{"id":10773,"date":"2018-06-27T10:37:20","date_gmt":"2018-06-27T10:37:20","guid":{"rendered":"https:\/\/new.bwiza.com\/2018\/06\/27\/rwamagana-meya-mbonyumuvunyi-yijeje-abasenateri-ko-ubuzima-bw-abasigajwe-inyuma\/"},"modified":"2018-06-27T10:37:20","modified_gmt":"2018-06-27T10:37:20","slug":"rwamagana-meya-mbonyumuvunyi-yijeje-abasenateri-ko-ubuzima-bw-abasigajwe-inyuma","status":"publish","type":"post","link":"https:\/\/bwiza.com\/?p=10773","title":{"rendered":"Rwamagana: Meya Mbonyumuvunyi yijeje Abasenateri ko ubuzima bw\u2019abasigajwe inyuma n\u2019amateka bwavuguruwe"},"content":{"rendered":"

Umuyobozi w\u2019akarere ka Rwamagana, Mbonyumuvunyi Radjabu avuga ko ubuzima bw\u2019abasigajwe inyuma n\u2019amatega bugenda buhinduka.<\/em> <\/strong> <\/p>\n

Yabitangajwe ku wa 26 Kamena 2018, ubwo Abasenateri bagize komisiyo y\u2019imibereho myiza mu nteko ishinga amategeko umutwe wa Sena basuraga aka karere bareba uko imibereho y\u2019abahejejwe inyuma n\u2019amateka ihagaze.<\/p>\n

Meya avuga ko muri rusange abatishoboye barimo n\u2019abasigajwe inyuma n\u2019amateka bagezwaho gahunda zibafasha kuva mu bukene.<\/p>\n

Ati “Muri gahunda zigamije kuzamura imibereho myiza y’abatishoboye n’abasigajwe inyuma n’amateka harimo, Gahunda ya Girinka, inkunga y’ingoboka, guhabwa imirimo muri gahunda ya VUP n’izindi.”<\/p>\n

Avuga ko Abasigajwe inyuma n\u2019amateka by\u2019umwihariko, bubakiwe, abana barihirirwa amashuri, ati \u201cImiryango y’abasigajwe inyuma n’amateka yahomewe amazu, indi iranubakirwa. Mu rwego rwo gukomeza gushishikariza abasigajwe inyuma n\u2019amateka kwiga, Abana biga mu mashuri abanza bahawe ibikoresho by\u2019ishuri binyuze muri gahunda y\u2019ubufasha bugenewe abatishoboye\u201d.<\/p>\n

Yakomeje avuga ko mu karere ka Rwamagana, urubyiruko rw\u2019abasigajwe inyuma n\u2019amateka rutabashije gukomeza amashuri rugenda rwigishwa imyuga inyuranye, aho 10 bayirangije abandi 14 bakaba bacyiga. Bamwe mu barangije kwiga ngo bahawe n\u2019ibikoresho byo gutangira kwikorera.<\/p>\n

Meya Mbonyumuvunyi yavuze ko nk\u2019Akarere bazakomeza kuzamura imibare y\u2019abasigajwe inyuma n\u2019amateka muri gahunda zigamije kuzamura imibereho myiza muri rusange, kubashishikariza kwiga, kwita ku isuku, gukunda umurimo, kuringaniza imbyaro, gusana amazu yabo no kubakira abatayagira.<\/p>\n

Senateri Uwimana Consolee, avuga ko intego ya Leta y\u2019u Rwanda ari uko abaturage bose bagomba kuzamukira rimwe mu iterambere ntawe usigaye inyuma kandi ko no mu mahame remezo Leta igenderaho ari uguharanira imibereho myiza y\u2019abaturage bakagira amahirwe angana.<\/p>\n

Senateri Uwimana yavuze ko hari ibindi byiciro byari byarasigajwe inyuma n\u2019amateka birimo: abagore, urubyiruko,\u2026 ariko bikaba bimaze kugera ku rwego rushimishije.<\/p>\n

Mu karere ka Rwamagana habarurirwa imiryango 214 y\u2019abasigajwe inyuma n\u2019amateka; yose hamwe ikaba igizwe n\u2019abaturage 722.<\/p>\n

\n
\"YouTube