{"id":10536,"date":"2018-06-09T09:30:58","date_gmt":"2018-06-09T09:30:58","guid":{"rendered":"https:\/\/new.bwiza.com\/2018\/06\/09\/gatsibo-habonetse-umubiri-w-umuntu-bikekwa-ko-yishwe-muri-jenoside\/"},"modified":"2018-06-09T09:30:58","modified_gmt":"2018-06-09T09:30:58","slug":"gatsibo-habonetse-umubiri-w-umuntu-bikekwa-ko-yishwe-muri-jenoside","status":"publish","type":"post","link":"https:\/\/bwiza.com\/?p=10536","title":{"rendered":"Gatsibo: Habonetse umubiri w\u2019umuntu bikekwa ko yishwe muri jenoside"},"content":{"rendered":"

Mu mudugudu wa Bushenyi, akagari ka Kabuga, umurenge wa Kiramuruzi ho mu karere ka Gatsibo,\u00a0\u00a0ku wa Gatatu tariki ya 6 Kamena 2018, habonwe umubiri w\u2019umuntu bikekwa ko yishwe muri jenoside yakorewe Abatutsi, wakuwe mu gikari cy\u2019urugo rw\u2019umuturage witwa Nkuriyingoma Pierre\u00a0wahise atoroka.<\/em> <\/strong> <\/p>\n

Amakuru yatanzwe na bamwe mu bakozi bahawe akazi na Nkuriyingoma, avuga ko ubwo bacukuraga icyobo bakatiragamo urwondo aribwo babonye uwo mubiri sebuja abategeka guceceka.<\/p>\n

Umwe muri bo witwa Harelimana Theogene, agira ati \u201ctwakoze kwa Nkuriyingoma, ni njyewe wari urimo gukata urwondo maze mpura n\u2019ikibazo mbona ngonze umubiri w\u2019umuntu, ubwo nahise mbimenyesha Nkuriyingoma njyewe mpita ngira n\u2019ubwoba bwo gukomeza gukora\u00a0 ahita adusaba ko uyu mubiri twawushyira ku ruhande tugakomeza akazi, \u00a0anatubwira ko iki kibazo ariwe uzakimenyesha\u00a0\u00a0ubuyobozi\u201d.<\/p>\n

Nyuma yo gutanga aya makuru ndetse n\u2019umubiri ukahavanwa ukagezwa mu Kagali ka Kabuga,\u00a0uwitwa Butera Jean Baptiste yavuze ko\u00a0\u00a0uyu mubiri ari uwa murumuna we witwagaga Nyabutsitsi wishwe mu gihe cya Jenoside yakorewe Abatutsi muri 1994.<\/p>\n

Ati \u201cicyambwiye rero ko ari we koko, ni uko bamuzamura bagiye kumwica bahise bamucuza ibyo yari yambaye byose, ubwo rero uwo mubiri tumaze kuwubona nta mwenda wawugaragaragaho namba\u201d.<\/p>\n

Umunyamabanga Nshingwabikorwa w\u2019Umurenge wa Kiramuruzi,\u00a0Kavutse Epiphanie,\u00a0yatangaje ko \u00a0nta gihamya bari babona neza yemeza nyirawo, gusa\u00a0ngo barimo gukorana n\u2019Akarere kugira ngo\u00a0banakurikirane bamenye niba no mu rugo imbere kwa Nkuriyingoma\u00a0 nta yindi mibiri yaba ihari kugira ngo ibe yakurwayo\u00a0 nayo igashyingurwa mu cyubahiro.<\/p>\n

Ati \u201cNi amakuru akinashakishwa\u00a0 kuko uyu mubiri ntituramenya nyirawo, ni ugukeka kandi bakavuga ko aho hantu mu gihe cya Jenoside hari bariyeri,\u00a0ibi byatumye dukeka ko\u00a0 n\u2019ubutaka buriho inzu n\u2019ubwiherero hashobora kuba hari indi mibiri bubakiyeho\u201d.<\/p>\n

Yakomeje avuga ko bitarenze ku wa Gatatu w\u2019icyumweru gitaha bazakoresha inama n\u2019abaturage bose bo mu Kagali ka Kabuga amakuru azahakurwa akazahuzwa n\u2019ay\u2019inzego z\u2019umutekano, nyuma yoherezwe ku karere, ati \u201cdutegereje ko bazatwemerera gusenya izi nyubako tukareba niba nta yindi mibiri yubakiweho\u201d.<\/p>\n

\n
\"YouTube