Guverinoma ya Arabia Saoudite kuri iki Cyumweru yahaye amasaha 24 Ambasaderi wa Canada ngo abe avuye muri iki gihugu, ndetse ihita inahamagaza ambasaderi wayo muri Ottawa. Imibanire ishingiye ku bucuruzi hagati y\u2019ibi bihugu nayo yahagaze.<\/p>\n
Iki ni icyemezo cyije nyuma y\u2019iminsi mikeya igihugu cya Canada kinenze itabwa muri yombi ry\u2019impirimbanyikazi nyinshi ziharanira uburenganzira bw\u2019abagore muri Arabia Saoudite. Igihugu cya Canada kikaba ntacyo kiratangaza kuri aya makuru.<\/p>\n
Nk\u2019uko iyi nkuru dukesha RFI ivuga, ngo bigaragara ko igihugu cya Arabia Saoudite kuri uyu wa Gatanu ushize kitishimiye ubusabe bwa Canada bwo guhita kirekura izi mpirimbanyikazi z\u2019uburenganzira bw\u2019abagore zifunze.<\/p>\n
Kuwa kane ushize, minisitiri w\u2019ububanyi n\u2019amahanga wa Canada, Chrystia Freeland yagaragaje impungenge abinyujije kuri twitter, zo gufunga abagore baharanira uburenganzira bwabo by\u2019umwihariko uwitwa Samar Badawi.<\/p>\n
Icyo gihe minisitiri w\u2019ububanyi n\u2019amahanga wa Canada akaba yaragize ati: \u201cDuhangayikishijwe cyane no kumenya ifungwa rya Samar Badawi, umuvandimwe wa Raif Badawi, muri Arabia Saoudite. Canada ishyigikiye umuryango wa Badawi muri iki kigeragezo gikomeye, kandi dukomeje guhamagarira ifungurwa rya Raif na samar Badawi.\u201d<\/p>\n
Samar Badawi watawe muri yombi ni mushiki wa Raif Badawi wamenyekanye cyane mu kunyuza ibitekerezo bye kuri internet nawe akaba amaze imyaka 6 afunze azra kunenga Idini ya Isilamu. Umugore we n\u2019abana be batatu baba I Quebec muri Canada.<\/p>\n
Umubano wa Arabia saoudite na Canada wongeye kugaragaramo igitotsi nyuma y\u2019uko na none nyuma y\u2019aho\u00a0 Canada yari iherutse kugurisha Arabia Saoudite imodoka z\u2019imitamenwa za gisirikare bivugwa ko zakoreshejwe mu kwica abasivili muri Yemen. Kuva icyo gihe ngo Canada ikaba yaratangiye kwitandukanya na Guverinoma ya Ryad.<\/p>\n","protected":false},"excerpt":{"rendered":"
Guverinoma ya Arabia Saoudite kuri iki Cyumweru yahaye amasaha 24 Ambasaderi wa Canada ngo abe avuye muri iki gihugu, ndetse ihita inahamagaza ambasaderi wayo muri Ottawa. Imibanire ishingiye ku bucuruzi hagati y\u2019ibi bihugu nayo yahagaze. Iki ni icyemezo cyije nyuma y\u2019iminsi mikeya igihugu cya Canada kinenze itabwa muri yombi ry\u2019impirimbanyikazi nyinshi ziharanira uburenganzira bw\u2019abagore muri […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-11222","post","type-post","status-publish","format-standard","hentry","category-politiki-rw"],"yoast_head":"\n