Polisi mu mujyi wa Kigali, kuri uyu wa gatanu tariki ya 29 Kamena yafashe ingunguru 60 z\u2019amavuta yifashishwa mu gukora imihanda ya kaburimbo azwi nka \u201cGodoro\u201dzari zibwe mu bubiko bwa Sosiyete icuruza lisansi ya Kobil buri mu Gatsata mu karere ka Gasabo.<\/p>\n
Aya mavuta afite agaciro ka miliyoni hafi icyenda (9) z\u2019amafaranga y\u2019u Rwanda, akaba yari yaribwe mu ijoro ryo kuwa mbere tariki ya 25 Kamena.<\/p>\n
Umuyobozi wa Kobil Munene Paul, yavuze ko kuwa mbere hari umugabo waje yigize umuguzi, agasaba ko bamuha ingunguru 60 za Godoro, ariko bamusaba kubanza kujya kwishyura amafaranga kuri konti ya Kobil akazana inyemezabwishyu bakabona kuzimuha.<\/p>\n
Yabisobanuye avuga ati:\u201dTumaze kumubwira gutyo, yahise agenda agaruka nko mu ma saa kumi n\u2019igice z\u2019umugoroba (16:30), afite inyemezbwishyu yerekana ko yishyuye miliyoni icyenda (9) z\u2019amafaranga y\u2019u Rwanda, ayishyira umucungamutungo arayibika.\u00a0 Ariko ubwo bari barimo kumupakirira izo ngunguru, uwo mugabo yaragarutse asaba ya nyemezabwishyu ngo ajye kuyifotoza asigarane kopi, ariko ntiyigeze ayigarura, kandi natwe kubera akazi kenshi ntitwibutse ko twayimuhaye, nibwo yahise yigendera na za ngunguru.\u201d<\/p>\n
Yongeyeho ati:\u201dBucyeye bwaho, ubwo twari turimo kureba ku makonti yacu amafaranga twaraye twinjije, nibwo twabonye ko twibwe, dutahura ko wa mugabo nta mafaranga yigeze ashyira kuri konti twari twamuhaye.\u201d<\/p>\n
Byaje kugaragara ko ya nyemezabwishyu yari inyiganano.<\/p>\n
Umuvugizi wa Polisi mu mujyi wa Kigali Senior Superintendent of Police (SSP) Emmanuel Hitayezu, yavuze ko za ngunguru zaje gufatirwa mu maduka yo mu Gakinjiro mu murenge wa Gisozi n\u2019ayo mu mujyi rwagati aho zari zagurishijwe.<\/p>\n
Yavuze ati:\u201dKugirango izi ngunguru zifatwe, byaturutse ku mashusho yafashwe na kamera z\u2019umutekano (CCTV) zo mu bubiko bwa Kobil, akaba ariyo yatumye tumenya imodoka yakoreshejwe muri ubu bujura ndetse n\u2019umushoferi wayo.<\/p>\n
Yongeyeho ati:\u201dUmushoferi tumaze kumubona, yatweretse aho bagiye bagurisha izo Godoro, dore ko we yari azi ko bazipakiye mu buryo bwemewe. Uwamuhaye akazi nawe twamumenye, ariko we aracyashakishwa. Ubu ba nyir\u2019amaduka yafatiwemo izo godoro barafunze.\u201d<\/p>\n
SSP Hitayezu yakanguriye abacuruzi batarashyira kamera z\u2019umutekano (CCTV) aho bakorera kuzishyiramo, kuko ari ingirakamaro mu gushakisha no gukurikirana abajura igihe baramutse bibwe.<\/p>\n
Yanibukije abantu kuba maso avuga ati:\u201dNiba umuntu akubwiye ko yashyize amafaranga kuri konti yawe, banza urebe neza ko koko aribyo kugirango hirindwe ubujuru nk\u2019ubu.\u201d<\/p>\n
Munene yashimye ubwitange n\u2019umurava Polisi yakoranye kugirango ibicuruzwa byabo biboneke aho yavuze ati:\u201dKuva ku munsi wa mbere twageza ikibazo cyacu kuri Polisi, twabaga turi kumwe amanywa n\u2019ijoro kugeza aho tubiboneye.\u201d<\/p>\n
Yavuze kandi ati:\u201dAbapolisi twabaga turi kumwe dushakisha, ndi umutangabuhamya b\u2019ikintu nabonye ku bapolisi b\u2019u Rwanda; ntibacika intege. Twajyanaga muri buri duka hirya no hino, bakitonda mu gushakisha kugeza uyu munsi tubonye ibicuruzwa byacu.\u201d<\/p>\n
Yasoje avuga ati:\u201dUbwitange n\u2019umurava abapolisi bakoranye kuva ku munsi wa mbere jye hari icyo byambwiye; nahise nizera ko ibicuruzwa byacu bizaboneka. Ibi kandi biratwereka ko twe nk\u2019abashoramari, imari zacu zifite umutekano.\u201d<\/p>\n
\u00a0<\/p>\n","protected":false},"excerpt":{"rendered":"
Polisi mu mujyi wa Kigali, kuri uyu wa gatanu tariki ya 29 Kamena yafashe ingunguru 60 z\u2019amavuta yifashishwa mu gukora imihanda ya kaburimbo azwi nka \u201cGodoro\u201dzari zibwe mu bubiko bwa Sosiyete icuruza lisansi ya Kobil buri mu Gatsata mu karere ka Gasabo. Aya mavuta afite agaciro ka miliyoni hafi icyenda (9) z\u2019amafaranga y\u2019u Rwanda, akaba […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-10809","post","type-post","status-publish","format-standard","hentry","category-politiki-rw"],"yoast_head":"\n