{"id":10285,"date":"2018-05-19T09:46:13","date_gmt":"2018-05-19T09:46:13","guid":{"rendered":"https:\/\/new.bwiza.com\/2018\/05\/19\/icyumweru-cy-ibikorwa-bya-polisi-2018-ubukangurambaga-bwo-kurwanya\/"},"modified":"2018-05-19T09:46:13","modified_gmt":"2018-05-19T09:46:13","slug":"icyumweru-cy-ibikorwa-bya-polisi-2018-ubukangurambaga-bwo-kurwanya","status":"publish","type":"post","link":"https:\/\/bwiza.com\/?p=10285","title":{"rendered":"Icyumweru cy\u2019ibikorwa bya Polisi 2018: Ubukangurambaga bwo kurwanya ibiyobyabwenge muri Nyarugenge"},"content":{"rendered":"

Nk\u2019uko gahunda y\u2019icyumweru cya mbere cyahariwe ibikorwa bya Polisi y\u2019u Rwanda muri uyu mwaka wa 2018 iteye, aho iki cyumweru cyahariwe ubukangurambaga bwo gukumira no kurwanya ibiyobyabwenge, uyu munsi tariki ya 18 Gicurasi, ubu bukangurambaga bwakomereje mu gace kazwi nka Nyamirambo mu murenge wa Rwezamenyo mu karere ka Nyarugenge.<\/p>\n

Aka gace ka Nyamirambo katoranyijwe nk\u2019agace kazwiho kubamo abantu bakoresha ibiyobyabwenge, abayobozi bakaba batangiye ubutumwa bwo kwirinda ibiyobyabwenge mu kigo cy\u2019imyidagaduro cy\u2019urubyiruko cya Club Rafiki.<\/p>\n

Uduce tuvugwamo urubyiruko rukoresha ibiyobyabwenge two muri Nyamirambo harimo agace ka Biryogo, Tarinyota, Gitega, kwa Mutwe, California, Matimba, aha hose hakaba hasuwe n\u2019abayobozi batandukanye bitabiriye ubu bukangurambaga, aho baganirizaga abaturage bahatuye kwirinda no kurwanya ibiyobyabwenge.<\/p>\n

Aba bayobozi barimo Minisitiri w\u2019Urubyiruko Mbabazi Rosemary wari n\u2019umushyitsi mukuru muri uyu muhango, Umuyobozi w\u2019Umujyi wa Kigali wungirije ushinzwe imibereho myiza y\u2019Abaturage Muhongerwa Patricie, Umuyobozi mukuru wa Polisi y\u2019u Rwanda (Inspector General of Police (IGP) Emmaneul K. Gasana, n\u2019abandi.<\/p>\n

Mbere y\u2019uko abayobozi bageza ijambo ku baturage bari aho biganjemo urubyiruko rw\u2019abanyeshuri, habanje kumvwa ubuhamya bwatanzwe n\u2019uwitwa Bikorimana Jean Paul wari warabaye imbata y\u2019ibiyobyabwenge ubu akaba yarabivuyemo.<\/p>\n

\"\"<\/a><\/p>\n

Yagize ati:\u201dNatangiye kunywa ibiyobyabwenge mu 2003, ntangira nywa lisansi, urumogi ndetse na Mugo, nyuma yahoo inzego zishinzwe umutekano zaramfashe, zikajya zimfunga, nyuma zinjyana mu kigo ngororamuco cya Iwawa, mpigira ububaji, ngarutse mu buzima busanzwe mfata umwanzuro wo kubireka, ubu ndi muri koperative yitwa Tuzamurane igizwe ahanini n\u2019abavuye Iwawa, ubu turi kwiteza imbere.\u201d<\/p>\n

\"\"<\/a>
Minisitiri w’urubyiruko Rosemary Mbabazi<\/strong><\/figcaption><\/figure>\n

Bikorimana yanasabye imbabazi ababyeyi yaba yarahemukiye ubwo yari akinywa ibiyobyabwenge, akangurira abakibikoresha n\u2019abagifite umutima wo kubyishoramo kubireka kuko nta kiza cyabyo.<\/p>\n

