![\"\"](\"https:\/\/bwiza.com\/wp-content\/uploads\/2018\/10\/DpC1DgSWkAAgy85-1024x683.jpg\")
<\/p>\nPerezida w\u2019u Burundi, Pierre Nkurunziza, yasabye inzego z\u2019umutekano ndetse n\u2019abaturage cyane cyane abaturanye n\u2019u Rwanda na Congo, kurushaho kuba maso by\u2019umwihariko ku mipaka y\u2019ibi bihugu ashinja kuba ari byo binyuzwamo imitungo y\u2019igihugu mu buryo bwa magendu.<\/p>\n
Ibi Perezida Nkurunziza yabitangarije kuwa Mbere, itariki 08 Ukwakira, mu Ntara ya Muyinga, ahari hagiye gutangizwa ku mugaragaro ibikorwa by\u2019ubucukuzi bw\u2019amabuye y\u2019agaciro byahawe sosiyete African Mining Burundi kuri site ya Masaka, muri Komini Butihinda.<\/p>\n
<\/p>\n
Imihango yo gutangiza ibi bikorwa yabereye ku kibuga cy\u2019imikino muri Masaka, muri Zone Buvumbi, mu Ntara ya Muyinga. Iyi mihango ikaba yaritabiriwe n\u2019abayobozi bakuru b\u2019igihugu batandukanye barimo umukuru w\u2019igihugu ndetse n\u2019abakuriye African Mining Burundi.<\/p>\n
Mu ijambo rye nk\u2019uko iyi nkuru dukesha Radio na Televiziyo by\u2019u Burundi, RTNB, perezida Pierre Nkurunziza yatangaje ko amabuye y\u2019agaciro y\u2019u Burundi ari impano yavuye mu ijuru, asaba Abarundi kurindana ishyari iyo mpano. Yasabye kandi abandi bashoramari gutera ikirenge mu cya African Mining Burundi bagashora mu Burundi kuko ngo amahoro n\u2019umutekano biganje mu gihugu hose.<\/p>\n
Perezida w\u2019u Burundi yakomeje avuga ko ubucukuzi bw\u2019amabuye y\u2019agaciro busaba kuba hari amahoro n\u2019umutekano byuzuye kuko ari imirimo ifata igihe kirekire. Aha niho yahereye asaba inzego z\u2019umutekano n\u2019abaturage kurushaho kuba maso by\u2019umwihariko ku mipaka y\u2019u Rwanda na Repubulika iharanira Demokarasi ya Congo.<\/p>\n
Perezida Nkurunziza yanatunze urutoki u Rwanda avuga ko ari rwo runyuzwamo ubutunzi bw\u2019u Burundi mu buryo bwa magendu.<\/p>\n
![\"\"](\"https:\/\/bwiza.com\/wp-content\/uploads\/2018\/10\/DpC1EztXoAA888f-1024x683.jpg\")
<\/p>\n
Yavuze ko mu myaka yashize ikawa y\u2019u Burundi yajyanwaga mu Rwanda mu buryo bwa magendu, ugasanga u Rwanda rwitwa ko ari rwo rufite ikawa nziza kurusha izindi nyamara ari ikawa y\u2019u Burundi. Yongeyeho ko usibye ikawa amatoni ya coltan yibwaga I Kayanza akajyanwa mu Rwanda.<\/p>\n