{"id":10260,"date":"2018-05-16T13:21:18","date_gmt":"2018-05-16T13:21:18","guid":{"rendered":"https:\/\/new.bwiza.com\/2018\/05\/16\/abahigira-guhirika-leta-y-u-rwanda-umugambi-ubapfubana-ntaho-bari-bagera\/"},"modified":"2018-05-16T13:21:18","modified_gmt":"2018-05-16T13:21:18","slug":"abahigira-guhirika-leta-y-u-rwanda-umugambi-ubapfubana-ntaho-bari-bagera","status":"publish","type":"post","link":"https:\/\/bwiza.com\/?p=10260","title":{"rendered":"Abahigira guhirika Leta y\u2019u Rwanda umugambi ubapfubana ntaho bari bagera"},"content":{"rendered":"

Amwe mu mashyaka ya politiki akorera hanze y\u2019u Rwanda agizwe n\u2019abatavuga rumwe na Leta y\u2019u Rwanda yagiye yishyira hamwe agamije icyo yise \u2018impinduka mu Rwanda\u2019, no kuvanaho ubutegetsi buriho ariko bamwe mu bayagize ntibyabahiriye, abandi bacika intege batararenga umutaru.<\/em> <\/strong> <\/p>\n

Ubu, umunyapolitiki Rusesabagina Paul afatanyije na Sankara Callixte bavuga ko bishoye mu kibuga gushobora ibimaze kugeragezwa n\u2019abatari bake barimo Kayumba wavuye mu Rwanda afite ipeti rya jenerali, abanyapolitiki nka Twagiramungu wabaye Minisitiri w\u2019Intebe waje kwifatanya na FDLR,\u2026<\/p>\n

Uko abanyapolitiki bagiye binjira mu kibuga bahanganye na Leta y\u2019u Rwanda<\/strong> <\/p>\n

Abanyapolitiki nka Bizimungu Pasteur wahoze ari Perezida w\u2019u Rwanda yashinze ishyaka \u2018PDR Ubuyanja\u2019 aza gufungwa rishinjwa guteza akaduruvayo ritaranajya ahagaragara, aho yafunguriwe ku bw\u2019imbabazi za Perezida Kagame, uyu munyapolitiki yahise aruca ararumira.<\/p>\n

Nyuma ye, undi munyapolitiki, Me Ntaganda Bernard, umuyobozi w\u2019ishyaka PS-Imberakuri, na we yinjiye mu kibuga aza kwisanga mu buroko ashinjwa ibyaha birimo ibyo guhungabanya umutekano w\u2019igihugu, kubiba amacakubiri ashingiye ku moko no gukoresha imyigaragambyo itemewe.<\/p>\n

Me Ntaganda, uburoko yabumazemo imyaka 4 aho yafunguriwe aza yarazahaye nk\u2019uko ikinyamakuru Umurabyo kibitangaza.<\/p>\n

Ingabire Victoire we, ni umunyapolitiki wari uvuye mu Buholandi ku mugabane w\u2019u Burayi ngo yitwaje impamba ya \u2018Demokarasi yabonye i Burayi\u2019 ngo irimo kuvuga icyo yishakiye.<\/p>\n

Ingabire Victoire yashinjwe ibyaha birimo ibyaha byo kugambanira igihugu agamije kukivutsa umudendezo ndetse no gupfobya Jenoside yakorewe Abatutsi. Ubu na we amaze imyaka itanu afunze muri 15 yakatiwe n\u2019urukiko.<\/p>\n

Nyuma y\u2019aba banyapolitiki bagiye bajya mu kibuga ku giti cyabo, haje kujyaho ukwishyira hamwe kw\u2019amashyaka atavuga rumwe na Leta y\u2019u Rwanda.<\/p>\n

Muri Mutarama 2014, Twagiramungu Faustin yaje kwitangariza ko ishyaka rye ryishyize hamwe n\u2019 andi mashyaka \u00a08 atavuga rumwe na leta y\u2019 u Rwanda, ariyo UDR (Union D\u00e9mocratique Rwandaise) iyoborwa na Dr Murayi, FDLR (Forces D\u00e9moclatique de Lib\u00e9ration du Rwanda), PS-Imberakuri (Parti Social) na RDI-Rwanda Rwiza (Rwanda Dream Initiative) iyoborwa na Twagiramungu.<\/p>\n

Andi yahise abigaranzura ni FDU-Inkingi, PDR-Ihumure, hakabaho na PDP ndetse ngo RNC yari mu yagombaga kwihuriza hamwe n\u2019andi binanizwa n\u2019uko ngo abayigize baje kwifata nyuma bavuga ko bitateguwe.<\/p>\n

Uku kwishyira hamwe kw\u2019amashyaka kwarananiranye, ahita acikamo ibice bamwe bashinja Twagiramungu wari Perezida wayo kubayoborana igitugu, ndetse anashwana cyane n\u2019umuyobozi wa FDLR wamushinjaga ngo gushaka kuroha mu rwobo abarwanyi ba FDLR.<\/p>\n

Hajeho andi mashyaka nka \u2018Amahoro PC\u2019 rya Etienne Masozera, FDU-Inkingi ya Joseph Bukeye, PDP Imanzi ya Munyampeta J. Damascene, Ihuriro Nyarwanda RNC rya Rudasingwa Theogene,\u2026 yo agize ihuriro bise P5.<\/p>\n

Aya mashyaka nayo yahise ashwana atamaze kabiri, dore ko nka RNC ubwayo yacitsemo ibice bibiri Kayumba Nyamwasa ajya ku rwe, Rudasingwa Theogene bari inshuti ndetse dore ko bose bari n\u2019abantu bakomeye muri FPR\/Inkotanyi, bashwaniye muri RNC, Rudasingwa ajya ku ruhande rwe ashinga irye.<\/p>\n

Nyuma y\u2019izi nkubiri z\u2019amashyaka atavuga rumwe na Leta y\u2019u Rwanda, hajeho Shimwa Diane Rwigara wari uvuye mu gihugu cy\u2019u Bubiligi, aje mu Rwanda kwiyamamaza kuruyobora.<\/p>\n

Diane Rwigara w\u2019imyaka 35 y\u2019amavuko, uretse no kuba muto mu myaka ni n\u2019umwana muri politiki, n\u2019ubwo abanyamakuru bagiye babimubazaho akavuga ko ntacyo bivuze.<\/p>\n

Diane Rwigara yagaragaje ukutavuga rumwe na Leta y\u2019u Rwanda ari imbere mu gihugu mu gihe abandi benshi bavugira i Bwotamasimbi, gusa ubu na we ari muri gereza aho afunze iminsi 30 y\u2019agateganyo, ashinjwa ibyaha birimo icyo gukoresha impapuro mpimbano n\u2019icyaha cyo kugambirira guteza imvururu cyangwa imidugararo muri rubanda .<\/p>\n

Rusesabagina na Sankara mu kibugo<\/strong> <\/p>\n

Aba banyapolitiki batangajwe haruguru bagiye binjira mu kibuga bamwe bakisanga muri gereza kubera ibyaha bagiye bahamwa abandi bakakivanamo batarinjira mu Rwanda, ngo bavaneho ubutegetsi bahigira guhirika.<\/p>\n

Ubu ngo havutse indi mpuzamashyaka \u2018MRCD\u2019 \u00a0igizwe na RRM ya Sankara Callixte, PDR Ihumure ya Paul Rusesabagina na CNRD ya Gen. Irategeka Wilson.<\/p>\n

Imwe mu nzira iyi mpuzamashyaka iteganya gukoresha, ngo harimo guhungabanya umutekano w\u2019u Rwanda nk\u2019uko byatangajwe na Rusesabagina.<\/p>\n

Uyu Sankara Callixte, umunyapolitiki mushya waje mu kibuga, yasoje amashuri ye y\u2019icyiciro cya kabiri cya kaminuza muri Kaminuza nkuru y\u2019u Rwanda i Butare mu 2010, icyiciro cya gatatu agikomereza muri Madagascar, muri siyansi politiki.<\/p>\n

Rusesabagina avuga ko iri huriro ahuriyemo na Sankara ariryo riri ku isonga nyuma y\u2019aho ayaribanjirije ananiwe ntacyo akoze, ashimangira ko ryo ritazatera ikirenge mu cy\u2019ayabanje ngo kuko rigizwe n\u2019ingeri zose z\u2019Abanyarwanda.<\/p>\n

Aya mashyaka yose nk\u2019uko byagiye bigaragara yasubiranyemo, atangira avuga ko ashaka impinduka mu Rwanda, anenga Leta y\u2019u Rwanda, ibyo ikorera Abanyarwanda bakabinenga, yo agaragaza ko yaba abazaniye ibyiza gusa, ariko yashwana ugasanga ahanini aba agamije indonke, inkunga zitangwa n\u2019abafite uruhu rwera,…<\/p>\n

Kayumba Nyamwasa wahoze mu ngabo z\u2019u Rwanda, ari na we wari umugaba mukuru w\u2019ingabo mu mwaka wa 2010 nibwo yahunze, ageze muri Afurika y\u2019Epfo arerura agaragaza ko arwanya Leta y\u2019u Rwanda yari avuyemo, ikibuga akinjiramo bimuviramo gukatirwa igihano cy\u2019imyaka 24 adahari.<\/p>\n

Kayumba Nyamwasa yakatiwe adahari mu 2011 n\u2019urukiko rukuru rwa Gisirikare, gufungwa imyaka 24 no kwamburwa impeta za gisirikare, biturutse ku byaha birimo kurema umutwe w\u2019iterabwoba, kubangamira umutekano w\u2019igihugu, kurema amacakubiri no gutoroka igisirikare.<\/p>\n

\"\"<\/a>
Paul Rusesabagina, umunyapolitiki wishyize hamwe na Sankara Callixte<\/figcaption><\/figure>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube