Uwahoze ari umukuru w\u2019Igipolisi cya Uganda, Gen Kale Kayihura kuri uyu wa Kane ashobora kugezwa bwa mbere imbere y\u2019urukiko rwa gisirikare nyuma y\u2019amezi asaga abiri afunze, aho ashobora gushinjwa ibyaha bigera kuri bine nk\u2019uko amakuru yagiye ahagaragara ku mugoroba wo kuri uyu wa Gatatu avuga.<\/p>\n
Gen Kale Kayihura wamaze imyaka 13 akuriye igipolisi cya Uganda ategerejweho kugezwa imbere y\u2019Urukiko Rukuru rwa Gisirikare rwa Makindye ashinjwa ibyaha bifitanye isano no gukoresha umwanya we mu buryo bunyuranyije n\u2019amategeko no kwirengagiza inshingano ze.<\/p>\n
Biteganyijwe ko ashobora kugezwa imbere y\u2019urukiko kuri uyu wa Kane, itariki 23 Kanama 2018.<\/p>\n
Nubwo byavuzwe gutyo, umuvugizi w\u2019igisirikare cya Uganda, Brig. Richard Karemire yabwiye Chimpreports dukesha iyi nkuru ko uru rukiko rwa gisirikare kuri uyu wa Kane rwerekeza mu majyaruguru ya Uganda muri Gulu aho ruba rugiye kumva urubanza rwa Depite Robert Kyagulanyi (Bobi Wine). Uyu akaba yavuze ko kuba perezida w\u2019uru rukiko, Lt Gen Andrew Gutti ategerejwe mu majyaruguru kubw\u2019ibyo bikaba bishobora kutaza kumukundira no kuba Makindye kumva urundi rubanza.<\/p>\n
Gusa, ngo byashobokaga ko ashobora kubanza kumva urubanza rwa Kayihura muri iki gitondo mbere yo kwerekeza muri Gulu kumva ikibazo cya Kyagulanyi.<\/p>\n
Bamwe mu bayobozi bakuru bavuga ko Kayihura ashinjwa byibuze ibyaha bigera kuri bine, birimo icyo gucyura ku ngufu uwahoze ari umwe mu bashinzwe umutekano wa Perezida w\u2019u Rwanda, Paul Kagame.<\/p>\n
Lt Joel Mutabazi wari warahungiye muri Uganda mbere yo kugarurwa mu Rwanda mu Ukwakira mu 2013, yaje guhanwa n\u2019urukiko mu Rwanda nyuma yo kumuhamya ibyaha bifitanye isano no guhungabanya umutekano w\u2019igihugu.<\/p>\n
Kugeza ubu abandi bapolisi ba Uganda barimo Joel Aguma na Nixon Agasirwe nabo barafunze bashinjwa uruhare mu gucyura Lt Joel Mutabazi.<\/p>\n
Iki kinyamakuru ariko gikomeza kivuga ko cyo kitarabona urupapuro rugaragaza ibyaha Kayihura ashinjwa. Ariko, abakoranye na Kayihura batifuje ko amazina yabo atangazwa, bavuze ko ubwo Mutabazi yasubizwaga mu Rwanda, Gen kayihura atari muri Uganda kandi atigeze atanga amabwiriza yo gufata Mutabazi.<\/p>\n
Ikindi cyaha Kayihura ashobora gushinjwa ngo ni icyo kuba yaragize uruhare mu itoroka ry\u2019uwari ushinzwe ikoranabuhanga n\u2019itumanaho mu gipolisi, Amos Ngabirano. Uyu unafite ubwenegihugu bw\u2019u Bwongereza, ngo yabashije guhunga igihugu bucece nyuma yo kumenya ko yatangiye gukorwaho iperereza.<\/p>\n
Ngabirano ngo akaba yarashinjwaga ruswa no kumena amabanga arebana n\u2019umutekano w\u2019igihugu ariko we akabihakana avuga ko azira umubano wa hafi yari afitanye na Kayihura. Kugeza ubu nta wuzi aho aherereye nubwo ngo hari inshuti ze zamubonye I Dubai.<\/p>\n
Ikibazo cy\u2019imbunda<\/strong> <\/p>\n Icyaha cya gatatu ngo Gen kayihura ashobora gushinjwa ni icyo kua yarahaye amabwiriza akoresheje umunwa CP Frank Mwesigwa yo kohereza imbunda zigera ku 3,000 ku Ishuri rya Polisi rya Kabalye.<\/p>\n Umuvugizi w\u2019igipolisi, Emilian Kayima ariko akaba aherutse guhakana amakuru yavugaga ko muri iri shuri haburiye imbunda zigera ku 4,000 ndetse yongeraho ko nta perereza azi riri gukorwa na CMI cyangwa ISO kuri iki kibazo.<\/p>\n Icyaha cya kane rero ngo ashobora gushinjwa ni icyo guha intwaro Abdul Kitatta, umuyobozi w\u2019umutwe wiswe Boda Boda 2010, aho bivugwa ko Kayihura yawuhaye imbunda n\u2019amasasu.<\/p>\n Abayobozi bavuganye na Chimpreports kandi bakomeje bavuga ko iperereza rishobora kuba ryarataye ikirego cyo kwica AIGP Andrew Kaweesi kuko ibimenyetso byashinjaga Kayihura byasanzwe bishobora kuba byarahimbwe.<\/p>\n Gen Kale Kayihura yatawe muri yombi akuwe ku ifamu ye iherereye ahitwa Kashagama mu Karere ka Lyantonde kuwa 13 Kamena ajya gufungirwa mu kigo cya gisirikare cya Makindye.<\/p>\n Gen Kayihura mbere yaho akaba yaragaragaraga nk\u2019umwizerwa wa Perezida Museveni ariko kumwizera bigenda bigabanyuka mu bitewe n\u2019amakimbirane yari afitanye n\u2019uwari minisitiri w\u2019umutekano, Lt Gen Henry Tumukunde.<\/p>\n Raporo z\u2019inzego z\u2019ubutasi ku mubano Kayihura ngo yaba yari afitanye na Guverinoma y\u2019u Rwanda kuri ubu itarebana neza n\u2019iya Uganda ngo nazo zaba zarabaye intandaro z\u2019itabwa muri yombi rye.<\/p>\n \u00a0<\/p>\n","protected":false},"excerpt":{"rendered":" Uwahoze ari umukuru w\u2019Igipolisi cya Uganda, Gen Kale Kayihura kuri uyu wa Kane ashobora kugezwa bwa mbere imbere y\u2019urukiko rwa gisirikare nyuma y\u2019amezi asaga abiri afunze, aho ashobora gushinjwa ibyaha bigera kuri bine nk\u2019uko amakuru yagiye ahagaragara ku mugoroba wo kuri uyu wa Gatatu avuga. Gen Kale Kayihura wamaze imyaka 13 akuriye igipolisi cya Uganda […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-11419","post","type-post","status-publish","format-standard","hentry","category-amakuru-rw"],"yoast_head":"\n