{"id":10262,"date":"2018-05-16T17:36:06","date_gmt":"2018-05-16T17:36:06","guid":{"rendered":"https:\/\/new.bwiza.com\/2018\/05\/16\/iyo-fpr-idatsinda-intambara-nta-mututsi-uba-usigaye-mu-rwanda-prof-audoin\/"},"modified":"2018-05-16T17:36:06","modified_gmt":"2018-05-16T17:36:06","slug":"iyo-fpr-idatsinda-intambara-nta-mututsi-uba-usigaye-mu-rwanda-prof-audoin","status":"publish","type":"post","link":"https:\/\/bwiza.com\/?p=10262","title":{"rendered":"Iyo FPR idatsinda intambara, nta mututsi uba usigaye mu Rwanda- Prof. Audoin Rouzeau"},"content":{"rendered":"

Urubanza ruregwamo Barahira Tito na Ngenzi Octavien bombi bayoboye Komini Kabarondo bakaba bashinjwa Jenoside rugeze mu bujurire i Paris. Nyuma yo kuba ruhagaze iminsi 10 (4-14 Gicurasi ) ku mpamvu z\u2019uburwayi n\u2019abunganizi bifuzaga kugera ahakorewe icyaha, kuri uyu wa mbere rwasubukuwe.<\/strong> <\/em> <\/p>\n

Ibindi byagarutsweho mu rukiko\u00a0:<\/strong> <\/p>\n

-Kwica abana niko gutsemba, n\u2019uwari mu nda yahawe ubwoko aricwa, H\u00e9l\u00e8ne Dumas<\/p>\n

-Nta Jenoside y\u2019Abatutsi, nta y\u2019Abahutu, habaye Jenoside y\u2019Abanyarwanda- Joseph Matata<\/p>\n

-Abahungiye Benako\/Tanzaniya ntibatinye Inkotanyi, ba Burugumesitiri babategeketse kuva mu gihugu, -Umunyamakuru, umukozi wa MSF<\/p>\n

Mbere yo gutangiza iburanisha kuri uyu wa kabiri, uriyoboye yabanje kwibutsa impinduka ziri muri gahunda izakurikizwa, uko abantu bazagenda batanga ubuhamya.<\/p>\n

Ku wa kane tariki 17 Gicurasi, saa munani, hazumvwa Kayumba Hassan<\/p>\n

Ku wa kabiri tariki 22 Gicurasi, saa tanu n\u2019igice, hazumvwa umuhungu wa Barahira,\u00a0 J\u00e9ocomias BARAHIRA\u00a0; naho saa kumi n\u2019imwe humvwe Jean-Fran\u00e0\u00a7ois Dupaquier.<\/p>\n

Kuwa gatandatu tariki ya 26 Gicurasi, saa munani, hazaba hagezweho Gilbert BITTI<\/p>\n

Kuwa kabiri tariki ya 29 Gicurasi, saa munani, hazumvwa Marara Noble<\/p>\n

Abatangabuhamya nka Micombero Jean Marie ntiyabonetse, naho Filip REYNTJENS we yamaze guhakana ko atazabutanga.<\/p>\n

Ingingo eshatu: Ingengabitekerezo y\u2019amoko, intambara, na Leta<\/strong> <\/p>\n

Umwarimu muri Kaminuza akaba n\u2019umushakashatsi, Audoin Rouzeau agaruka ku ngingo eshatu zatumye Jenoside iba mu Rwanda.<\/p>\n

Izo ngingo ni ingengabitekerezo y\u2019amoko,\u00a0 intambara n\u2019uruhare rwa Leta. Uyu ngo asanga Jenoside yarahemberewe, n\u2019ingengabitekerezo yayo.<\/p>\n

Uruhare rwa Leta kandi umushakashatsi arugarukaho. Ngo nta wapanga kumara abantu adafite ubushobozi. Ubwo ni Leta, abakozi bayo, abasirikare n\u2019imitwe yitwara nkabo, no kogeza ingengabitekerezo y\u2019ubwicanyi.<\/p>\n

Ibyo ni nako byagenze mu zindi Jenoside\u00a0; zari zigamije gutsemba no gusiba burundu abantu bamwe kubera uko bari, nta kubabarira impinja, abana n\u2019abagore.<\/p>\n

Aha ni naho Prof Rouzeau avuga ko \u00ab\u00a0Iyo Inkotanyi zidatsinda urugamba, uwitwa umututsi aba yarazimiye, nta n\u2019uwo kubara inkuru wari busigare mu Rwanda. Kuko imipaka yari ifunze, abahigwa batorohewe kubona aho baca bahunga\u00a0\u00bb.<\/p>\n

