{"id":10255,"date":"2018-05-16T09:56:05","date_gmt":"2018-05-16T09:56:05","guid":{"rendered":"https:\/\/new.bwiza.com\/2018\/05\/16\/nyamasheke-umusaza-w-imyaka-59-yasanzwe-mu-giti-cy-imyembe-yapfuye\/"},"modified":"2018-05-16T09:56:05","modified_gmt":"2018-05-16T09:56:05","slug":"nyamasheke-umusaza-w-imyaka-59-yasanzwe-mu-giti-cy-imyembe-yapfuye","status":"publish","type":"post","link":"https:\/\/bwiza.com\/?p=10255","title":{"rendered":"Nyamasheke: Umusaza w\u2019imyaka 59 yasanzwe mu giti cy\u2019imyembe yapfuye"},"content":{"rendered":"

Mu mudugudu wa Nyamugari, akagari ka Gasayo, umurenge wa Karengera ho mu karere ka Nyamasheke, haravugwa urupfu ruteye urujijo rw\u2019umusaza, Ngendahayo Jean w\u2019imyaka 59\u00a0 y\u2019amavuko, wabyutse saa munani z\u2019ijoro \u00a0zo ku cyumweru tariki ya 13 Gicurasi 2018, ajya kwihagarika ntiyagaruka mu nzu, mu gitondo bamusanga mu giti cy\u2019imyembe ho amanitse yapfuye.<\/em> <\/strong> <\/p>\n

Nk\u2019uko Bwiza.com yabitangarijwe n\u2019umunyamabanga nshingwabikorwa w\u2019akagari ka Gasayo, Niyonsenga Jean Pierre, avuga ko ntawe bazi uyu musaza bari bafitanye amakimbirane.<\/p>\n

Nta kibazo cy\u2019amakimbirane yari afitanye n\u2019umuryango, ngo yari aryamanye n\u2019umugore we, bigeze mu gicuku nka saa munani arabyuka ajya hanze ntiyagaruka.<\/p>\n

Yagize ati\u2019\u2019 ni urupfu natwe rwatubereye amayobera kuko uretse kuba muri ibi byumweru 3 bishize wabonaga asa n\u2019uwahinduye imyifatire, ameze nk\u2019ufite ihungabana, ameze nk\u2019ujujamye atagisabana cyane nka mbere, ahora acecetse cyane, nta kindi kibazo kizwi yari afitanye n\u2019umuntu wese cyamutera kwiyambura ubuzima gutyo, ni yo mpamvu n\u2019abaturage bose byababereye inshoberamahanga.\u2019\u2019<\/p>\n

Avuga ko amakuru yayabwiwe n\u2019umugore wa nyakwigendera witwa\u00a0 Mukarubibi B\u00e9trice w\u2019imyaka\u00a0 54 y\u2019amavuko, ngo ubwo yasohokaga agiye kwihagarika, undi yarakomeje araryama arasinzira akangutse saa kumi z\u2019igitondo abura umugabo iruhande rwe, ni ko guhamagara abana bagira ngo yaba yagiye mu murima yibeshye amasaha, bagiye gushaka baraheba.<\/p>\n

Ngo baragarutse mu gitondo bukeye bahamagara abaturanyi batangira ku mushakisha, ni bwo\u00a0 bamubonye mu giti cy\u2019umwembe cyo munsi y\u2019urugo yimanikishije umugozi, bikekwa ko ari we waba yiyahuye kuko batumvise ataka ngo bakeke ko ari abagizi ba nabi baba bamwishe bakahamumanika.<\/p>\n

Uyu musaza wari usanzwe ari umuhinzi mworozi,ari n\u2019umucuruzi w\u2019amatungo magufi n\u2019ibiyakomokaho,ngo nubwo muri iyi minsi ubukungu bwe bwasaga n\u2019ubwagabanutse ugereranije no mu bihe bishize, ngo nta kibazo cy\u2019ubukene bukabije yari afite ngo babe banakeka ko ari cyo cyamuteye kwiyahura.<\/p>\n

Ngendahayo Jean yashyinguwe ku wa Kabiri tariki ya 14 Gicurasi, nta suzuma rindi ryiriwe ribaho, akaba asize umugore n\u2019abana 8,ubuyobozi bukavuga ko urupfu rwe rwateye igikuba gikomeye mu baturage kuko ngo bakibibonamo amayobera.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube