{"id":10525,"date":"2018-06-08T09:19:29","date_gmt":"2018-06-08T09:19:29","guid":{"rendered":"https:\/\/new.bwiza.com\/2018\/06\/08\/i-burasirazuba-min-kaboneka-arasaba-abayobozi-b-inzego-z-ibanze-gushyira-imbere\/"},"modified":"2018-06-08T09:19:29","modified_gmt":"2018-06-08T09:19:29","slug":"i-burasirazuba-min-kaboneka-arasaba-abayobozi-b-inzego-z-ibanze-gushyira-imbere","status":"publish","type":"post","link":"https:\/\/bwiza.com\/?p=10525","title":{"rendered":"I Burasirazuba: Min. Kaboneka arasaba abayobozi b\u2019inzego z\u2019ibanze gushyira imbere inyungu z\u2019abaturage"},"content":{"rendered":"

Minisitiri w\u2019Ubutegetsi bw\u2019Igihugu, Kaboneka Francis arasaba abayobozi b\u2019inzego z\u2019ibanze bo mu Ntara y\u2019i Burasizuba gushyira imbere inyungu z\u2019abaturage.<\/em> <\/strong> <\/p>\n

Ibi Min. Kaboneka yabitangaje ku wa Kane tariki ya 7 Kamena 2018, mu muhango wo kwibuka abahoze ari abakozi b\u2019amaperefegitura na su-pereferegitura, byahujwe bikaba Intara y\u2019i Burasirazuba bishwe muri jenoside yakorewe Abatutsi mu 1994.<\/p>\n

Agira ati \u201cndasaba abayobozi b\u2019inzego z\u2019ibanze gushyira imbere inyungu z\u2019abaturage bagakemura ibibazo byabo kandi bagafasha umuturage kugera ku iterambere\u201d.<\/p>\n

Yakomeje asaba abaturage batuye muri iyi ntara guharanira kuba ku isonga mu karere u Rwanda ruherereyemo no ku Isi hose kubera ubunyarwanda\u00a0\u00a0n\u2019imiyoborere myiza, ati \u201cNi ubukire dufite, ayo mahirwe dufite tugendeye kubyo tumaze kugeraho tugomba gufata ingamba zo gukomeza kwiyubaka\u201d.<\/p>\n

Minisitiri Kaboneka yihanganishije Abacitse ku icumu rya Jenoside yakorewe Abatutsi, abizeza ko imbere ari heza kandi ko Leta ishyize imbere abaturage nk’umutungo wa mbere w’Igihugu kandi ko igihe cyo gupfa cyarangiye ubu ari igihe cyo kubaho kandi buri wese akabaho neza.<\/p>\n

Muri uyu muhango wo kwibuka, \u00a0Habimana Joseph wahoze ayobora su-perefegitura ya Kirehe, akaza kurokoka jenoside yakorewe Abatutsi, mu buhamya bwe, avuga ko Abatutsi bahoze mu buyobozi mbere ya jenoside batotozwaga.<\/p>\n

Aragira \u201cntabwo byari byoroshye kuko wasangaga bahozaho kureba inkomoko z\u2019abantu ku buryo igihe urugamba rwo kubohora igihugu rwatangiraga hari abantu basanzwe wasangaga barusha ingufu abayobozi bamwe muri abo bishwe,ku buryo bakomezaga kubatoteza hifashishwa za maneko zari ziganjemo abantu baturukaga mu rukiga\u201d.<\/p>\n

Uwari ahagarariye abo mu miryango y\u2019abakozi 19 bishwe, Ruburika Jean Pierre yashimiye ubuyobozi bw\u2019intara bubafasha kwibuka abo mu miryango yabo bishwe.<\/p>\n

Aragira ati \u201cturashimira ubuyobozi bw\u2019intara y\u2019i Burasirazuba uburyo badufasha kwibuka abacu bishwe, kudufata mu mugongo bituma tugira imbaraga kandi tukagira ikizere, uretse kwibuka ariko hari n\u2019abasigaye bafashinjwe bubakirwa inzu, turabasaba ko mwakomeza kudufasha tukava ku rwego rwo gufashwa ahubwo hagatekerezwa n\u2019indi mishinga yafasha abarokotse ku buryo bizadufasha kugera ku mishinga ifatika\u201d.<\/p>\n

Abari abakozi 19 bibutswe bari abakozi ba perefegitura ya Kibungo n\u2019amasuperefegitura ya Rwamagana, Rusumo, Kanazi na Ngarama.<\/p>\n

\"\"<\/a>
Min. Kaboneka na Guverineri w’Intara y’i Burasirazuba, Mufulukye Fred, bacana urumuri rw’icyizere<\/figcaption><\/figure>\n

\"\"<\/a> \"\"<\/a><\/p>\n

\"\"<\/a>
Abayobozi batandukanye bitabiriye umuhango wo kwibuka abakozi bazize Jenoside yakorewe Abatutsi bakoreraga Perefegitura na Su-perefegitura<\/figcaption><\/figure>\n
\n
\"YouTube