{"id":10261,"date":"2018-05-16T17:15:27","date_gmt":"2018-05-16T17:15:27","guid":{"rendered":"https:\/\/new.bwiza.com\/2018\/05\/16\/uganda-umuryango-wa-rutagungira-ushinjwa-gushimuta-lt-joel-mutabazi-uratabaza\/"},"modified":"2018-05-16T17:15:27","modified_gmt":"2018-05-16T17:15:27","slug":"uganda-umuryango-wa-rutagungira-ushinjwa-gushimuta-lt-joel-mutabazi-uratabaza","status":"publish","type":"post","link":"https:\/\/bwiza.com\/?p=10261","title":{"rendered":"Uganda: Umuryango wa Rutagungira ushinjwa gushimuta Lt Joel Mutabazi, uratabaza Loni"},"content":{"rendered":"

Umuryango wa Ren\u00e9 Rutagungira ufungiye muri Uganda wandikiye agashami ka Loni gashize uburenganzi bwa muntu, ugasaba kugira icyo ukora ku iyicarubozi ngo akorerwa aho afungiye.<\/em> <\/strong> <\/p>\n

Ren\u00e9 Rutagungira, ni umunyarwanda, afungiye muri Uganda kuva mu Kanama 2017, ashinjwa ibyaha birimo ugushimuta Lt Joel Mutabazi wahoze ari mu basirikare barinda Perezida Kagame w\u2019u Rwanda, agasubizwa mu Rwanda aho ubu yakatiwe igifungo cya burundu.<\/p>\n

Umuryango we watangarije aka gashami ka Loni ku wa 9 Gicurasi 2018, uvuga ko inzego z\u2019umutekano za Uganda zimukorera iyicarubozo ari nako zimubuza uburenganzira bwe.<\/p>\n

Ishyami rya Loni riharanira uburenganzira bwa muntu muri Uganda, ryandikiwe n\u2019umuryango wa Rutagungira ubinyujije ku bunganizi be bishyize hamwe mu cyiswe \u201cKiiza and Mugisha Advocates\u201d.<\/p>\n

Nk\u2019uko ikinyamakuru Dailymonitor cyo muri Uganda kibitangaza, \u00a0umuryango wa Rutangungira mu ibaruwa wandikiye iri shami rya Loni, ngo waritangarije ko muri Kanama 2017, ubwo Rutagungira yafatwaga n\u2019inzego za gisirikare zishinzwe iperereza muri Uganda (CIM) ngo yafungiwe ahantu ha wenyine, aranatotezwa.<\/p>\n

Umuryango we uvuga ko amagambo yabwiwe arimo no kuba yakwicwa, ngo anakorerwa iyicarubozo ryo ku mubiri no mu mutwe (physical and psychological torture).<\/p>\n

Ukaba usaba ko iri yicarubozo akorerwa ryahagarara, ndetse agahabwa uburengenzira bwo gusurwa n\u2019umuryango we ndetse n\u2019abamwunganira mu by\u2019amategeko dore ko muri iyo baruwa bagaragaza ko ubwo burengenzira yabwimwe.<\/p>\n

Ishimutwa rya Rutagungira ryabanje kugirwa ubwiru<\/strong> <\/p>\n

Nyuma y\u2019ishumutwa rya Rutagungira umuryango we waramushakishije uramubura, icyo gihe Umugore we, Hyacinthe Dusengeyezu yatangarije itangazamakuru ko yabwiwe ko umugabo we yashimuswe na capt. Agaba wo mu rwego rw\u2019ubutasi mu gisirikare cya Uganda (CMI).<\/p>\n

Ambasade y\u2019u Rwanda yinjiye muri iki kibazo, ndetse n\u2019Urukiko rukuru, umuyobozi w\u2019ishami rishinzwe iperereza ridasanzwe mu gisirikare cya Uganda (UPDF), Lt. Col. Augustine Bwegendaho, yavuze ko Rutagungira atari muri kasho zabo haba ku cyicaro cya CMI ahitwa Mbuya, cyangwa ahandi hantu hazwi.<\/p>\n

Urukiko Rukuru muri Kampala mu ibaruwa rwandikiye CMI ndetse n\u2019Umushinjacyaha mukuru rwasabaga ko umurambo wa Rutagungira uzazanwa mu Rukiko Rukuru rwa Kampala ku wa 31 Kanama 2017 saa tanu zuzuye, kuko hacyekwaga ko yaba yarishwe.<\/p>\n

Ubwo Urukiko Rukuru rwatangaga iminsi 4 ntarengwa, ku wa 27 Ukwakira CMI yari yahakanye ko ifite Rutagungira yamugejeje mu rukiko ari kumwe n\u2019abapolisi 9 ba Uganda bashinjwa icyaha cy\u2019ubutasi.<\/p>\n

Hanze y\u2019urukiko nibwo uwitwa Caleb Alaka, wavugaga ko yunganira aba bantu, yabwiye itangazamakuru ko abakiriya be bakorewe iyicarubozo ariko ntiyatanga ibisobanuro byinshi.<\/p>\n

Umuryango we watangazaga ko Rutagungira nta kintu ashobora gufata mu maboko ye kuko yabaye paralize ubwo yakorerwaga iyicarubozo.\u00a0Uyu yatangaje ko mu kumukorera iyicarubozo bakoreshaga imashini zitandukanye mu kumukanda kugeza ubwo uburibwe bugera ku magufwa ndetse bakamwinika mu mazi bakenda kumuheza umwuka.<\/p>\n

Ubwo ngo bukaba ari uburyo CMI ikoresha mu kuvanamo umuntu amakuru kandi ku buryo ibimenyetso by\u2019iyicarubozo bidapfa kugaragara inyuma.<\/p>\n

Caleb yatangazaga ko igihe cyose Rutagungira yamaze yari afungiye munsi y\u2019ubutaka ahantu atabonana n\u2019umuntu uwo ari we wese ari naho yakorerwaga iyicarubozo afunze igitambaro mu maso arya rimwe mu cyumweru, adakaraba cyangwa ngo ace inzara kugeza ubwo yageze aho yemera ibyo bifuzaga ko avuga kugirango arebe ko bwacya.<\/p>\n

Rutagungira ari kumwe n\u2019abandi bapolisi ba Uganda, bashinjwa gushimuta Lt Joel Mutabazi bakamushyikiriza inzego z\u2019umutekano z\u2019u Rwanda, ku ruhande rw\u2019u Rwanda bakaba bavuga ko bamuhawe mu buryo bukurikije amategeko.<\/p>\n

\n
\"YouTube