{"id":10173,"date":"2018-05-08T10:48:46","date_gmt":"2018-05-08T10:48:46","guid":{"rendered":"https:\/\/new.bwiza.com\/2018\/05\/08\/bane-bo-mu-muryango-wa-rwigara-assinapol-barashakishwa-n-ubutabera-bw-u-rwanda\/"},"modified":"2018-05-08T10:48:46","modified_gmt":"2018-05-08T10:48:46","slug":"bane-bo-mu-muryango-wa-rwigara-assinapol-barashakishwa-n-ubutabera-bw-u-rwanda","status":"publish","type":"post","link":"https:\/\/bwiza.com\/?p=10173","title":{"rendered":"Bane bo mu muryango wa Rwigara Assinapol barashakishwa n\u2019ubutabera bw\u2019u Rwanda"},"content":{"rendered":"

Abagize umuryango wa Assinapol Rwigara bitabye ubutabera mu gitondo cyo ku wa Mbere tariki ya 7 Gicurasi 2018, ngo baburanishwe urubanza mu mizi ku byaha baregwa birimo icyo guteza imvururu, cyangwa imidugararo muri Rubanda. Ubushinjacyaha burasaba ko n’abavandimwe babo bane bari mu mahanga bategekwa kwitaba ubutabera bw’u Rwanda bakaburanishirizwa hamwe.<\/em> <\/strong> \u00a0<\/strong> <\/p>\n

Shima Diane Rwigara na nyina, Adelide Mukangemanyi Rwigara, bombi bagejejwe imbere y\u2019urukiko bari kumwe n\u2019ababunganira mu mategeko, biba ngombwa ko n\u2019urubanza rusubikwa kubera Me Gashabana wunganira Adeline, wasabye urukiko ko rwakwimurirwa indi tariki, atangaza ko afite urundi rubanza ruhuje amasaha n\u2019urw\u2019aba mu Rukiko rw\u2019Ikirenga.<\/p>\n

Umucamanza akimara guhamagaza abaregwa akabamenyesha imyirondoro n\u2019ibyaha buri umwe akurikiranyweho byahise bica amarenga ko iyi dosiye ishobora kuzahindura isura.<\/p>\n

Amazina nka Mugenzi Tabitha Gwiza, murumuna wa Adeline Rwigara uba i Toronto muri Canada, n\u2019abandi bavandimwe barimo Xaverine Mukangarambe uba muri USA, Edmond Bushayija bakunze kwita Sacyanwa uba mu Bubiligi na Jean Paul Turayishimye uba muri USA na bo biyongereye muri iki kirego.<\/p>\n

Bitandukanye n\u2019uko byumvikanaga mu rubanza ku ifungwa n\u2019ifungurwa ry\u2019agateganyo aba bavugwaga ko baganiraga n\u2019abaregwa ku matelefone ari ho ngo hakomotse ibyaha birimo ibyo guteza imidugararo cyangwa imvururu muri Rubanda bigasa n\u2019ibigarukira aho.<\/p>\n

Ubutabera bw\u2019u Rwanda burafata abavandimwe bane ba Diane Rwigara na Adeline Rwigara bari mu mahanga nk\u2019abakurikiranywe bihishe ubutabera.<\/p>\n

Ibyaha baregwa bigaruka cyane ku butumwa bw\u2019amajwi bagiye bohererezanya kuri WhatsApp hagati y\u2019abo mu muryango, harimo ubwo Mukangemanyi yoherereje uwitwa Mukangarambe Xaverine aho ngo yavuze ko Leta iyoboye u Rwanda ari amabandi, n\u2019aho yoherereje umuvandimwe we Mugenzi Tabitha Gwiza ubutumwa bw\u2019amajwi kuri WhatApp avuga ko abantu bakwiye kwamagana iyi Leta, ko icyayihirika cyose yagishyigikira.<\/p>\n

Ikindi cyagarutsweho ni ikiganiro cy\u2019uwitwa Jean Paul Turayishimye uri mu buyobozi bwa RNC afata umwanya munini asobanurira Adeline Rwigara icyo RNC ari cyo. Atangira amuburira ko bakwiye gukomera ku ibanga ati \u201cuziko amabanga yanyu ateye ubwoba? Uziko mushobora no kuzapfa abantu ntibabimenye?\u201d<\/p>\n

Diane Rwigara akurikiranyweho icyaha cyo gukoresha impapuro mpimbano n\u2019icyaha cyo kugambirira guteza imvururu cyangwa imidugararo muri rubanda ahuriraho na nyina.<\/p>\n

Nyina, Mukangemanyi Adeline Rwigara, nyuma y\u2019iki cyaha ahuriyeho n\u2019umukobwa we, hiyongeraho icyaha cy\u2019ivangura no gukurura amacakubiri.<\/p>\n

\u00a0<\/p>\n

Iburanisha rizakomeza ku wa 22 Gicurasi 2018.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube