{"id":10221,"date":"2018-05-12T08:32:08","date_gmt":"2018-05-12T08:32:08","guid":{"rendered":"https:\/\/new.bwiza.com\/2018\/05\/12\/gasabo-abakozi-batanu-b-039-ikigo-nderabuzima-batawe-muri-yombi-bacyekwaho\/"},"modified":"2018-05-12T08:32:08","modified_gmt":"2018-05-12T08:32:08","slug":"gasabo-abakozi-batanu-b-039-ikigo-nderabuzima-batawe-muri-yombi-bacyekwaho","status":"publish","type":"post","link":"https:\/\/bwiza.com\/?p=10221","title":{"rendered":"Gasabo: Abakozi batanu b'Ikigo Nderabuzima batawe muri yombi bacyekwaho kwiba imiti"},"content":{"rendered":"
\n

Polisi y\u2019u Rwanda ifatanyije n\u2019Urwego rw\u2019Igihugu rw\u2019Ubugenzacyaha (RIB), ku wa kane tariki ya 10 Gicurasi 2018, yafashe abantu batanu, barimo abaforomo batatu (3) bakekwaho kwiba ibikoresho n\u2019imiti byo mu kigo nderabuzima cya Kayanga giherereye mu murenge wa Rutunga Akarere ka Gasabo.<\/em> <\/strong> <\/p>\n<\/div>\n

\n

Bimwe mu byibwe muri icyo kigo nderabuzima birimo ibikoresho bya Laboratwari, amashuka n\u2019ibiringiti by\u2019ikigo nderabuzima, ndetse n\u2019imiti ya Farumasi y\u2019icyo kigo nderabuzima.<\/p>\n<\/div>\n

\n

Abo baforomo uko ari batatu bakekwaho ubwo bujura ni Nyirantabaruye Violette, Ndayisaba Pascal, na Nyangabo Felicien.<\/p>\n<\/div>\n

\n

Abandi babiri bakekwaho ubufatanyacyaha ni abakozi bashinzwe isuku muri iki kigo nderabuzima aribo; Uwambazamariya Skolastika akaba n\u2019umugore wa Ndayisaba, na Mutsindashyaka Innocent.<\/p>\n<\/div>\n

\n

Umuvugizi wa Polisi mu mujyi wa Kigali Senior Superintendent of Police (SSP) Emmanuel Hitayezu yavuze ati:\u201dTwamenye amakuru ko hari amashuka yabuze muri iki kigo nderabuzima, dufatanyije n\u2019Urwego rw\u2019Igihugu rw\u2019Ubugenzacyaha (RIB) dutangira iperereza ngo tumenye niba hari ubujura bwabaye muri iki kigo nderabuzima, muri iryo perereza rero nibwo bamwe mu bakozi bavuze ko bakeka ko Uwambazamariya ari mu bashobora kuba baribye ayo mashuka n\u2019ibiringiti. Nibwo twagiye iwe tuhasanga ibikoresho byinshi by\u2019ikigo nderabuzima.\u201d<\/p>\n<\/div>\n

\n

Yakomeje avuga ko nyuma yo gufata Uwambazamariya n\u2019umugabo we, hari abandi batangabuhamya bavuze ko bakeka ko na Nyangabo yaba yaratwaye ibikoresho by\u2019ikigo nderabuzima.<\/p>\n<\/div>\n

\n

Yavuze ati:\u201dBatubwiye ko kubera ko Nyangabo avurira abantu iwe ashobora kuba yiba ibikoresho by\u2019ikigo nderabuzima ndetse n\u2019imiti ya Farumasi y\u2019iki kigo, twagiyeyo koko tuhageze tuhasanga imiti myinshi ya Farumasi y\u2019ikigo nderabuzima cya Kayanga. N\u2019abandi rero ni muri ubwo buryo bafashwe nyuma yo gusanganwa ibikoresho by\u2019ikigo nderabuzima.\u201d<\/p>\n<\/div>\n

\n

Kugeza ubu aba bakekwa uko ari 5 bafungiye kuri Sitasiyo ya Polisi ya Gikomero, mu gihe Urwego rw\u2019Igihugu rw\u2019Ubugenzacyaha (RIB) rukomeje igenzura ngo rurebe niba hari ibindi bikoresho byibwe muri iki kigo nderabuzima ndetse n\u2019ababigizemo uruhare.<\/p>\n<\/div>\n

\n

SSP Hitayezu kandi yavuze ati:\u201dIyo hari umuntu utwaye ibikoresho n\u2019imiti by\u2019ikigo nderabuzima, abarwayi bashobora kuhatakariza ubuzima kuko ibiba byari kubafasha gukira biba byibwe. Ni nayo mpamvu dukangurira buri wese kurwanya uyu muco mubi, kuko ntiwamenya ushobora kuhatakariza ubuzima yabuze imiti, kuko ashobora no kuba umubyeyi, umuvandimwe cyangwa inshuti.\u201d<\/p>\n<\/div>\n

\n

Ingingo ya 300 yo mu gitabo cy\u2019amategeko ahana ibyaha mu Rwanda ivuga ko umuntu wese ukora ubujura budakoreshejwe kiboko cyangwa ibikangisho, ahanishwa igifungo kuva ku mezi atandatu (6) kugeza ku myaka ibiri (2) n\u2019ihazabu y\u2019amafaranga y\u2019u Rwanda yikubye inshuro kuva kuri ebyiri (2) kugeza kuri eshanu (5) z\u2019agaciro k\u2019icyibwe cyangwa kimwe gusa muri ibyo bihano.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube