Abantu bagera ku 1,800 bakoraga mu nzego za leta bashyizwe ku rutonde rw\u2019umukara mu myaka 15 ishize rubakumira kuzongera gukora akazi ka leta nk\u2019uko byemezwa na minisiteri y\u2019abakozi ba leta n\u2019umurimo (MIFOTRA).<\/p>\n
Abantu bagiye bashyirwa kuri uru rutonde rw\u2019umukara (Blacklist) bagiye birukanwa mu kazi ka leta kubera impamvu zitandukanye zirimo ubujura, imyitwarire itari iya kinyamwuga, kutita ku nshingano zabo n\u2019ibindi.<\/p>\n
Imibare ishyirwa ahagaragara ikaba igaragaza ko mu nzego nka Polisi y\u2019Igihugu, RSSB, ndetse WASAC ari ho hirukanwe abakozi benshi ugereranyije n\u2019izindi nzego.<\/p>\n
Urugero, nko muri polisi abagera kuri 572 bashyizwe kuri uru rutonde, aho ngo abenshi aria abapolisi bato bo ku rwego rwa Constable, ariko harimo n\u2019abo ku rwego rwo hejuru barimo umwe ufite ipeti rya Assistant Commissioner of Police (AIP).<\/p>\n
Ikibazo cy\u2019ubujura ku kazi kandi ngo cyambuye akazi abantu amagana muri iyi myaka nk\u2019aho hatangwa urugero rw\u2019umuganga wo mu Bitaro bya kaduha mu karere ka Nyamagabe wibye ikinya akakigurisha ku baganga bigenga.<\/p>\n
Ikibazo cy\u2019ubujura kandi cyagaragaye cyane muri ONATRACOM, ikigo cya leta cy\u2019ubwikorezi cyaje guhindurwamo RITCO. Muri ONATRACOM umushoferi na konvwayeri we bakaba barashyizwe ku rutonde rubakumira mu mirimo ya leta bazira kwiba bus.<\/p>\n
Izindi ngero ni iz\u2019abayobozi bagiye bahabwa ingengo z\u2019imari bagiye bafatirwa mu byaha bikabaviramo gushyirwa kuri uru rutonde, nk\u2019aho hari umukozi wari ushinzwe ingengo y\u2019imari muri minisiteri y\u2019ububanyi n\u2019amahanga washyizwe ku rutonde rw\u2019umukara azira kunyereza amafaranga yahawe gucunga.<\/p>\n
Imyitwarire mibi ku kazi kandi yagiye ituma abandi bakozi bal eta benshi birukanwa mu mirimo ikomeye nk\u2019aho abagera kuri 16 bose bakoraga mu biro bya perezida bashyizwe kuri uru rutonde. Barimo abazamu babiri, abashoferi n\u2019abari bashinzwe amasoko, bazize kutaba abanyamwuga hagati ya 2010 na 2013.<\/p>\n
Abandi batakemerewe gukora akazi ka leta bashyizwe kuri uru rutonde barimo Gitifu w\u2019akagali mu Karere ka Gicumbi washyizwe kuri uru rutonde mu 2016 azira gukoresha ingufu z\u2019umurengera mu kwishyuza abaturage amafaranga y\u2019ubwisungane mu kwivuza.<\/p>\n
Muri RSSB kandi abakozi basaga 10 bashyizwe kuri uru rutonde bazira kutaba abanyamwuga, ariko abagera kuri 7 muri bo bagaragaje imyitwarire idasanzwe yo kwanga gukora indahiro.<\/p>\n
Ikindi kidasanzwe nk\u2019iki cyabaye mu Karere ka Gicumbi, aho umuyobozi yashyizwe kuri uru rutonde azira kuririmba indirimbo yubahiriza igihugu yak era.<\/p>\n
Abandi bari abakozi bal eta kandi bashyizwe kuri uru rutonde bazira guta akazi, kwaka ruswa bari ku kazi by\u2019umwihariko mu kigo cy\u2019igihugu cy\u2019ubuhinzi, RAB, muri minisiteri y\u2019ubuzima, ku rwego rw\u2019uturere n\u2019imirenge, mu biro bishinzwe ubutaka, muri Rwanda Revenue Authority n\u2019ahandi.<\/p>\n
Ingaruka ziri mu gushyirwa kuri uru rutonde<\/p>\n
Nk\u2019uko byemezwa na Mbabazi Comfort, Umuyobozi Mukuru ushinzwe imirimo ya leta muri MIFOTRA, ngo umukozi wa leta ashyirwa ku rutonde rw\u2019umukara kubera imyitwarire iba idakwiriye.<\/p>\n
Mu kiganiro na KT Press dukesha iyi nkuru Mbabazi yavuze ko umuntu ushyizwe kuri uru rutonde aba adashobora kongera guhabwa akazi muri leta mu gihe cy\u2019imyaka 7, aho ngo ashobora kongera kukagarukamo nyuma y\u2019icyo gihe amaze kugaragaza ko asigaye afite imyitwarire myiza.<\/p>\n
Ku kibazo cyo kuba abakoresha bamwe bashobora guha akazi abantu bashyizwe ku rutonde rw\u2019umukara bibeshye, nubwo kutamenya itegeko atari urwitwazo, Mbabazi yavuze ko urutonde rw\u2019abantu bashyizwe kuri uru rutonde urusanga ku rubuga rwa MIFOTRA.<\/p>\n