{"id":12070,"date":"2018-10-09T06:57:11","date_gmt":"2018-10-09T06:57:11","guid":{"rendered":"https:\/\/new.bwiza.com\/2018\/10\/09\/fdu-inkingi-iravuga-ko-twagirimana-boniface-yaba-yishwe-aho-gutoroka-gereza\/"},"modified":"2018-10-09T06:57:11","modified_gmt":"2018-10-09T06:57:11","slug":"fdu-inkingi-iravuga-ko-twagirimana-boniface-yaba-yishwe-aho-gutoroka-gereza","status":"publish","type":"post","link":"https:\/\/bwiza.com\/?p=12070","title":{"rendered":"FDU-Inkingi iravuga ko Twagirimana Boniface yaba yishwe aho gutoroka gereza"},"content":{"rendered":"
Visi perezida wa FDU-Inkingi, Boniface Twagirimana, yatorotse Gereza ya Mpanga kuri iki Cyumweru gishize, itariki 07 Ukwakira nk\u2019uko byatangajwe n\u2019Urwego rushinzwe imfungwa n\u2019abagororwa (RCS). Ariko, abayoboke b\u2019iri shyaka ritemewe n\u2019amategeko mu Rwanda baravuga ko bafite ubwoba bw\u2019uko yaba yishwe.<\/p>\n
Bivugwa ko Boniface Twagirimana byamenyekanye ko yatorotse mu gitondo cyo kuwa Mbere ubwo habagaho kubara imfungwa zifungiye muri Gereza ya Mpanga nk\u2019uko bigenda buri gitondo nk\u2019uko byatangajwe n\u2019umuvugizi wa RCS. Uyu yavuze ko Twagirimana n\u2019undi mugororwa, Aimable Murenzi, babashije gutoroka gereza bayisimbutse ndetse yongeraho ko iperereza ryatangiye.<\/p>\n
Abayoboke ba FDU-Inkingi ariko bo ntibemera ko umuyobozi wabo yaba yatorotse ahubwo bavuga ko bafite impungenge z\u2019uko yaba yishwe. Mu itangazo iri shyaka ryashyize ahagaragara kuri uyu wa Mbere, ryabajije ukuntu Twagirimana yabashije gutoroka gereza irinzwe cyane hari hashize iminsi itanu gusa yimuriwemo avanwe muri Gereza ya mageragere, risaba Guverinoma y\u2019u Rwanda ibisobanuro.<\/p>\n
Iri tangazo riti: \u201c Aya makuru yatumye twizera ko rishobora kuba ari ikinamico ry\u2019inzego z\u2019umutekano z\u2019u Rwanda<\/em> \u201d<\/p>\n
\u201c Turahamagarira Guverinoma y\u2019u Rwanda kumenyesha umuryango, ishyaka FDU-Inkingi \u2026ibijyanye n\u2019ibura rya Twagirimana. Bwana Twagirimana yari muri gereza ya leta yizeweho umutekano<\/em> .\u201d<\/p>\n
Aba bayoboke ba FDU-Inkingi bari bafungiye muri Gereza ya Mageragere, aho umuyobozi wabo, Ingabire Victoire yari afungiye azira ibyaha byo gupfobya jenoside no gufatanya n\u2019umutwe w\u2019iterabwoba.<\/p>\n
Mu kwezi gushize uyu yararekuwe ku mbabazi z\u2019umukuru w\u2019igihugu, Paul Kagame afungurwa atarangije igifungo cy\u2019imyaka 15 yari yarakatiwe amaze imyaka 8 afunze.<\/p>\n
Kuwa 03 Ukwakira nibwo Twagirimana yimuriwe muri Gereza ya Mpanga mu Karere ka Nyanza avanwe muri Gereza ya Mageragere mu Mujyi wa Kigali. Bikavugwa ko ubuyobozi bw\u2019amagereza butamenyesheje umuryango we iyimurwa rye cyangwa ngo butange ubusobanuro bw\u2019impamvu yimuwe nk\u2019uko bitangazwa n\u2019umugore wa Boniface Twagirimana.<\/p>\n
CNN dukesha iyi nkuru ikomeza ivuga ko yaba Polisi cyangwa RCS batigeze basubiza ubusabe bwayo bwo kugira icyo bavuga kuri iki kibazo.<\/p>\n
FDU-Inkingi kandi iravuga ko Twagirimana atari we muyoboke wayo waba uburie irengero kuko ngo muri Gicurasi 2017, uwitwa Jean Damascene habarugira yabuze nyuma yo guhamagarwa ngo abonane n\u2019umwe mu bashinzwe umutekano iwabo. Nyuma y\u2019iminsi ngo umuryango we wahamagawe ubwirwa kujya gufata umurambo we mu bitaro.<\/p>\n
Twagirimana yamaganye iyicwa rya Habarugira, aho mu itangazo bashyize ahagaragara FDU yavuze ko Habarugira yishwe kubera ko atemeranyaga n\u2019ubuyobozi kuri politiki z\u2019ubuhinzi.<\/p>\n
Ku rundi ruhande, visi perezida wa Kabiri wa FDU-Inkingi, Justin Bahunga, mu kiganiro yahaye Ijwi rya Amerika, yagize ati: \u201c Abo bantu ahantu bafungiye turahazi..ni ahantu hakomeye kandi kugirango urenge urwo rugi rwo mu nzu, urenge urugi rwo hanze uvuge ngo wagiye, nta muntu ukubonye, ahantu harinzwe nka hariya hakomeye twumva ko ibyo bintu biteye inkeke<\/em> \u201d<\/p>\nJustin Bahunga, visi perezida wa 2 wa FDU-Inkingi<\/figcaption><\/figure>\n
Abajijwe icyo bashingiraho bavuga ko barigishijwe kandi urwego rushinzwe amagereza rwemeza ko batorotse, yagize ati: \u201c Niba se ari bo babikoze babizi, ari inzego za leta zabikoze, ubona koko babyemera bakavuga bati ni twebwe twabikoze cyangwa ntabwo batorotse? Kereka niba ari nka Yezu cyangwa Roho Mutagatifu ugenda..akanyura mu nzugi nta kibazo kubera nta mubiri aba afite<\/em> .\u201d<\/p>\n
Bwana Bahunga yibukijwe ko ubushize ubwo undi mugororwa, Ntamuhanga Cassien, yatorokaga iyi Gereza ya Mpanga nabwo byaje kumenyekana ubwo yumvikanaga ku maradiyo, abazwa impamvu bumva kuri iyi nshuro bitashoboka ko Twagirimana yaba yatorotse.<\/p>\n
Yavuze ko leta ari yo ishinzwe kurinda imfungwa, kuvuga ngo batorotse bikaba bidahagije bakwiye kubamenyesha uko byagenze, banibaza impamvu yakuwe muri Gereza ya Mageragere ahafungiye abandi bareganwaga ibyaha bimwe.<\/p>\n
![\"\"](\"https:\/\/bwiza.com\/wp-content\/uploads\/2018\/10\/download-1.jpg\")