Polisi mu karere ka Musanze; biturutse ku makuru yahawe na bamwe mu bahatuye, yafashe umugabo witwa Gaseminari Jacques apakiye\u00a0 imifuka 17 y\u2019inzoga itemewe mu Rwanda yitwa Blue Sky mu modoka yo mu bwoko bwa Toyota Hilux\u00a0 ifite nimero ziyiranga (Pulake) RAC 349T.<\/p>\n
Umuvugizi wa Polisi mu Ntara y\u2019Amajyaruguru, Chief Inspector of Police (CIP) Hamdun Twizeyimana yavuze ko uyu mugabo w\u2019imyaka 40 y\u2019amavuko yafatiwe mu\u00a0 kagari ka Rubindi, mu murenge wa Gataraga.<\/p>\n
Ku bijyanye n\u2019uburyo yafashwe, CIP Twizeyimana yabisobanuye agira ati,”Polisi yamenye ko apakiye mu modoka inzoga zitemewe mu Rwanda; kandi ko arimo kwerekeza mu karere ka Rubavu aturutse i Cyanika, muri Burera. Ageze mu kagari ka Rubindi, Polisi yaramuhagaritse, yanga guhagarara; ahubwo ashaka kugonga Abapolisi bamuhagaritse, baramwitaza ntiyabagonga.”<\/p>\n
CIP Twizeyimana yakomeje asobanura uko byagenze agira ati,”Amaze gucaho, Polisi yaramukurikiye; maze kubera igihunga cy\u2019uko agiye gufatwa, imodoka isa nitaye umuhanda, uruziga rw\u2019imbere rufatwa mu muyoboro w\u2019amazi w\u2019impande y\u2019umuhanda. Akiva mu modoka agira ngo acike, Polisi yahise imugeraho iramufata; babiri bari hamwe na we baracika; ahita ashyikirizwa Urwego rw\u2019Igihugu rw\u2019Ubugenzcyaha (RIB).”<\/p>\n
Yavuze ko abinjiza mu Rwanda inzoga zibuzanyijwe mu gihugu bazikura muri bimwe mu bihugu byo muri aka karere bihana imbibi n\u2019U Rwanda.<\/p>\n
CIP Twizeyimana yagize ati,”Polisi ntihwema gukangurira Umuryango nyarwanda kwirinda kwishora mu biyobyabwenge igaragaza ingaruka zo kubicuruza no kubinywa; ariko kugeza na n\u2019ubu haracyari ababikora. Abashyira imbere inyungu bakura mu kubicuruza bakirengagiza ingaruka bigira ku babinywa bamenye ko inzego za Leta zahagurukiye kubarwanya. Baragirwa inama yo kubireka, bakore ibindi byemewe n\u2019amategeko.”<\/p>\n
Yavuze ko umuntu uhamwe no kwishora mu biyobyabwenge afungwa, kandi agacibwa n\u2019ihazabu; naho ibiyobyabwenge byafashwe bigatwikwa, ibindi bikamenwa; kandi ko ababinywa babangamira abo mu miryango yabo ndetse n\u2019abandi; bityo asaba\u00a0 buri wese kubyirinda no kuba Umufatanyabikorwa mu kurwanya iyinjizwa ryabyo mu gihugu n\u2019icuruzwa ryabyo atungira Polisi agatoki\u00a0 ababikora.<\/p>\n
Ku bijyanye n\u2019ibihano bihabwa uwishora mu biyobyabwenge, CIP Twizeyimana yavuze ko kwinjiza no kugurisha mu gihugu ibiyobyabwenge n\u2019urusobe rw\u2019imiti ikoreshwa nka byo mu buryo bunyuranije n\u2019amategeko bihanishwa igifungo kuva ku myaka itatu (3) kugeza ku myaka itanu (5) n\u2019ihazabu y\u2019amafaranga y\u2019u Rwanda kuva ku bihumbi magana atanu (500.000) kugeza kuri miliyoni eshanu (5.000.000) nk\u2019uko biteganywa n\u2019ingingo ya 594 y\u2019Igitabo cy\u2019amategeko ahana ibyaha mu Rwanda.<\/p>\n
Umuvugizi wa Polisi mu Ntara y\u2019Amajyaruguru yashimye abatanze amakuru yatumye Gaseminari afatanwa iyo mifuka 17 ya Blue Sky; asaba abayituye kwirinda ibyaha aho biva bikage.<\/p>\n