{"id":10258,"date":"2018-05-16T19:21:08","date_gmt":"2018-05-16T19:21:08","guid":{"rendered":"https:\/\/new.bwiza.com\/2018\/05\/16\/zeid-hussein-ugereranya-u-burundi-n-iseta-ibagirwaho-abantu-aranenga-leta-yabwo\/"},"modified":"2018-05-16T19:21:08","modified_gmt":"2018-05-16T19:21:08","slug":"zeid-hussein-ugereranya-u-burundi-n-iseta-ibagirwaho-abantu-aranenga-leta-yabwo","status":"publish","type":"post","link":"https:\/\/bwiza.com\/?p=10258","title":{"rendered":"Zeid Hussein ugereranya u Burundi n\u2019iseta ibagirwaho abantu\u2019 aranenga Leta yabwo"},"content":{"rendered":"

Nyuma y\u2019igitero cyagabwe mu Ntara ya Cibitoke mu Burundi, kigahitana ubuzima bw\u2019abantu 26, Intumwa Nkuru\u00a0ya Loni\u00a0ku burenganzira bwa muntu,\u00a0Zeid\u00a0Ra\u2019ad Al Hussein, aranenga Leta y\u2019u Burundi itarabashije kurinda umutekano w\u2019abaturage.<\/em> <\/strong> <\/p>\n

Zeid\u00a0Ra\u2019ad Al Hussein avuga ko hakenewe ibisobanuro byinshi kuri ubu bwicanyi, hakamenyekana ababukoze, akavuga ko u Burundi bwuzuye ibinyoma.<\/p>\n

Yagize ati \u201cBishobora kuba byaturutse ku mpamvu za politiki, kugira ngo bigire icyo bihindura ku matora ya kamarampaka, cyangwa ubu bwicanyi bushobora kuba bwakozwe ku zindi mpamvu, zirimo ukwihorera, abatuye mu gace byabereyemo bavuga ko abo bicanyi bari bambaye imyenda ya gisirikare, ibyo ntacyo bivuze, kuko ntabwo bisobanura neza abo ari bo\u201d.<\/p>\n

Akomeza anenga abategetsi b\u2019u Burundi, avuga ko bakagombye kubaho bazi kurinda umutekano w\u2019abaturage ndetse ko amatora ateganyijwe ateye amakenga.<\/p>\n

Ati \u201cu Burundi bwuzuye ibihuha, ibiganiro bya politiki byarahagaze, benshi bibaza ibishobora kuba mu matora ya kamarampaka na nyuma yayo\u201d.<\/p>\n

Mu nama ya 37 ijyanye n\u2019iyubahirizwa ry\u2019uburengenzira bwa muntu, yabereye i Geneve mu Busuwisi ku wa 26 Gashyantare 2018, nibwo\u00a0Intumwa\u00a0nkuru\u00a0ya Loni\u00a0ku burenganzira bwa muntu,\u00a0Zeid\u00a0Ra\u2019ad Al Hussein, yatangaje ko hari ibihugu bimwe byo ku migabane itandukanye birimo u Burundi na Congo, byabaye nk\u2019iseta ibagirwaho abantu.<\/p>\n

Radiyo Mpuzamahanga y\u2019Abafaransa (RFI), yatangaje ko ibihugu bitanu, birimo u Burundi, Congo, Syria, Yemen na Birmanie, abantu bicwa umusubirizo kandi bikagaragara ko nta gikorwa ngo bihagarare.<\/p>\n

Aho yagize ati \u201cAti \u201cAkarere ka Ghoutta hamwe n\u2019utundi turere two muri Syria, uturere twa Uturi na Kasai muri Congo, Taa\u2019iz muri Yemen, u Burundi na Leta ya Rhakine muri Yemen byabaye nk\u2019 amaseta y\u2019ibagiro ry\u2019abantu muri iki gihe\u201d.<\/p>\n

Iki gitero cyatumye uyu muyobozi yongera kuvuga ku Burundi, cyagabwe mu ijoro ryo ku wa 11 Gicurasi 2018, bivugwa ko abakigabye bari baturutse muri Repubulika Iharanira Demokarasi ya Congo, cyahitanye ubuzima bw\u2019abantu 26.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube