Igipolisi cya Uganda cyataye muri yombi umudepite wo mu ruhande rutavuga rumwe n\u2019ubutegetsi ukekwaho uruhare mu iyicwa rya mugenzi we w\u2019umudepite witwa Ibrahim Abiriga wishwe mu cyumweru gishize.<\/p>\n
Uyu mudepitekazi witwa Betty Nambooze
\n\u00a0yakuwe iwe mu rugo ahitwa Mukono, mu birometero 25 ugana mu burasirazuba bwa Kampala, mu gitondo cyo kuri uyu wa Gatatu, itariki 13 Kamena.<\/p>\n
Igipolisi kikaba kivuga ko Nambooze n\u2019abandi bantu batatu babinyujije ku rubuga nkoranyambaga rwabo bashyigikiye igitero kuri depite Abiriga. Umwe mu bapolisi akaba atangaza ko uyu mudepitekazi yafashwe kubera ibyo bintu batangaje.<\/p>\n
Igipolisi kandi kivuga ko kiri bufunge abo bakoranye ibi bintu ari bo; Raymond Soulfa bita Peng Peng, Nasser Mugerwa na Jane Kuli.<\/p>\n
\u201cTwafunguye idosiye ku bantu bane. Abashinzwe iperereza baracyari no gusesengura ubutumwa ku mbuga nkoranyambaga
\n\u00a0bw\u2019abandi bagera mu 10. Nitubona ibimenyetso ko ibyo bavuganaga ari icyaha, nabo bazatabwa muri yombi\u201d, uwo ni Vincent Ssekate, umuvugizi w\u2019ubugenzacyaha.<\/p>\n
Iyi nkuru dukesha The East African ivuga ko depite Abiriga yarashwe agapfa ari kumwe n\u2019umuvandimwe we, Saidi Buga Kongo ubwo bari mu nzira bataha mu nkengero za Kampala mu ijoro ryo kuwa Gatanu ushize. Abantu bataramenyekana bari bitwaje intwaro bari kuri moto nibo barashe nyakwigendera.<\/p>\n
Depite Abiriga wakomokaga mu ishyaka NRM riri ku butegetsi muri Uganda, ni umwe ngo mu bagize uruhare runini mu gushishikariza abandi guhindura itegeko nshinga ryavanwemo ingingo ivuga ku myaka umukuru w\u2019igihugu atagomba kuba arengeje bituma perezida Museveni abona uburenganzira bwo kuzongera kwiyamamaza.<\/p>\n
Depite Betty Nambooze akaba avugwaho kuba nawe yaratangaje ko abadepite bagenzi be bagize uruhare mu gukura iyi ngingo mu itegeko nshinga bashobora kuzahanwa bikomeye n\u2019abaturage bitashimishije.<\/p>\n
Peng Peng ukurikiranwe kimwe na Nambooze, ashinjwa kuba yarashyize ahagaragara video ashyigikira ibitero ku badepite bashyigikiye ivugururwa ry\u2019itegeko nshinga, mu gihe mugenzi we Mugerwa ashinjwa gusohora amajwi ashishikariza abishe Abiriga gushaka abandi badepite bo muri NRM nabo bakabica.<\/p>\n
Naho Jane Kuli we ashinjwa gushyira kuri facebook
\n\u00a0 ubutumwa yavugagamo ko Abiriga azicwa mu cyumweru cya mbere cy\u2019ukwezi kwa Kamena.<\/p>\n
\u00a0<\/p>\n","protected":false},"excerpt":{"rendered":"
Igipolisi cya Uganda cyataye muri yombi umudepite wo mu ruhande rutavuga rumwe n\u2019ubutegetsi ukekwaho uruhare mu iyicwa rya mugenzi we w\u2019umudepite witwa Ibrahim Abiriga wishwe mu cyumweru gishize. Uyu mudepitekazi witwa Betty Nambooze \u00a0yakuwe iwe mu rugo ahitwa Mukono, mu birometero 25 ugana mu burasirazuba bwa Kampala, mu gitondo cyo kuri uyu wa Gatatu, itariki […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-10582","post","type-post","status-publish","format-standard","hentry","category-politiki-rw"],"yoast_head":"\n