{"id":10279,"date":"2018-05-18T13:29:16","date_gmt":"2018-05-18T13:29:16","guid":{"rendered":"https:\/\/new.bwiza.com\/2018\/05\/18\/30-by-impunzi-z-abanye-congo-ziri-mu-nkambi-ya-kiziba-zimaze-kwiyandikisha\/"},"modified":"2018-05-18T13:29:16","modified_gmt":"2018-05-18T13:29:16","slug":"30-by-impunzi-z-abanye-congo-ziri-mu-nkambi-ya-kiziba-zimaze-kwiyandikisha","status":"publish","type":"post","link":"https:\/\/bwiza.com\/?p=10279","title":{"rendered":"30% by\u2019impunzi z\u2019Abanye Congo ziri mu nkambi ya Kiziba zimaze kwiyandikisha zishaka gutaha"},"content":{"rendered":"

Ishami ry\u2019Umuryango w\u2019Abibumbye rishinzwe impunzi (UNHCR) ryatangiye kwandika impunzi zishaka gusubira muri Repubulika Iharanira Demokarasi ya Congo, ubu 30% bakaba bamaze kwiyandikisha.<\/em> <\/strong> <\/p>\n

Minisiteri Ishinzwe Imicungire y\u2019Ibiza n\u2019Impunzi (Midimar) yatangaje ibi, ku wa Kane tariki ya 17 Gicurasi 2018, mu kiganiro yagiranaga na Komisiyo y\u2019Ingengo y\u2019Imari n\u2019umutungo by\u2019Igihugu, ku mbanzirizamushinga w\u2019ingengo y\u2019imari yayo\u00a02018\/2019.<\/p>\n

Umunyamabanga Uhoraho muri iyi Minisiteri, Kayumba Olivier, avuga ko zimwe mu mpunzi zo mu nkambi ya Kiziba zifite gahunda yo gusubira muri Congo n\u2019ubwo umutekano utaraboneka hose. UNHCR ngo ikaba igomba kuvugana na Leta ya Congo izi mpunzi zikaba zashyirwa aho wabonetse.<\/p>\n

Ati \u201cimpunzi zaravuze ngo zirashaka gutaha, UNHCR yatangiye gahunda yo kwandika ngo barebe ko niba bashaka gutaha koko. Kugeza ejo dufite hafi 30\u00a0% bashobora kuva mu kigo ariko turategereje turebe\u201d.<\/p>\n

Zimwe muri izi mpunzi ziyemeje gutaha nyuma y\u2019imyaka 22 zari zicumbikiwe mu nkambi ya Kiziba ihrereye mu karere ka Karongi, Intara y\u2019i Burengerazuba, nyuma y\u2019imyigaragambyo yatangiye muri Gashyantare, bamwe bakanahasiga ubuzima.<\/p>\n

Mu nkambi ya Kiziba imyigaragambyo yatangiye\u00a0 kuva mu matariki ya 15 Gashyantare 2018, ariko imbere mu nkambi. Nyuma baza guhaguruka igihiriri bavuga ko batashye\u00a0ariko bajya kuri UNHCR i Karongi baba ariho bakambika. Iyi myigaragambyo yasize\u00a0abagera kuri 12 bahasiga ubuzima abandi barakomereka.<\/p>\n

Inkambi ya Kiziba icumbitsemo impunzi z\u2019abanye-Congo zigera ku 17 000, biganjemo urubyiruko n\u2019abana. Iyi nkambi yashinzwe aha Kiziba mu murenge wa Rwankuba muri Karongi kuva mu 1996.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube