Abanyarwanda birukanywe muri Tanzaniya batujwe mu murenge wa Jabana mu karere ka Gasabo barataka ikibazo cy\u2019inzara bavuga ko ibugarije dore ko ngo bamaze amezi 2 badahabwa ibyo kurya basanzwe bahabwaga buri kwezi.<\/p>\n
Hashize imyaka itanu aba banyarwanda birukanywe muri Tanzaniya batujwe aha mu mudugudu wa Gitega mu kagari ka Bweramvura mu murenge wa Jabana y\u2019akarere ka Gasabo.<\/p>\n
Buri kwezi ngo bahabwa ibiro 10 by\u2019akawunga na 6 by\u2019ibishyimbo kuri buri muntu, mu rugo bikaba byinshi bitewe n\u2019umubare w\u2019abagize umuryango. Ibi rero ngo ni nabyo bakuramo isabune, amavuta, umunyu n\u2019ibindi bakeneye birimo no kugura umuriro w\u2019amashanyarazi. Kuri ubu ariko amezi abaye 2, ibi byo kurya bishingiyeho ubuzima bwabo bwa buri munsi batabihabwa, ibi bikaba byaragize ingaruka zitandukanye ku buzima bwabo.<\/p>\n
Icyifuzo cy\u2019aba baturage kirenze guhabwa ibyo kurya, kuko bongeraho ko bifuza gufashwa kwifasha aho guhora bateze leta amaboko.<\/p>\n
Ubuyobozi bw\u2019akarere ka Gasabo bufite aba baturage mu nshingano buvuga ko impamvu batarahabwa ibyo kurya ari uko mu ntangiriro z\u2019ingengo y\u2019imari hakunze kubaho ikibazo cyo gutinda kw\u2019amafaranga ariko ngo bagiye gusaba rwiyemezamirimo usanzwe abagemurira ibyo kurya kubagaburira akazishyurwa ari uko amafaranga yabonetse nkuko Stephen RWAMURANGWA uyobora akarere ka Gasabo yabitangarije TV1 na Radio1 dukesha iyi nkuru.<\/p>\n
Ku birebana no kuba akarere kabafasha kwifasha byo, uyu muyobozi avuga ko bitarenze uyu mwaka w\u2019ingengo y\u2019imari bazaba bahawe umushinga wo korora inkoko mu buryo bwa kijyambere, ibi bikazabafasha kwibeshaho.<\/p>\n
Aba baturage bamaze amezi 2 badahabwa ibyo kurya baragera ku 193 muri rusange kandi abenshi muri bo biganjemo abana n\u2019abageze mu zabukuru.<\/p>\n
Ikibazo cy\u2019imibereho y\u2019abanyarwanda birukanywe muri Tanzaniya si umwihariko w\u2019akarere ka Gasabo kuko ahenshi mu ho bagiye batuzwa hakunze kumvikana ikibazo nk\u2019iki bitewe nuko byagarukiraga gusa ku guhabwa inzu zo gutuzwamo ubundi bagategereza ibyo kurya bya buri kwezi, igitekerezo mu byukuri kidatanga igisubizo kirambye ku mibereho yabo.<\/p>\n","protected":false},"excerpt":{"rendered":"
Abanyarwanda birukanywe muri Tanzaniya batujwe mu murenge wa Jabana mu karere ka Gasabo barataka ikibazo cy\u2019inzara bavuga ko ibugarije dore ko ngo bamaze amezi 2 badahabwa ibyo kurya basanzwe bahabwaga buri kwezi. Hashize imyaka itanu aba banyarwanda birukanywe muri Tanzaniya batujwe aha mu mudugudu wa Gitega mu kagari ka Bweramvura mu murenge wa Jabana y\u2019akarere […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-11620","post","type-post","status-publish","format-standard","hentry","category-politiki-rw"],"yoast_head":"\n