Inzego zishinzwe umutekano mu burengerazuba bushyira amajyepfo mu bice byegereye umupaka w\u2019u Burundi zirahumuriza abaturage bahatuye ko nta kibazo cy\u2019umutekano gihari.<\/p>\n
Ku mugoroba wo kuri uyu wa Gatatu ushize, itariki 05 Nzeri, nibwo abayobozi b\u2019ingabo n\u2019ab\u2019intara y\u2019Uburengerazuba bagiranye ibiganiro n\u2019abaturage nyuma yo kubonana n\u2019abavuga rikijyana mu Karere ka Rusizi mu masaha ya mbere ya saa sita.<\/p>\n
Gen. Major Alexis Kagame, ukuriye division ya 3 y\u2019ingabo z\u2019u Rwanda ikorera mu burengerazuba, Umuyobozi w\u2019Intara y\u2019Uburengerazuba, Munyentwari Alphonse, n\u2019abandi bayobozi baturutse mu gisirikare n\u2019igipolisi no mu nzego za gisivili ni bo babonanye n\u2019abaturage.<\/p>\n
Gen. Kagame akaba yarabwiye abaturage ko kuri ubu hari impuha nyinshi zikwirakwizwa mu buryo butandukanye biturutse ku tubazo yise duto twabaye mu majyepfo y\u2019igihugu muri Nyaruguru, ababwira ko badakwiye gukuka umutima kubera izo nkuru.<\/p>\n
Yagize ati: \u201c Nta byacitse..nta kuvuga ngo abantu bafite ubwoba..uretse yuko haba hari ibihuha bitandukanye biza mu buryo butandukanye..ugasanga biri ku ma websites, \u2026y\u2019uko hari intambara, nta ntambara iri muri iki gihugu. Iyi province iratekanye kuva Rubavu kugera aha<\/em> \u201d<\/p>\n Yakomeje avuga ko mu Rwanda nta kibazo gihari, nta byacitse asaba abaturage gutunganirwa, bagahinga bakeza, bakaryama bagasinzira.<\/p>\n Gen Maj. Kagame ariko yasabye abaturage kutirara kuko n\u2019ubundi abagambiriye guhungabanya umutekano w\u2019igihugu batari kure kandi bakoresha ibihugu by\u2019ibituranyi nk\u2019u Burundi na Repubulika iharanira Demokarasi ya Congo, abasaba gukorana n\u2019inzego z\u2019umutekano bakaba maso.<\/p>\n Ati: \u201c Ni byiza rero ko buri wese ahora ari maso..kureba abantu batameze neza bashaka guhungabanya umutekano w\u2019abaturage. Ibyongibyo ntabwo twanabibahisha. Abenshi bahekuye iki gihugu, abenshi baracyari muri Congo hano. Ari FDLR, ari abitwa aba CNRD bose bari aha. Bamwe bakoresha u Burundi abandi bagakoresha Congo<\/em> .\u201d<\/p>\n Yongeyeho ko nubwo ibyo byose bihari, bitabuza u Rwanda iterambere, bitabuza kubaho neza ndetse no gutekana kuko ngo inzego z\u2019umutekano zirinze umupaka kandi ari inshingano zazo hakaba n\u2019abaturage bafatanya nazo.<\/p>\n Yakomeje avuga ko icyabazinduye ari ukwibukiranya gusa inshingano no kongera kuba maso.<\/p>\n Ubwo yakomozaga ku byatangajwe na Callixte Sankara uvuga ko avugira umutwe wa FLN, uvuga ko ugamije kubohora igihugu, nyuma y\u2019ibitero by\u2019abitwaje intwaro byagabwe mu Murenge wa Nyabimata nyuma bagahungira mu ishyamba rya Nyungwe,Guverineri w\u2019Intara y\u2019Uburengerazuba, Munyantwari Alphonse yasabye abaturage kubeshyuza ibitangazwa n\u2019abagamije guhungabanya umutekano w\u2019igihugu.<\/p>\n Ati: \u201c Umuntu akaduka ati twafashe igice cy\u2019igihugu turagifite\u2026;umuntu yavuga ko yafashe ahantu uri uhagaze, gute se kandi uhari wowe uriho ubireba we abibarirwa cyangwa bamubeshya<\/em> \u201d .<\/p>\n Guverineri Munyentwari yakomeje avuga ko kwirinda ibihuha ari ngombwa ariko hakabaho no kubibeshyuza. Ati: \u201c Nta nubwo tugomba kubaho nk\u2019aho abantu tuvuga ngo ntitwemera ibihuha byose bituzaho. Tugomba no kubibeshyuza kuko twebwe turahari. Abaturage bagomba kubibeshyuza, urubyiruko rugomba kubibeshyuza ahubwo ntibinaturangaze kuko abashaka guhungabanya umutekano w\u2019igihugu ibihuha barabyohereza bazahora banabyohereza<\/em> .\u201d<\/p>\n Ku mugoroba wo kuwa 19 Kamena 2018, nibwo abantu\u00a0 bitwaje intwaro bateye Umurenge wa Nyabimata wo mu Karere ka Nyaruguru bica abantu 2, barasa Gitifu ku bw\u2019amahirwe ntiyapfa, bamutwikira imodoka n\u2019icumbi yabagamo, bashimuta abantu mbere yo gusubira inyuma banyuze mu Ishyamba rya Nyungwe bari bateye baturukamo. Iki gitero nyuma kikaba cyarigambwe n’umutwe wa FLN.<\/p>\n","protected":false},"excerpt":{"rendered":" Inzego zishinzwe umutekano mu burengerazuba bushyira amajyepfo mu bice byegereye umupaka w\u2019u Burundi zirahumuriza abaturage bahatuye ko nta kibazo cy\u2019umutekano gihari. Ku mugoroba wo kuri uyu wa Gatatu ushize, itariki 05 Nzeri, nibwo abayobozi b\u2019ingabo n\u2019ab\u2019intara y\u2019Uburengerazuba bagiranye ibiganiro n\u2019abaturage nyuma yo kubonana n\u2019abavuga rikijyana mu Karere ka Rusizi mu masaha ya mbere ya saa […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-11636","post","type-post","status-publish","format-standard","hentry","category-amakuru-rw"],"yoast_head":"\n