![\"\"](\"https:\/\/bwiza.com\/wp-content\/uploads\/2018\/08\/DkFoiHdX4AAaMba.jpg\")
<\/p>\nIbi ni ibikubiye mu ijambo Guverineri w\u2019Intara y\u2019Amajyaruguru, Hon Gatabazi Jean Marie Vianney yavugiye mu Karere ka Gakenke, Umurenge wa Nemba, ubwo hasozwaga ku mugaragaro icyumweru cyahariwe ibikorwa by\u2019umugore mu Ntara y\u2019Amajyaruguru, kuwa 8 Kanama 2018.<\/p>\n
Mu ijambo rye, Guverineri Gatabazi yagarutse ku ruhare rukomeye umugore afite mu mibereho y\u2019umuryango n\u2019iy\u2019Igihugu muri rusange, aho yagaragaje ko nta terambere Igihugu cyageraho umugore atarigizemo uruhare. Yagize ati, \u201c
\nushaka guteza Igihugu imbere agomba gushingira k\u2019umugore, agashingira k\u2019umuryango<\/i>
\n\u201d.<\/p>\n
<\/p>\n
Guverineri Gatabazi yagarutse kandi k\u2019ubufatanye bugomba kuranga umugore n\u2019umugabo kugira ngo iterambere rigamijwe ribashe kugerwaho, aho yagize ati, \u201c
\nndashaka kugira ngo nibutse abagore, abakobwa, ababyeyi, abakecuru ,intwaza n\u2019abandi mwese ko twemera tudashidikanya nka Leta y\u2019u Rwanda ko abagore bafite agaciro gakomeye cyane kandi tukanazirikana ko twebwe uko tubyemera nk\u2019Ubuyobozi bw\u2019u Rwanda, umugore afatanyije n\u2019umugabo bakubaka umuryango wabo ugakomera ugatera imbere, Igihugu cyaba cyateye imbere, ni na ryo terambere dushaka. Umugore n\u2019umugabo bashyize hamwe ni bo bashobora kwita ku bana babo, ni bo bashobora kumva ko urugo rwabo ari umushinga utagomba guhomba<\/i>
\n\u201d.<\/p>\n
Guverineri Gatabazi yashimiye Nyakubahwa Perezida wa Repubulika, Paul Kagame, wibukije agaciro k\u2019umugore, akagaharanira ndetse na Leta y\u2019u Rwanda ayoboye igaharanira ko bijya mu mategeko kugira ngo bishimangirwe ntihazagire n\u2019umuntu wongera guhirahira abisubiza inyuma. Yaboneyeho gusaba ko agaciro k\u2019umugore adakwiye kugahabwa n\u2019itegeko, ko ahubwo buri wese akwiye kukazirikana atabihatiwe n\u2019itegeko. <\/p>\n
Yagize ati, \u201c
\nUmugore w\u2019Umunyarwanda Itegeko Nshinga riramuvuga, rikamuha uburenganzira mu miyoborere, rikamuha uburenganzira mu gucunga umutungo, amategeko akamuha uburengazira ku mutungo w\u2019umuryango n\u2019ibindi byinshi. Ariko turagira ngo twubake Umuryango Nyarwanda udaha umugore agaciro kubera ko biri mu mategeko ahubwo ubyumva ko ari ngombwa na mbere y\u2019uko hazamo amategeko<\/i>
\n\u201d.<\/p>\n
![\"\"](\"https:\/\/bwiza.com\/wp-content\/uploads\/2018\/08\/DkFoqh2X4AUnAhy.jpg\")
<\/p>\n
Guverineri Gatabazi yashimiye kandi inzego z\u2019abagore mu Ntara y\u2019Amajyaruguru, kuva ku rwego rw\u2019Intara kugeza ku rwego rw\u2019Umudugudu ku bikorwa byiza byateguwe kandi bigakorwa mu cyumweru cyahariwe ibikorwa by\u2019umugore muri iyi Ntara, haba mu bukangurambaga k’ukwirinda amakimbirane yo mu ngo no kubana mu mahoro, haba ndetse no mu bikorwa by’iterambere bigamije guteza imbere umuryango.<\/p>\n
Guverineri Gatabazi akaba yasabye abagore gukomeza gufatanya n’abagabo mu kubaka umuryango mwiza no kuwuteza imbere, kwirinda ingeso mbi zisenya ingo, zirimo ubusinzi, kwita ku bana no kubarinda kugwingira, kuboneza urubyaro, kugira isuku no kuyitoza abana bato no gukora cyane bakiteza imbere bakanateza imbere Igihugu.<\/p>\n
![\"\"](\"https:\/\/bwiza.com\/wp-content\/uploads\/2018\/08\/DkFmaHTXcAI7dJV.jpg\")
<\/p>\n
Kuri uyu munsi kandi Guverineri Gatabazi yashyikirije ku mugaragaro imiryango icyenda yo mu Karere ka Gakenke n’Amarero atatu aherereye muri ako Karere, inka cumi n’ebyiri yemerewe na Nyakubahwa Jeannette Kagame, Madamu wa Perezida wa Repubulika, ubwo yasuraga ako Karere ku itariki ya 6 Kamena 2018, mu rwego rwo gukomeza guteza imbere imibereho myiza y’abaturage, cyane cyane imikurire y\u2019abana bato. Guverineri Gatabazi yasabye imiryango yahawe inka kuzitaho uko bikwiye, amata yazo akazayifasha mu kurera abana no kwiteza imbere.<\/p>\n
Kuremera abagore batishoboye, kubakira amacumbi imiryango itishoboye, ibiganiro k\u2019ukwirinda amakimbirane yo mu miryango, kurera abana uko bikwiye, kubarinda kugwingira no kubatoza isuku bakiri bato, ni bimwe mu bikorwa byibanzweho mu cyumweru cyahariwe ibikorwa by\u2019Umugore mu Ntara y\u2019Amajyaruguru, nk\u2019uko byagarutsweho n\u2019Umuhuzabikorwa w\u2019Inama y\u2019Igihugu y\u2019Abagore muri iyi Ntara, Madamu Uwitonze Modeste.<\/p>\n
![\"\"](\"https:\/\/bwiza.com\/wp-content\/uploads\/2018\/08\/DkFo_nbW4Ac4_QH.jpg\")
<\/p>\n
Ibirori byo gusoza icyumweru cyahariwe ibikorwa by’Umugore mu Ntara y’Amajyaruguru byaranzwe no kumurika ibikorwa by’iterambere by’abagore, guha abana bato amata, ubuhamya bw’umugore witeje imbere ndetse n’ubusabane mu mbyino n’indirimbo.<\/p>\n
\u00a0<\/p>\n","protected":false},"excerpt":{"rendered":"
Ibi ni ibikubiye mu ijambo Guverineri w\u2019Intara y\u2019Amajyaruguru, Hon Gatabazi Jean Marie Vianney yavugiye mu Karere ka Gakenke, Umurenge wa Nemba, ubwo hasozwaga ku mugaragaro icyumweru cyahariwe ibikorwa by\u2019umugore mu Ntara y\u2019Amajyaruguru, kuwa 8 Kanama 2018. Mu ijambo rye, Guverineri Gatabazi yagarutse ku ruhare rukomeye umugore afite mu mibereho y\u2019umuryango n\u2019iy\u2019Igihugu muri rusange, aho yagaragaje […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-11318","post","type-post","status-publish","format-standard","hentry","category-politiki-rw"],"yoast_head":"\n