Abayobozi n’abarwanashyaka b’ishyaka FDU Inkingi ritavuga rumwe n’ubutegetsi buriho bari mu maboko y\u2019ubutabera bakurikiranweho ibyaha bitandukanye bagiye kuzaburanishwa n\u2019urundi rukiko nyuma y\u2019aho kuri uyu wa Gatanu, itariki 14 Nzeri, Urukiko Rukuru rutangarije ko rudafite ububasha bwo kubaburanisha.<\/p>\n
Umucamanza yahisemo kohereza uru rubanza mu rugereko rwihariye ruburanisha ibyaha byo ku rwego mpuzamahanga n’ibyaha byambukiranya imipaka kuko ari rwo rufite ubwo bubasha.<\/p>\n
Impande zombi ubushize zari zatanze inzitizi uhereye ku baregwa n\u2019ababunganira basabaga urukiko kutakira ikirego cy\u2019ubushinjacyaha kuko ngo bwakiregeye binyuranyije n\u2019amategeko. Ni inzitizi umucamanza yirinze gusuzuma abanza kureba inzitizi y\u2019ubushinjacyaha nabwo bwavugaga ko busanga urukiko bwaregeye rudafite ububasha bwo kuburanisha abayobozi n\u2019abarwanashyaka b\u2019ishyaka FDU Inkingi ritavuga rumwe n\u2019ubutegetsi buriho ritaranemerwa gukorera mu Rwanda.<\/p>\n
Ubushinjacyaha buvuga ko mu byo bubarega harimo n\u2019icyaha cyo gukorana n\u2019imitwe y\u2019iterabwoba. Aha ariko byumvikana ko habayeho ukwibeshya gukomeye mu kuregera uru rukiko rwari rufite uru rubanza kuko ubushinjacyaha busanga urubanza rugomba kuburanishwa n\u2019urugereko rwihariye ruburanisha ibyaha ku rwego mpuzamahanga n\u2019ibyambukiranya imipaka.<\/p>\n
Abaregwa n\u2019ababunganira bamwe bakavuga ko icyo cyaha batakirezwe abandi bakavuga ko batigeze bakibazwaho mu iperereza ry\u2019ibanze .<\/p>\n
Urukiko rukuru mu isesengura ryarwo ruvuga ko rusanga hararegewe ibyaha bitatu birimo no gukorana n\u2019imitwe y\u2019iterabwoba. Ruravuga ko kuba hari abatarabajijwe kuri iki cyaha bitasuzumwa n\u2019uru rwego rwari rufite urubanza. Rukavuga ko urukiko ruzaburanisha urubanza mu mizi ari rwo ruzabisuzuma niba koko hari abatarabajijwe kuri iki cyaha mu iperereza ry\u2019ibanze.<\/p>\n
Ku byo Me Gashabana na mugenzi we Me Antoinette Mukamusoni bavuga ko ibyo abo bunganira baregwa bikekwa ko byakorewe ku butaka bw\u2019u Rwanda, umucamanza yavuze ko nta shingiro bifite. Yavuze ko abayobozi n\u2019abarwanashyaka ba FDU Inkingi bafashe iya mbere mu kujyana bagenzi babo mu mitwe y\u2019iterabwoba kandi ko hari abafashwe bagerageza kuyijyamo, abayigezemo n\u2019abari muri uwo mugambi banyuze muri Repubulika iharanira demokarasi ya Kongo.<\/p>\n
Urukiko rukuru rukavuga ko n\u2019ubwo hari ibindi byaha baregwa biri mu bubasha bwarwo bwo kubiburanisha, icyaha cyo gukorana n\u2019imitwe y\u2019iterabwoba kiburanishwa gusa n\u2019urugereko rwihariye. Umucamanza aravuga ko baregwa ibyaha bigize urusobe kandi bigamije kugirira nabi ubutegetsi buriho mu Rwanda, bityo ko bigomba kuburanishirizwa hamwe.<\/p>\n
Ku nzitizi yatanzwe n\u2019abaregwa ndetse n\u2019ababunganira yo kutakira ikirego cy\u2019ubushinjacyaha kuko ngo cyaregewe binyuranije n\u2019amategeko, urukiko rukuru rwavuze ko rudashobora kuyisuzuma kuko nta bubasha rubifitiye.<\/p>\n
\u00a0<\/p>\n","protected":false},"excerpt":{"rendered":"
Abayobozi n’abarwanashyaka b’ishyaka FDU Inkingi ritavuga rumwe n’ubutegetsi buriho bari mu maboko y\u2019ubutabera bakurikiranweho ibyaha bitandukanye bagiye kuzaburanishwa n\u2019urundi rukiko nyuma y\u2019aho kuri uyu wa Gatanu, itariki 14 Nzeri, Urukiko Rukuru rutangarije ko rudafite ububasha bwo kubaburanisha. Umucamanza yahisemo kohereza uru rubanza mu rugereko rwihariye ruburanisha ibyaha byo ku rwego mpuzamahanga n’ibyaha byambukiranya imipaka kuko […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-11740","post","type-post","status-publish","format-standard","hentry","category-politiki-rw"],"yoast_head":"\n