Mu butumwa Minisitiri Mbabazi yageneye urubyiruko, yarusabye kwanga kuba imbata z’ibiyobyabwenge ahubwo bagarahanira kugira umusanzu ufatika mu kubaka ejo heza h\u2019u Rwanda Rwanda ruzira ibiyobyabwenge.<\/p>\n

Yavuze ati:\u201dNiba dushaka kubaka igihugu cyacu, tugomba kurandura burundu ibiyobyabwenge, tukareka kurebera urubyiruko rwacu rwangirika kubera ibiyobyabwenge.\u201d<\/p>\n

Yasabye urubyiruko ko uru rugamba barugira urwabo, asaba ababyeyi gukurikirana abana babo, bakirinda amakimbirane kuko abana baititaweho bishakira inshuti zirimo n\u2019imbi zishobora kubashora mu biyobyabwenge.<\/p>\n

Minisitiri Mbabazi yanasabye kandi abanyamadini n\u2019amatorero, itangazamakuru n\u2019abahanzi kugira uruhare muri uru rugamba, kuko ijwi ryabo rigera kuri benshi.<\/p>\n

Yasoje aburira abacuruza ibiyobyabwenge kurya bari menge kuko amategeko akaze ahana ababicuruza n\u2019ababikoresha agiye gusohoka.<\/p>\n

Yavuze ati:\u201dHari byinshi abantu bacuruza bakiteza imbere, abacuruza ibiyobyabwenge babireke hakiri kare batarafatwa ngo bakurikiranwe n\u2019ubutabera.\u201d<\/p>\n

\"\"<\/a>
IGP Emmanuel Gasana, umuyobozi mukuru wa Polisi<\/strong><\/figcaption><\/figure>\n

Mu ijambo IGP Gasana yavuze, yagarute ku kamaro k\u2019iki cyumweru cyahariwe ibikorwa bya Polisi, avuga ko cyagenewe ibikorwa biteza imbere abaturage n\u2019ubukangurambaga ku kwirinda no gukumira ibyaha, Polisi ihitamo ko ubu butumwa bugera ku rwego rw\u2019umudugudu, kandi byose bigakorwa ku bufatanye n\u2019abaturage.<\/p>\n

Yavuze ko ibiyobyabwenge ari icyorezo gishobora koreka igihugu dore ko akenshi usanga umubare munini w\u2019ababyishoramo ari urubyiruko kandi arirwo mbaraga z\u2019igihugu.<\/p>\n

ati:\u201dMu mwaka ushize, abantu barenga 4,000 bagejejwe imbere y’ubugenzacyaha kubera ibyaha bifitanye isano n’ikoreshwa ry’ ibiyobyabwenge. Iki ni igihombo gikabije ku gihugu cyacu, ni nayo mpamvu inzego zose duhereye mu mudugudu tugomba gufatanya kurwanya icyo cyorezo.\u201d<\/p>\n

Yakomeje avuga ati:\u201dKugira ngo tugere ku ntego yacu yo guharanira gutura mu mudugudu uzira icyaha, hagomba kubaho ubufatanye hagati y’abayobozi b’inzego z’ibanze, ababyeyi ndetse n’urubyiruko by’ umwihariko mu kurwanya ibiyobyabwenge byo nkomoko y’ibindi byaha.\u201d<\/p>\n

IGP Ganana yasabye urubyiruko kurangwa no gufata ibyemezo binoze kandi bibateza imbere, no gukorana na Polisi kugirango abanywa n\u2019abacuruza ibiyobyabwenge bafatwe.<\/p>\n

Icyumweru cyahariwe ibikorwa bya Polisi 2018 gifite insanganyamatsiko igira iti:\u201dDuharanire gutura mu mudugudu utarangwamo icyaha.\u201d<\/p>\n

Kanda hano ujye ubona amakuru yihuse kandi kugihe kuri Facebook <\/a>no kuri twitter<\/a><\/strong> <\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube