![\"\"](\"https:\/\/www.makuruki.rw\/IMG\/jpg\/feng_shhui_love.jpg\")
<\/p>\nNubwo imibonano mpuzabitsina ari ingenzi, usanga benshi bayikoresha nabi ari byo binabaviramo indwara zanduririra mu mibonano mpuzabitsina cyangwa andi makimbirane atandukanye akomoka ku mibonano mpuzabitsina ikozwe nta gahunda cyangwa mu buryo budakwiye. ubushakashatsi bwakozwe n\u2019impuguke mu bijyanye n\u2019imikorere y\u2019ibitsina Dr. Jay Davidson ndetse n\u2019itsinda ry\u2019abandi bashakashatsi ngo imibonano mpuzabitsina ifata umwanya munini mu buzima n\u2019imitekerereze n\u2019imikorere ya muntu.<\/p>\n
<\/p>\n
Aba baganga b\u2019ibijyanye n\u2019imikorere y\u2019igitsina barerekana bimwe mu byiza 10 byo gukora imibonano mpuzabitsina:<\/p>\n
1. Imibonano mpuzabitsina igabanya umunabi<\/i><\/p>\n
Gukora imibonano mpuzabitsina bigabanya umuvuduko w\u2019amaraso ndetse bikanagabanya umunabi. Nk\u2019uko byatangajwe mu kinyamakuru Biological Psychology n\u2019itsinda ry\u2019abaganga bo muri Scotland, ngo abagabo n\u2019abagore babonana inshuro nyinshi baba bafite amahirwe yo kutibasirwa n\u2019umunabi ndetse n\u2019umushiha wa hato na hato.<\/p>\n
2. Imibonano mpuzabitsina yongera ubudahangarwa bw\u2019umubiri<\/i><\/p>\n
Imibonano mpuzabitsina ikorwa neza ngo ni urufunguzo rw\u2019ubuzima bwiza. Nk\u2019uko abashakashatsi muri Siyansi bo muri Kaminuza ya Wilkes babitangaza ngo ku bakora imibonano mpuzabitsina rimwe cyangwa kabiri mu cyumweru ngo baba bafite amahirwe yo kugira abasirikare benshi b\u2019umubiri barinda ugufatwa n\u2019indwara za hato na hato nk\u2019ibicurane ndetse n\u2019izindi infections zitandukanye (immunoglobulin A).<\/p>\n
Aha ngo bakaba barapimye amacandwe y\u2019abavuga ko bakoraga imibonano mpuzabitsina byibuze rimwe mu cyumweru bakayapimamo aba basirikare noneho bagereranya n\u2019abari barifashe maze basanga hari itandukaniro mu myiyongerere y\u2019aba basirikare mu kigereranyo cy\u2019aya matsinda 2.<\/p>\n
3. Imibonano mpuzabitsina itwika ibivumbikisho mu mubiri<\/i><\/p>\n
Ku bashaka kugabanya ibiro, gukora imibonano mpuzabitsina n\u2019umwe mu myitozo y\u2019ingenzi kuko igihe umuntu akoze imibonano mpuzabitsina mu gihe byibuze cy\u2019iminota 30 ngo aba amaze gutwika ibivumbikisho (calories) 85. Gusa ngo bisaba imyiteguro mu mutwe ndetse no gutegurana bihagije hagati y\u2019abagiye guhuza urugwiro kugira ngo hatagira usiga undi atageze ku ndunduro y\u2019uyu munezero.<\/p>\n
4. Imibonano mpuzabitsina ituma umutima ukora neza<\/i><\/p>\n
Ku bagabo bakora imibonano mpuzabitsina inshuro imwe cyangwa ebyiri mu cyumweru ngo biyongerera amahirwe yo kudafatwa n\u2019indwara y\u2019umutima. Mu bushakashatsi bwakozwe kandi bwerekana ko ingufu zikoreshwa muri iki gikorwa nta ngaruka zo kuba abagabo bafatwa n\u2019indwara yo guhagarara kw\u2019amaraso mu bwonko.<\/p>\n
5. Gukora imibonano mpuzabitsina byongera kwiyizera<\/i><\/p>\n
Nk\u2019uko abashakashatsi bo muri Kaminuza ya Texas babitangaza ngo kwiyongerera icyizere ni kimwe mu bisubizo 237 byatanzwe n\u2019ababajijwe impamvu bakora imibonano mpuzabitsina. Dr. Gina Ogden yatangaje ko ngo udashobora kwigirira ikizere mu buzima bw\u2019abashakanye igihe udakora imibonano mpuzabitsina. Yongeraho ko ngo iyo abashakanye bakora iki gikorwa ngo bumva bamerewe neza ndetse bakarushaho kwigirira ikizere, kugera ku iterambere, kongera urukundo hagati yabo n\u2019ubumwe igihe bahuzwa n\u2019uyu mushyikirano w\u2019abashakanye.<\/p>\n
6. Imibonano mpuzabitsina ituma abayikorana bakomeza kuba inkoramutima<\/i><\/p>\n
Gukora imibonano mpuzabitsina ukagera ku ndunduro y\u2019ibyishimo byongera imisemburo y\u2019ubudahemuka ndetse no kwizirikanaho iba mu bwonko bw\u2019umuntu yitwa oxytocin. Nkuko abashakashatsi bo muri Kaminuza ya North Carolina ndetse na Kaminuza ya Pittsburgh babitangaza, ngo uko abadahuje igitsina bagenda bahuza urugwiro, bakorakorana ndetse banasomana ngo bibongerera amahirwe yo kumva batatandukana bityo byakorwa buri gihe bikabubakamo urukundo rwo kubana akaramata kubera ukuntu buri umwe aba yumva yitaweho ndetse bakumva batanasigana mu gihe cy\u2019ubuzima bwabo. Bavuga kandi ko uko iyi misemburo ya oxytocin igenda izamuka ngo urukundo narwo ruriyongera ndetse ugasanga abafite mwene iyo misemburo myinshi barangwa n\u2019ubugwaneza n\u2019impuhwe kuri bagenzi babo bakundana.<\/p>\n
7. Imibonano mpuzabitsina igabanya akababaro<\/i><\/p>\n
Mu kanyamakuru kitwa \u201cBulletin of Experimental Biology and Medicine\u201d, batangaza ko uko imisemburo ya oxytocin igenda izamuka cyane, imisemburo igabanya ububabare irekurwa n\u2019ubwonko (endorphin) iriyongera bityo ububabare bukagabanuka. Bumwe muri ubwo bubabare bushobora kugabanwa n\u2019imibonano mpuzabitsina harimo umutwe ndetse no kubabara mu ngingo.<\/p>\n
8. Imibonano mpuzabitsina igabanya ibyago byo kurwara kanseri y\u2019amabya ku bagabo<\/i><\/p>\n
Ubushakashatsi bwakozwe bwerekana ko ngo abagabo bashobora kuba barasohoye inshuro nyinshi bafite hagati y\u2019imyaka 20 na 30 baba bafite amahirwe yo kudafatwa na kanseri y\u2019amabya mu gihe bamaze gukura. Ibi bikaba bitangazwa na \u201cJournal of American Medical Association ndetse British Journal of Urology.\u201d<\/p>\n
9. Imibonano mpuzabitsina ituma imikaya y\u2019urwinjiriro rwa nyababyeyi yaguka<\/p>\n
Ku bagore bakunze kunyongera abagabo babo mu gihe cy\u2019imibonano mpuzabitsina ngo bituma umugabo aryoherwa n\u2019iki gikorwa kandi bigatuma imikaya y\u2019urwinjiriro rwa nyababyeyi ye yaguka bityo bikanamurinda kuba yazagira ikibazo cyo kunyaragura (incontince) cyakomoka kuba atageze ku ndunduro y\u2019ibyishimo igihe bibayeho bimubayeho igihe kirekire.<\/p>\n
10. Imibonano mpuzabitsina ituma umuntu asinzira neza<\/i><\/p>\n
Nk\u2019uko ubushakashatsi bubyerekana, umusemburo wa oxytocin urekurwa mu gihe cy\u2019ibyishimo byo guhuza ibitsina ngo wongera ibitotsi. Gusinzira neza rero bikaba ari ingenzi mu buzima bw\u2019umuntu cyane cyane ko bituma agenzura ubwiyongere bw\u2019ibiro bye ndetse n\u2019uko amaraso agenda mu mubiri.<\/p>\n
Nubwo gukora imibonano mpuzabitsina ari ingenzi mu buzima bw\u2019umuntu nk\u2019uko bigaragazwa n\u2019ubu bushakashatsi bw\u2019izi mpuguke mu buzima bw\u2019imyororokere, ni byiza ko ikorwa n\u2019abamerewe n\u2019amategeko kuyikora cyangwa igakorwa n\u2019abumvikanye kandi bazi neza icyo bagiye gukora n\u2019uburyo bakwirengera zimwe mu ngaruka zabagwirira.<\/p>\n
![\"YouTube](\"https:\/\/i.ytimg.com\/vi\/dsyXGQUpCAI\/maxresdefault.jpg\")