{"id":12035,"date":"2018-10-07T10:55:29","date_gmt":"2018-10-07T10:55:29","guid":{"rendered":"https:\/\/new.bwiza.com\/2018\/10\/07\/indege-ikaruruka-ntibakome-imbere-rusumbabose-ibisingizo-ntaganda-yifuza-guha\/"},"modified":"2025-02-12T13:53:25","modified_gmt":"2025-02-12T11:53:25","slug":"indege-ikaruruka-ntibakome-imbere-rusumbabose-ibisingizo-ntaganda-yifuza-guha","status":"publish","type":"post","link":"https:\/\/bwiza.com\/?p=12035","title":{"rendered":"\u201cIndege ikaruruka ntibakome imbere, Rusumbabose\u201d ibisingizo, Ntaganda yifuza guha Perezida Kagame"},"content":{"rendered":"

Aya niyo mazina azitwa uwari umenyerewe nk\u2019Intore izirusha intambwe, umukuru w\u2019igihugu akaba n\u2019umuyobozi w\u2019ishyaka riri ku butegetsi FPR INKOTANYI, nyakubahwa Kagame Paul. Aya mazina mashya ngo niyo Ntaganda Bernard azamwita umunsi yafashe umwanzuro wo gufungura abandi banyapolitiki bagifunze, nk\u2019uko yamaze kubikorera Diane Rwigara, Adeline Mukangemanyi, Ingabire Victoire Umuhoza na Kizito Mihigo.<\/strong> <\/p>\n

Me Ntaganda Bernard, wiyita umuyobozi w\u2019ishyaka PS IMBERAKURI ritemewe mu Rwanda, asanzwe azwiho gucura no gukoresha amagambo yahuranya. Yibukirwa ku ijambo akayihayiho ka politiki yakundaga gukoresha, na tura tugabane niwanga bimeneke, avuga ku igabana ry\u2019ubutegetsi.<\/p>\n

Uyu uteganya kuvuga imyato umutware w\u2019intabera, ngo azamuhundagazaho ibisingizo amaze gufungura n\u2019urubuga rwa politiki, ngo kuko \u201cumunyapolitiki si nk\u2019umuturage uhinga amateke\u201d.<\/p>\n

Ubwo yabazwaga n\u2019itangazamakuru uko yakiriye icyemezo cy\u2019urukiko ku ifungurwa ry\u2019agateganyo z\u2019imfubyi n\u2019umupfakazi b\u2019umuherwe Assinapol Rwigara (Diane na nyina Adeline); Ntaganda agira ati, \u201c\u2026. ni icyemezo cyiza, kugirango kigire ingufu, nk\u2019uko bafunguye Ingabire Victoire n\u2019ubu bafunguye Diane na nyina, ni intambwe itewe. Icyo dusaba FPR n\u2019ubuyobozi bwayo ni uko barekura abandi banyapolitiki bafungiye ubusa. <\/em> <\/p>\n

Diane ararekuwe, ariko niba arekuwe, arekuwe nk\u2019umunyapolitiki. ntabwo arekuwe nk\u2019umuturage ugiye guhinga amateke. ni ukuvuga ngo rero akwiye kongera guhabwa uburenganzira bw\u2019urubuga rwa politiki akavuga, kuko bitabaye ibyo, kumurekura byaba bibaye nk\u2019aho bamuhinduriye gereza bakaba bamujyanye muri gereza nini aho bamubuza kuvuga<\/em> . <\/em> <\/p>\n

Ikindi nshaka kongeraho, hari intambwe itewe, ndashaka Intore izirusha intambwe, sinkunda kumuvuga mu izina, itere izindi ntambwe, nayitera nzamwita indege ikaruka ntibakome imbere. Igihe azemera ko amashyaka ya politiki akorera mu Rwanda, igihe azemera ko umunyarwanda azisanzura, njye sinzaba nkimwita Intore izirusha intambwe, nzamwita Indege ikaruka ntibakome imbere, Rusumbabose<\/em> \u201d.<\/p>\n

\"\"
Bernard Ntaganda<\/strong><\/figcaption><\/figure>\n

Ifungurwa rya Diane na nyina ryabokeje igitutu bahindura imvugo<\/strong> <\/p>\n

Ibi bibaye nyuma y\u2019ibyumweru bitatu Ingabire Victoire na Kizito Mihigo bafunguwe ku mbabazi z\u2019umukuru w\u2019igihugu, nyuma umunyapolitikikazi Ingabire Victoire akavuga ko atigeze asaba imbabazi, abandi bakabyitirira igitutu cy\u2019amahanga. Gusa nyakubahwa Perezida wa Repubulika yateye utwatsi icyo gitutu, ubwo yakiraga indahiro y\u2019abadepite baherutse gutorwa.<\/p>\n

