Perezida w\u2019Inteko Ishinga Amategeko ya Uganda, Rebecca Kadaga, kuri uyu wa Gatatu ushize, itariki 12 Nzeri, yasabye guverinoma ibisobanuro ku itabwa muri yombi rinyuranyije n\u2019amategeko no gusubizwa iwabo bikomeje gukorerwa Abanyarwanda.<\/p>\n
Icyemezo cya perezida w\u2019Inteko Ishinga Amategeko ya Uganda kije nyuma y\u2019aho bamwe mu badepite bagaragarije ko iri tabwa muri yombi no gusubiza iwabo Abanyarwanda byakomeje nyamara Perezida kagame na Museveni barabonanye muri Werurwe bakiyemeza gukemura iki kibazo.<\/p>\n
\u201cKujujubywa byarakomeje kuva Kigali yaregera Kampala\u00a0 ko RNC iri gukoresha Uganda mu bikorwa byo gushaka abarwanyi no gukora ubukangurambaga mu Banyarwanda baba muri Uganda hagamijwe guhungabanya u Rwanda,\u201d uyu ni Depite Anna Adeke, uhagarariye urubyiruko mu nteko.<\/p>\n
Hon Adeke yavuze amazina ya bamwe mu Banyarwanda batawe muri yombi barimo; Emmanuel Cyemayire, wari umucuruzi muri Mbarara bivugwa ko yanakorewe iyicarubozo, nyuma akajugunywa ku mupaka wa Gatuna kuwa 04 Mutarama, ndetse na Jessica Muyongerwa na Vanessa Gasaro, batawe muri yombi nyuma bakajugunywa ku mupaka.<\/p>\n
Adeke akavuga ko iri tabwa muri yombi bifite ingaruka ku ihungabana ry\u2019umutekano mu gihugu, ku rundi ruhande bikaba ari ikibazo ku mibanire ya dipolomasi hagati ya Uganda n\u2019u Rwanda.<\/p>\n
Yakomeje avuga ko Abanyarwanda benshi babayeho mu bwoba bikanga ko ari bo bashobora gukurikiraho mu gutabwa muri yombi.<\/p>\n
Mu kwezi gushize nk\u2019uko iyi nkuru dukesha pmldaily.com ikomeza ivuga, imibanire ya Uganda n\u2019u Rwanda yarushijeho kuzahara kubera iryo tabwa muri yombi rikomeje n\u2019ibyo birego byo gushinjanya gushyigikira ibikorwa by\u2019inyeshyamba.<\/p>\n
Uyu mwuka mubi hagati y\u2019ibihugu byombi wagaragaye nk\u2019ugiye guhosha ubwo abakuru b\u2019ibihugu byombi babonanaga kuwa 25 Werurwe I Kampala.<\/p>\n
Nyamara, amakuru yizewe avuga ko nyuma y\u2019uko kubonana, imibanire ya dipolomasi ahubwo yarushijeho kuba mibi kuko ibihugu byombi bitubahirije ibyo byemeranyije ahubwo itabwa muri yombi ry\u2019Abanyarwanda no kubasubiza mu gihugu cyabo birushaho kwiyongera.<\/p>\n
Uhereye muri uko kwezi kwa Werurwe, abayobozi ba Uganda, by\u2019umwihariko mu turere twegereye umupaka nka Kabale, Kisoro na Kadadi, bataye muri yombi Abanyarwanda benshi babasubiza mu Rwanda. Ibiherutse bikaba byarabaye kuwa 24 Nyakanga, aho polisi mu Karere ka Rubanda yataye muri yombi Abanyarwanda 22 n\u2019Abanyekongo ngo binjiye mu gihugu binyuranyije n\u2019amategeko.<\/p>\n
U Rwanda kandi rushinja abakozi b\u2019urwego rushinzwe abinjira n\u2019abasohoka gufatira indangamuntu z\u2019Abanyarwanda bajya muri Uganda.<\/p>\n
U Rwanda rushinja Uganda kandi gushyigikira abashaka guhungabanya umutekano w\u2019u Rwanda, ku rundi ruhande Uganda nayo igahiga bukware Abanyarwanda yita intasi z\u2019u Rwanda.<\/p>\n
Mu kwezi gushize, itangazamakuru mu Rwanda rikaba ryarasohoye inkuru y\u2019uko perezida Museveni yavuganye na Dr David Himbara, umwe mu barwanya ubutegetsi bw\u2019u Rwanda, aho byavugwaga ko perezida Museveni yiyemeje kumushyigikira.<\/p>\n
Muri Nyakanga Ambasaderi w\u2019u Rwanda muri Uganda, Maj. Gen.(Rtd) Frank Mugambage, nawe akaba yarashinje Guverinoma ya Uganda kunanirwa gukora iperereza ku mitwe y\u2019iterabwoba ikorera muri Uganda ishaka guhungabanya umutekano w\u2019u Rwanda.<\/p>\n
\u00a0<\/p>\n","protected":false},"excerpt":{"rendered":"
Perezida w\u2019Inteko Ishinga Amategeko ya Uganda, Rebecca Kadaga, kuri uyu wa Gatatu ushize, itariki 12 Nzeri, yasabye guverinoma ibisobanuro ku itabwa muri yombi rinyuranyije n\u2019amategeko no gusubizwa iwabo bikomeje gukorerwa Abanyarwanda. Icyemezo cya perezida w\u2019Inteko Ishinga Amategeko ya Uganda kije nyuma y\u2019aho bamwe mu badepite bagaragarije ko iri tabwa muri yombi no gusubiza iwabo Abanyarwanda […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-11729","post","type-post","status-publish","format-standard","hentry","category-amakuru-rw"],"yoast_head":"\n