Undi mutangabuhamya, Madame H\u00e9l\u00e8ne Dumas we yagarutse ku iyicwa ry\u2019abana, nk\u2019ikimenyetso cyo gushaka kumaraho Abatutsi. Uyu ngo yamaze amezi 6 mu Rwanda mu 2006, akora ubushakashatsi mu nkuru z\u2019abana kuri Jenoside.<\/p>\n

Na we avuga uruhare rwa Leta n\u2019inzego zayo ndetse n\u2019abaturage ubwabo, ari nabo baturanyi b\u2019abahigwa.<\/p>\n

Ati \u00ab\u00a0Abahigwaga nta bwinyagamburiro bari bafite. Abatutsi ntibari abo gupfa gusa, ahubwo no gutotezwa\u00a0\u00bb.<\/p>\n

Ngo yahisemo gukora ku bana mu rwego rwo kwinjira muri Jenoside neza, ngo kuri we \u00ab\u00a0Kwica abana niko gutsemba, mu Rwanda abana baribasiwe, aho n\u2019uwari mu nda yahawe ubwoko akicwa\u00a0\u00bb.<\/p>\n

Matata we ngo habaye Jenoside y\u2019Abanyarwanda<\/strong> <\/p>\n

Uyu wifata nk\u2019umucunguzi abandi bamwita umuhakanyi, ntiyemera Jenoside y\u2019ubwoko runaka, ngo ni \u201cIy\u2019Abanyarwanda\u201d.<\/p>\n

Abaharanira inyungu z\u2019abarokotse Jenoside bamwe ku mugabane w\u2019Uburayi, bavuga ko Matata hari n\u2019ubwo ayita Amahano, Ubwicanyi; aho kuyita Jenoside.<\/p>\n

Matata kandi ngo asanga inzego z\u2019ubutabera hanze y\u2019u Rwanda zikoreshwa, kandi ngo ibiganiro mu rukiko byangizwa n\u2019abatangabuhamya bava mu Rwanda. Ngo ntanemera abacamanza b\u2019Abafaransa bagiye mu Rwanda, ngo kuko \u201cu Rwanda rubyivangamo\u201d.<\/p>\n

Abajijwe ku bisobanura neza, Matata ngo asanga abatangabuhamya baterwa ubwoba, kandi ngo hakaba hariho n\u2019umuco wo kubeshya\u201d.<\/p>\n

Uyu Matata avuga ko yafunzwe mu byitso by\u2019 Inkotanyi\u201d mu 1990, akamara iminsi 75 akabona kurekurwa.<\/p>\n

Mu kurangiza ubuhamya bwe, saa mbiri z\u2019ijoro zirenga, Matata aha gasopo abunganira Barahira na Ngenzi. Ati, \u201cWitonde ushobora kujyayo ukahasiga ubuzima\u201d, abwira Me Epstein.<\/p>\n

Ku wa mbere, hari humviswe Mme Anne Fouchard wari umukozi ushinzwe kwegeranya amakuri muri MSF\u00a0 y\u00a0\u2018ababiligi. Ubuhamya bwe bwasabwe n\u2019imiryango iharanira inyungu z\u2019abarokotse Jenoside.<\/p>\n

Foucard yari mu Rwanda 1994, Jenoside itangiye yoherezwa i Burundi na Tanzaniya ngo ajye gushaka amakuru mu bahungiyeyo. Mu nzira ajya i Burundi ngo nawe yiboneraga aho abana bicwa, ngo yagiye mu kigo cy\u2019ababikira cyakiraga abana b\u2019imfubyi, ahasanga abana bafite ibikomere mu mutwe.<\/p>\n

Ageze muri Tanzania, mu nkambi ya Benako, ahasanga abantu bavuga ko bahunze intambara, ndetse banamwemerera ko bagize uruhare mu bwicanyi\u00a0; \u00ab\u00a0Ubwicanyi butari uguhangana kw\u2019impande ebyiri\u00a0\u00bb.<\/p>\n

Yababaza ati, \u00ab\u00a0Ninde wabatumye kwicana\u00a0?\u00bb, bati ni \u00ab\u00a0Ba Burugumesitiri, abanyapolitiki n\u2019abasirikare\u00a0\u00bb.<\/p>\n

Ati, \u00ab\u00a0Kuki mwahunze\u00a0?\u00bb, bati, \u00ab\u00a0Badusabye kugenda\u00a0\u00bb.<\/p>\n

Ati, \u00ab\u00a0Abo ni bande babibasabye\u00a0?\u00a0\u00bb, bati, \u00ab\u00a0ni abategetsi\u00a0\u00bb.<\/p>\n

Agasoza agira ati \u00ab\u00a0Nguko uko rero abantu bategetswe kuva mu Rwanda, atari ugutinya ingabo za FPR, ahubwo babihatiwe na ba Burugumesitiri n\u2019abasirikare\u00a0\u00bb.<\/p>\n

\n
\"YouTube