ubu nta butabera abona, ibi akabibona nko kurenganywa n\u2019abakabaye aribo ntangarugero mu kubahiriza amategeko.<\/p>\n

Ubwo yari mu rugendo mu gihugu cy\u2019 u Bugande, ngo nibwo iwe mu rugo haje abantu barimo abapolisi babiri bambika umugore we amapingu, bajagajaga inzu yose batwara igifite agaciro cyose bahereye ku bicuruzwa yari afite mu bubiko.<\/p>\n

Agira ati \u201cubwo nari i Bugande, mu rugo iwanjye haje abantu barimo abapolisi, bafata umugore wanjye bamwambika amapingu barangije batwara ibintu byanjye nacuruzaga byiganjemo ibikoresho by\u2019ikoranabuhanga birimo amamashini (Computers), Modem, frash disk, ibikoresho bya telefoni n\u2019ibindi byinshi cyane.\u201d<\/p>\n

Rukundo avuga ko nyuma yo kuva i Bugande yaje gusanga ikirego kuri pariki ya Nyarugenge ndetse anabaza impamvu yatwawe ibikoresho, ahita afatwa arafungwa akatirwa iminsi 30 y\u2019agateganyo.<\/p>\n

Avuga ko yasanze ashinjwa ibyaha by\u2019ubujura buciye icyuho ndetse ngo umushinjacyaha witwa Nsabimana Florien akimubona, yamusanganije ijambo, agira ati \u201cRukundo we harya ufite abana 5, ko ngiye kugufunga bazabaho bate?<\/p>\n

Akomeza avuga ko nyuma yaho, yaburanye urukiko rusanga ibyaha bamushinja, igihe bavuga ko yabikoze atarabaga mu gihugu, aburana mu rukiko rw’ibanze rwa Nyarugenge ndetse no mu rwisumbuye hose aratsinda, rumugira umwere.<\/p>\n

Bayavuge Janviere, umugore wa Rukundo avuga ko ubu aho bigeze umukuru w\u2019igihugu ari we wabarenganura kuko inzego zindi zabatereranye kugeza naho ubu batagifite aho barambika umusaya.<\/p>\n

Ati \u201cni ukuri umukuru w\u2019igihugu nadufashe twishyurwe, twaraburanye kandi twaratsinze ariko ubushinjacyaha bwanze kudusubiza ibintu byacu, ubu imyaka itanu irashize\u201d.<\/p>\n

Bayavuge avuga ko kugeza iyi saha bugarijwe n\u2019ubukene, aho abana babo ubu bahagaritse kwiga, ubucuruzi bakoraga burahagarara binaba ngombwa ko banki iteza mu cyamunara imitungo bari basigaranye kubera ko ibyo bakuragaho ubwishyu byarigishijwe n\u2019ubushinjacyaha.<\/p>\n

Nubwo hashize imyaka itanu Rukundo atarabona ibikoresho bye, asanga amategeko akomeje gukandagirwa n\u2019abakayubahirije, akaba abona aho bigeze umukuru w\u2019igihugu ariwe wenyine ubu wamurenganura.<\/p>\n

Rukundo\u00a0 yandikiye inzego nyinshi zitandukanye zirimo Minisiteri y\u2019ubutabera, Ibiro bya Minisitiri w\u2019Intebe (Primature), ubushinjacyaha bukuru, Umuvunyi mukuru, Transparance Rwanda, CID, Polisi n\u2019umuyobozi mukuru wayo azisaba kumurenganura.<\/p>\n

Mu ibaruwa Minisitiri w\u2019Ubutabera, Johnston Busingye yandikiye umushinjacyaha mukuru, ku wa 11 Ukuboza 2015, yamusabaga gukurikirana ikibazo cya Rukundo ndetse kikanakemurwa mu gihe bigaragara ko ari umwere.<\/p>\n

Yagize ati \u201cNsuzumye ibaruwa ye y\u2019urubanza nimero NPA0346\/14\/TGI\/NYGE, NPA 0371\/14\/TGI\/NYGE\/ NPA00367\/14\/TGI\/NYGE\/NPA 0455\/14\/TGI\/NYGE nsanze koko yaragizwe umwere ku cyaha cy\u2019ubujura buciye icyuho yaregwaga, cyakorewe \u2018Connect computer Ltd\u2019 na \u2018Marvel solution Ltd\u2019, maze urukiko rwisumbuye rwa Nyarugenge rutegeka ubushinjacyaha kumusubiza ibikoresho bye bitandukanye bwari bwafatiriye, urwo rubanza rukaba rwarabaye itegeko kuko rwatejwe kashempuruza\u201d.<\/p>\n

Min.Busingye yasabaga umushinjacyaha mukuru gukurikirana ikibazo cya Rukundo agasubizwa ibye, n\u2019ubwo bwose imyaka ishize ari itatu nta kirakorwa.<\/p>\n

Yagize ati \u201cndagusaba gukurikirana ikibazo uwo muturage yangejejeho kugirango ahabwe ibikoresho bye nk\u2019uko byemezwa n\u2019urukiko nyuma y\u2019uko umushinjacyaha ku rwego rwisumbuye rwa Nyarugenge amenyesheje umukozi wa Minisiteri ko ibyo bikoresho atarabihabwa\u201d.<\/p>\n

\"\"<\/a>
Ibaruwa Min. Busingye yandikiye umushinjacyaha mukuru amusaba gukurikirana ikibazo cya Rukundo mu 2015<\/strong><\/figcaption><\/figure>\n

\"\"<\/a><\/p>\n

\"\"<\/a>
Rukundo yandikiye na Minisitiri w’intebe<\/strong><\/figcaption><\/figure>\n

\"\"<\/a><\/p>\n

Andi mabaruwa Rukundo yagiye yandikira inzego zitandukanye<\/strong> <\/p>\n

\"\"<\/a>
Ibaruwa Rukundo yandikiye umuyobozi w’ubugenzacyaha mu Mujyi wa Kigali<\/strong><\/figcaption><\/figure>\n
\"\"<\/a>
Ibaruwa umugore wa Rukundo yandikiye Minisitiri w’ubutabera<\/strong><\/figcaption><\/figure>\n

Mu nkuru y’ubutaha tuzabagezaho uruhande rw’ubushinjacyaha<\/p>\n

\"\"<\/a>
Rukundo, yakoresheje n’iposita mu kohereza ubutumwa asaba kurenganurwa<\/strong><\/figcaption><\/figure>\n
\n
\"YouTube