Mu itangazo ryashyizwe ahagaragara kuri uyu wa Mbere, itariki 13 Kanama, umutwe wa M23, wakubiswe inshuro n\u2019igisirikare cya Congo gifatanyije n\u2019Umuryango w\u2019Abibumbye mu 2013, uremeza ko uri ku butaka bwa Congo kuva muri Mutarama 2017. Uyu mutwe uravuga ko amatora nataba mu mucyo witeguye kubura intwaro.<\/p>\n
Ngo kwanga kubahiriza amasezerano yashyizweho umukono kuwa 12 Ukuboza 2013 i Nairobi nibyo byatumye inyeshyamba z\u2019umutwe wa M23 zigaruka muri Repubulika iharanira Demokarasi ya Congo, ariko ngo zitajyanywe no gushoza intambara ahubwo zigiye gutanga umusanzu mu matora ateganyijwe kuwa 23 Ukuboza nk\u2019uko iri tangazo rivuga ryashyizweho umukono na Bertrand Bisiimwa, umuyobozi wa politiki wa M23.<\/p>\n
Muri iri tangazo Bisiimwa avuga ko mu gikorwa cy\u2019amatora ari ho honyine igihugu n\u2019abaturage ba Congo bazatoreramo abayobozi bizeye kandi babikwiye bafite ubushobozi bwo guhangana n\u2019impamvu nyazo z\u2019amakimbirane yakomeje kuranga igihugu.<\/p>\n
Ngo ni no mu rwego rwo gushyigikira iki gikorwa, uyu mutwe wifashe kuva icyo gihe muri Mutarama 2017, ukanga gusubiza ubushotoranyi bwinshi n\u2019ibitero wagiye ugabwaho n\u2019ingabo za leta (FARDC).<\/p>\n
M23 ariko, ikomeza ivuga ko izakomeza kwifata ari uko gusa igikorwa cy\u2019amatora kitazagira abo giheza, kikaba mu mucyo no mu bwisanzure mu buryo buha icyizere abaturage.<\/p>\n
Umutwe wa M23 ukomeza uvuga ko uzasubukura ibiganiro uganira n\u2019abayobozi bazatorwa mu buryo bukurikije amategeko mu matora yizewe bazabasha gushyira mu bikorwa amasezerano y\u2019amahoro yashyizweho umukono mu bwisanzure hagati yabo na Guverinoma ya Congo.<\/p>\n
Uyu mutwe kandi nk\u2019uko inkuru dukesha Politico.cd ikomeza ivuga, washimye nawo icyemezo cya Perezida Kabila cyo kutaziyamamaza muri aya matora ateganyijwe, uvuga ko ari icyemezo gitanga ingufu mu rwego rwo kubaha itegeko nshinga.<\/p>\n
M23 ikaba ikomeza igira iti: \u201c Gusa, turamusaba gukuraho imbogamizi zose ngo amatora azabe mu bwisanzure, mu mucyo, yizerwe, adaheza, kandi mu ituze<\/em> .\u201d<\/p>\n Mu Ukuboza mu mwaka ushize wa 2017, Bertrand Bisiimwa, perezida wa M23, yari yemeje ibyatangajwe muri raporo ya HRW ko guverinoma ya Congo irimo irashaka abarwanyi mu bahoze muri M23 ngo bazahangane n\u2019abaziha kwigaragambya.<\/p>\n Ibi bikaba byaranatangajwe nyuma y\u2019amakuru yavugaga ko abahoze ari abarwanyi ba M23 batorotse mu nkambi bari bacumbikiwemo muri Uganda nyuma yo guhunga imirwano yazihuzaga n\u2019ingabo za FARDC na Monusco muri Kivu y\u2019Amajyaruguru.<\/p>\n Iyi raporo ya HRW nayo ikaba yarashimangiye ko mu rwego rwo kwanga gushyira mu bikorwa amasezerano ya Nairobi, leta ya Congo yatangiye guha akazi rwihishwa abahoze mu mutwe wa M23 bagiye barangwa no kutagira disipuline ishaka kubakoresha mu bintu abari abayobozi babo batazi nk\u2019uko Bisiimwa yatangazaga icyo gihe avuga ko bakusanyirijwe I Kisangani na Goma.<\/p>\n \u00a0<\/p>\n","protected":false},"excerpt":{"rendered":" Mu itangazo ryashyizwe ahagaragara kuri uyu wa Mbere, itariki 13 Kanama, umutwe wa M23, wakubiswe inshuro n\u2019igisirikare cya Congo gifatanyije n\u2019Umuryango w\u2019Abibumbye mu 2013, uremeza ko uri ku butaka bwa Congo kuva muri Mutarama 2017. Uyu mutwe uravuga ko amatora nataba mu mucyo witeguye kubura intwaro. Ngo kwanga kubahiriza amasezerano yashyizweho umukono kuwa 12 Ukuboza […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-11322","post","type-post","status-publish","format-standard","hentry","category-amakuru-rw"],"yoast_head":"\n