Perezida w\u2019u Burundi, Pierre Nkurunziza yasabye umuryango w\u2019ubukungu uhuza ibihugu bya Afurika yo hagati, CEEAC, kugira icyo ukora kucyo yise umushinga ugamije guhungabanya akarere cyangwa Umushinga witiriwe Reynders\/Soros\/Mo Ibrahim\/Katumbi-Bemba avuga ko ari umushinga uri gutegurirwa mu Rwanda ugamije guhungabanya umutekano w’u Burundi n’akarere.<\/p>\n
Biravugwa kuwa 08 Kamena ari bwo perezida w\u2019u Burundi, Pierre Nkurunziza, yakiriye Umunyamabanga Mukuru Wungirije wa CEEAC, Manirakiza Tabu Abdallah, nawe w\u2019Umurundi, wari kumwe n\u2019intumwa yari ayoboye zari zigiye kumurika uko imishinga itandukanye y\u2019uyu muryango irimo kugenda nk\u2019ikorwa ry\u2019umuhanda Kisangani-Bujumbura-Kampala.<\/p>\n
Mu Burundi ariko, nk\u2019uko iyi nkuru dukesha urubuga Burundi AGNEWS ivuga, perezidansi y\u2019u Burundi yo yibanze ku mutekano w\u2019imbere mu bihugu bigize umuryango wa CEEAC, ivuga ko nta mutekano mu karere nta mishinga yagerwaho.<\/p>\n
Kuva mu 2015, u Burundi bwakomeje gushinja u Rwanda, mu miryango bihuriyemo nka EAC, CIRGL, na CEEAC, kuba rushyigikira kandi rucumbikiye imitwe igamije guhungabanya umutekano mu Burundi.<\/p>\n
U Burundi bukavuga ko u Rwanda rufatanyije n\u2019ibindi bihugu by\u2019ibihangange nk\u2019u Bufaransa, u Bubiligi, Leta Zunze Ubumwe za Amerika na Canada binyuze mu ihuriro ry\u2019abademokarate rizwi nka SOROS.<\/p>\n
Abarundi bakavuga ko uyu mushinga banita Projet Reynders\/Soros bakanashyiramo Mo Ibrahim, Moise Katumbi ndetse bakaba bongereyeho Jean-Pierre Bemba (uherutse kurekurwa n’Urukiko mpuzamahanga), ugamije kurema agace katarangwamo umutekano binyuze mu gushinga imitwe yitwaje ibirwanisho, ngo hagamijwe guhera mu 2019-2020, kwitambika umushinga w\u2019u Bushinwa (OBOR) ngo ntuzashoboke. Didier Reynders ni minisitiri w\u2019ububanyi n\u2019amahanga w\u2019u Bubiligi.<\/p>\n
Nubwo u Burundi bwakomeje gushinja u Rwanda kuba inyuma y\u2019ihungabana ry\u2019umutekano wabwo, u Rwanda narwo ntirwahwemye kubihakana rugaragaza ko ibibazo biri mu Burundi ari iby\u2019Abarundi kandi ari bo bazabyikemurira.<\/p>\n
Ibi kandi perezida w’u Rwanda, Paul Kagame, aherutse kubigarukaho mu kiganiro aherutse kugirana na Jeune Afrique, aho yabajijwe igitekerezo cye ku bibazo by\u2019u Burundi bikomeje guhangayikisha, aho yasubije ko nta mabwiriza afite yihariye yaha u Burundi, ahubwo ari Abarundi bireba kandi ari bo bagomba kubishakira umuti ubwabo nubwo bishobora kugira ingaruka ku mutekano w\u2019u Rwanda nk\u2019igihugu cy\u2019igituranyi.<\/p>\n
Yakomeje avuga ko uruhare rwe nk\u2019uyoboye Afurika Yunze Ubumwe muri iki gihe ari ugushaka uburyo bwose bwo gufasha gukemura ibibazo ariko atari ugukora ibyo abo bireba bakagombye gukora.<\/p>\n
\u00a0<\/p>\n","protected":false},"excerpt":{"rendered":"
Perezida w\u2019u Burundi, Pierre Nkurunziza yasabye umuryango w\u2019ubukungu uhuza ibihugu bya Afurika yo hagati, CEEAC, kugira icyo ukora kucyo yise umushinga ugamije guhungabanya akarere cyangwa Umushinga witiriwe Reynders\/Soros\/Mo Ibrahim\/Katumbi-Bemba avuga ko ari umushinga uri gutegurirwa mu Rwanda ugamije guhungabanya umutekano w’u Burundi n’akarere. Biravugwa kuwa 08 Kamena ari bwo perezida w\u2019u Burundi, Pierre Nkurunziza, yakiriye […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-10672","post","type-post","status-publish","format-standard","hentry","category-amakuru-rw"],"yoast_head":"\n