Ibi Minisitiri w\u2019Ubutegetsi bw\u2019Igihugu, Hon Francis Kaboneka yabisabye Abayobozi bo mu Ntara y\u2019Amajyaruguru bari bateraniye mu nama nyunguranabitekerezo y\u2019iyi Ntara, yateraniye i Musanze kuri uyu wa kane tariki ya 28 Kamena 2018.<\/p>\n
Iyi nama yitabiriwe n\u2019Abayobozi mu Ntara y\u2019Amajyaruguru guhera ku rwego rw\u2019Intara kugera ku rwego rw\u2019Akagari. Yitabiriwe kandi n\u2019Abayobozi b\u2019Inzego z\u2019Umutekano, barangajwe imbere n\u2019Umugaba w\u2019Ingabo zirwanira ku butaka, Lt Gen Jacques Musemakweli, Abadepite mu Nteko ishinga Amategeko bakomoka mu Ntara y\u2019Amajyaruguru ndetse n\u2019Abafatanyabikorwa batandukanye b\u2019iyi Ntara.<\/p>\n
Mu butumwa yatangiye muri iyi nama, Minisitiri Kaboneka yagejeje kuri aba Bayobozi impanuro zitandukanye ziganisha ku kurushaho gukora inshingano zabo uko bigomba, buri wese ku rwego ariho, no guharanira ko imibereho y\u2019umuturage yarushaho kuba myiza. Minisitiri Kaboneka yagize ati, \u201c Ndabasaba Bayobozi muri hano, buri wese ku rwego ariho, gukora inshingano ze uko bigomba, mugakora akazi nk\u2019abikorera, buri gihe kandi mukazirikana k\u2019uguhindura imibereho y\u2019abaturage mushinzwe kugira ngo irusheho gutera imbere no kuba myiza<\/em> \u201d.<\/p>\n Ikindi Minisitiri Kaboneka yagarutseho muri iyi nama ni ikibazo cy\u2019ibiyobyabwenge, cyane cyane kanyanga ikunze kugaragara mu Turere twa Burera na Gicumbi, aho yinjira ivuye mu Gihugu cya Uganda. Minisitiri w\u2019Ubutegetsi bw\u2019Igihugu yasabye Abayobozi kurwanya bivuye inyuma abacuruza ibi biyobyabwenge bazwi ku izina ry\u2019abarembetsi no kubarandura burundu. Yagize ati, \u201c Hari abasaga ijana bamaze gufatwa kandi hafashwe icyemezo ko iki kibazo kigomba kurangira burundu<\/em> \u201d.<\/p>\n Minisitiri Kaboneka yasabye kandi aba Bayobozi kuba intangarugero, abagifite umuco wo gutekinika no guhishira bakuwucikaho, ahubwo bakimakaza umuco wo kuvuga ibintu uko biri. Yongeye kandi kugaruka ku Bayobozi batarara aho bakorera, aho yabasabye kwisubiraho, bitaba ibyo bakazafatirwa ibihano bibakwiriye.<\/p>\n Ku ruhande rwe, Guverineri w\u2019Intara y\u2019Amajyaruguru atangiza iyi nama, yabwiye Abayobozi bayitabiriye ko iyi nama yatumijwe hagamije kuganira ku bibazo bitandukanye bikigaragara muri iyi Ntara, kugira ngo hafatwe ingamba zo kubirangiza burundu. Muri ibyo bibazo, Guverineri Gatabazi yavuzemo ibijyanye n’ibiyobyabwenge, isuku nke, abana baterwa inda ndetse n’ikibazo cy’inzererezi. Yasabye abayobozi batandukanye bitabiriye iyi nama gukoresha ingufu zidasanzwe ibi bibazo bikarangira ku buryo bwa burundu.<\/p>\n Abitabiriye iyi nama bahawe kandi umwanya batanga ibitekerezo bitandukanye biganisha k\u2019ukuzamura ubukungu bw\u2019iyi Ntara no guteza imbere imibereho y\u2019abayituye ndetse n\u2019uburyo ibibazo byaganiriweho byakemuka.<\/p>\n Twabamenysha kandi ko iyi nama yafatiwemo ingamba zitandukanye zo gukemura ibibazo bikibangamiye iterambere ry\u2019Intara n\u2019imibereho myiza y\u2019abatuye.<\/p>\n","protected":false},"excerpt":{"rendered":" Ibi Minisitiri w\u2019Ubutegetsi bw\u2019Igihugu, Hon Francis Kaboneka yabisabye Abayobozi bo mu Ntara y\u2019Amajyaruguru bari bateraniye mu nama nyunguranabitekerezo y\u2019iyi Ntara, yateraniye i Musanze kuri uyu wa kane tariki ya 28 Kamena 2018. Iyi nama yitabiriwe n\u2019Abayobozi mu Ntara y\u2019Amajyaruguru guhera ku rwego rw\u2019Intara kugera ku rwego rw\u2019Akagari. Yitabiriwe kandi n\u2019Abayobozi b\u2019Inzego z\u2019Umutekano, barangajwe imbere n\u2019Umugaba […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-10815","post","type-post","status-publish","format-standard","hentry","category-politiki-rw"],"yoast_head":"\n