Ni nyuma kandi y\u2019ibyumweru bibiri, Me Ntaganda Bernard asohoye itangazo N\u00b0008\/PS.IMB\/NB\/2018, tariki 20 nzeri, rifite umutwe ugira uti, “ISHYAKA FPR INKOTANYI RIRAKORA YA\u00a0 POLITIKI YO GUHONGA,GUHINGA WAKWANGA UGAHUNGA!”<\/p>\n

Ryagiraga riti,<\/strong> <\/p>\n

Rishingiye ku magambo y’iterabwoba\u00a0 yuje urwango ari kuvugwa n’abayobozi batandukanye b’Ishyaka FPR INKOTANYI aho badatinya kuvuga ko Mme Victoire INGABIRE ashobora gusubizwa muri gereza cyangwa agategekwa gahunga;<\/p>\n

Rimaze kubona ko iryo terabwoba rishingiye gusa y’uko Mme Victoire INGABIRE yanze kwemera ko yatse imbabazi nyuma yo gufungurwa;<\/p>\n

Ishyaka PS Imberakuri riramenyesha abarwanashyaka baryo,impirimbanyi za demokarasi n’amahanga ibikurikira:<\/p>\n

Ingingo ya mbere:<\/p>\n

Ishyaka PS Imberakuri rirasanga ibivugwa n’Ishyaka FPR INKOTANYI ko Mme Victoire INGABIRE yatse imbabazi kugira ngo afungurwe ari ukwigiza nkana kuko atigeze yemera na rimwe ibyaha byose byacuzwe na FPR INKOTANYI. Aha, Ishyaka PS Imberakuri riributsa ko\u00a0 “gusaba imbazi zitangwa na Prezida wa Repubulika” bitandukanye no gusaba imbabazi z’ibyaha bamuhimbiye.<\/p>\n

Ingingo ya 2:<\/p>\n

Ishyaka PS Imberakuri\u00a0 ritewe impungenge n’amagambo yuje urwango n’iterabwoba y’abayobozi ba FPR INKOTANYI badatinya kuvuga ko Victoire INGABIRE bashobora kumusubiza mu gihome cyangwa bakamucira ishyanga. Aha Ishyaka PS Imberakuri riributsa FPR INKOTANYI ko Mme Victoire INGABIRE\u00a0 ari umunyapolitiki utavuga rumwe na Leta ya FPR INKOTANYI bityo kutabona ibintu kimwe nayo cyangwa kwanga gukeza ubuhake dore ko inafite abahakwa benshi atari\u00a0 uguca inka amabere.<\/p>\n

Ingingo ya 3:<\/strong> <\/p>\n

Ishyaka PS Imberakuri rirasanga aya magambo y’iterabwoba arimo n’urwango\u00a0 FPR INKOTANYI ifitiye abatavugarumwe nayo yibutsa ku buryo budasubirwaho\u00a0 ya politiki\u00a0 ya cyera aho bamwe mu\u00a0 Banyarwanda bahatirwaga “guhinga, guhonga, bakwanga bagahunga! Ubu FPR INKOTANYI nayo iri gusaba abatavugarumwe nayo ko bagomba: kuyipfukamira, kuyisenga bakwanga bakerekezwa gereza cg bakameneshwa bagahunga igihugu!<\/p>\n

Ingingo ya 4:<\/strong> <\/p>\n

Ishyaka PS Imberakuri ryongeye guhatira ishyaka FPR INKOTANYI gufungura urubuga rwa politiki kandi rikumva ko kutavuga rumwe naryo\u00a0 ari bwo buryo bwonyine buboneye bwo kubaka u Rwanda kuko kubibona ukundi ni ugukomeza kugira u Rwanda gereza yagutse bityo na Mme Victoire INGABIRE akaba atarafunguwe ahubwo yaba yarahinduriwe gereza.<\/p>\n

Ingingo ya 5:<\/strong> <\/p>\n

Ishyaka PS Imberakuri ryongeye gusaba ibihugu by’amahanga n’imiryango mpuzamahanga byafashije FPR INKOTANYI kugera ku butegetsi, bikomeje no kuyitera inkunga mu buryo butandukanye kwamagana amagambo y’iterabwoba n’urwango ari gukwirakwizwa na FPR INKOTANYI no kuyihatira kwemera gufungura urubuga rwa politiki nk’uko bibikora ku bindi bihugu byo mu Karere nk’u Burundi na Repubulika Iharanira Demokarasi ya Kongo cyane\u00a0 ko u Rwanda ruri inyuma y’ibi bihugu mu kwimakaza demokarasi n’indi migenzo myiza iranga ubumuntu. Gukomeza guceceka bifatwa nko gushyigikira igitugu cya Leta ya FPR INKOTANYI.<\/p>\n

“TWESE TURI\u00a0 VICTOIRE INGABIRE!”<\/strong> <\/p>\n

\u00a0<\/p>\n

Bikorewe i Kigali,kuwa kuwa 20 Nzeri 2018<\/p>\n

Me NTAGANDA Bernard<\/p>\n

Prezida Fondateri wa PS Imberakuri (S\u00e9)<\/p>\n

\n
\"YouTube