{"id":10286,"date":"2018-05-19T10:52:56","date_gmt":"2018-05-19T10:52:56","guid":{"rendered":"https:\/\/new.bwiza.com\/2018\/05\/19\/ubutabera-bumwe-kuri-bose-bukomeza-ubumwe-n-ubwiyunge-abanyarwanda-tumaze\/"},"modified":"2018-05-19T10:52:56","modified_gmt":"2018-05-19T10:52:56","slug":"ubutabera-bumwe-kuri-bose-bukomeza-ubumwe-n-ubwiyunge-abanyarwanda-tumaze","status":"publish","type":"post","link":"https:\/\/bwiza.com\/?p=10286","title":{"rendered":"Ubutabera bumwe kuri bose, bukomeza ubumwe n\u2019ubwiyunge Abanyarwanda tumaze kugeraho- Prof. Rugege"},"content":{"rendered":"

Perezida w’Urukiko rw’Ikirenga, Prof. Sam Rugege avuga ko ubutabera bungana kuri bose, ari inkingi ikomeye yo kwimakaza ubumwe Abanyarwanda bamaze kugeraho nyuma ya jenoside yakorewe Abatutsi mu 1994.<\/em> <\/strong> <\/p>\n

Ku wa Gatanu tariki ya 18 Gicurasi 2018, ubwo hibukwaga abari abakozi b’Inkiko, aba Minisiteri y’Ubutabera n’ab’Ubushinjacyaha bazize Jenoside yakorewe Abatutsi, Perezida w\u2019Urukiko rw\u2019Ikirenge, nibwo yaboneyeho kwibutsa abakozi b\u2019izi nzego ko gutanga ubutabera bungana ari ukwimakaza ubumwe n’ubwiyunge.<\/p>\n

Yagize ati \u201cAgaciro k\u2019ibanze tugomba guha abatuvuyemo ni uko ntawe ugomba kurengana kubera ubwoko cyangwa irindi vangura iryo ari ryo ryose. Ubutabera bugomba kuba bumwe kuri bose”.<\/p>\n

Prof. Rugege avuga ko no guca neza imanza zifite aho zihuriye na jenoside yakorewe Abatutsi, nabyo ari bimwe mu bikomeza bwa bumwe bw\u2019Abanyarwanda.<\/p>\n

Ati \u201cMu byo tugomba gukora harimo no guha umwihariko imanza zifite aho zihurira na Jenoside yakorewe Abatutsi, zikagenda neza kuko iyo ziciwe nabi zishobora no guhungabanya ubumwe n\u2019ubwiyunge Abanyarwanda tumaze kugeraho\u201d.<\/p>\n

Akomeza avuga ko politike rusange y\u2019ubutegetsi bwariho mbere ya jenoside yakorewe Abatutsi yatumye inzego z\u2019ubutabera; nk\u2019ubugenzacyaha, ubushinjacyaha n\u2019ubucamanza nazo zita umurongo wakabaye uziranga wo kurengera uburenganzira bw’ibanze bwa Muntu.<\/p>\n

Ati \u201cAba twibuka uyu munsi, bagiye bahura n\u2019ivangura ndetse n\u2019itotezwa rikomeye mu kazi, kandi barakoraga mu nzego zakabaye zirenganura abarengana, inzego z\u2019ubutabera nk\u2019ubugenzacyaha, ubushinjacyaha n\u2019ubucamanza nazo zita umurongo wakabaye uziranga wo kurengera uburenganzira bw’ibanze bwa muntu zifata umurongo w’ubwicanyi no gufunga amaso ku byakorwaga\u201d.<\/p>\n

Umuhango wo kwibuka abari abakozi b\u2019inzego z\u2019ubutabera bishwe muri jenoside, ni igikorwa izi nzego zikora buri mwaka, nk\u2019uko bivugwa na Minisitiri w\u2019Ubutabera, Busingye Johnston, agira ati \u201cNk\u2019inzego zikorera mu butabera, buri mwaka tugira umunsi wo kwibuka abari abakozi b\u2019izi nzego bazize jenoside yakorewe Abatutsi, kwibukiranya inkomoko yayo, ingaruka zayo ku bantu ku giti cyabo no ku muryango nyarwanda\u201d.<\/p>\n

Muri uyu muhango wo kwibuka, ku kimenyetso cy’urwibutso rw’abari abakozi b’Inkiko, aba Minisiteri y’Ubutabera n’ab’Ubushinjacyaha bazize Jenoside yakorewe Abatutsi kiri ku cyicaro cya Minisiteri y\u2019ubutabera ku Kimihurura hashyizwe indabo hunamirwa izo nzirakarengane.<\/p>\n

\"\"<\/a>
Prof. Sam Rugege yunamiye abari abakozi b’Inkiko, aba Minisiteri y’Ubutabera n’ab’Ubushinjacyaha bazize Jenoside<\/figcaption><\/figure>\n
\"\"<\/a>
Min. Johnston Busingye ashyira indabo ku kimenyetso cy’urwibutso rw’abari abakozi b’Inkiko, aba Minisiteri y’Ubutabera n’ab’Ubushinjacyaha bazize Jenoside<\/figcaption><\/figure>\n

\"\"<\/a><\/p>\n

\"\"<\/a><\/p>\n

\n
\"YouTube