{"id":12214,"date":"2018-10-18T08:31:08","date_gmt":"2018-10-18T08:31:08","guid":{"rendered":"https:\/\/new.bwiza.com\/2018\/10\/18\/perezida-nkurunziza-arahamya-ko-ibitero-bigabwa-i-burundi-bituruka-mu-rwanda\/"},"modified":"2025-02-12T13:52:07","modified_gmt":"2025-02-12T11:52:07","slug":"perezida-nkurunziza-arahamya-ko-ibitero-bigabwa-i-burundi-bituruka-mu-rwanda","status":"publish","type":"post","link":"https:\/\/bwiza.com\/?p=12214","title":{"rendered":"Perezida Nkurunziza arahamya ko ibitero bigabwa i Burundi bituruka mu Rwanda"},"content":{"rendered":"

Perezida Nkurunziza w\u2019u Burundi arasaba inzego z\u2019umutekano gukaza umutekano ku mupaka w\u2019u Rwanda n\u2019u Burundi, avuga ko ibitero bitandukanye byagabwe ku butaka bwabo, bituruka ku bw\u2019u Rwanda.<\/em> <\/strong> <\/p>\n

Ubwo yatangizaga ku mugaragaro ibikorwa by\u2019ubucukuzi bw\u2019amabuye y\u2019agaciro ku wa Mbere tariki ya 8 Ukwakira 2018, mu Ntara ya Muyinga, Site ya Masaka, muri Komini Butihinda, Perezida Nkurunziza yasabye inzego z\u2019umutekano kurikanura.<\/p>\n

\"\"Intara ya Muyinga Perezida Nkurunziza yavugiyemo ko ibitero bigabwa i Burundi bituruka mu Rwanda, ni imwe mu Ntara eshanu z\u2019u Burundi (Cibitoke, Kayanza, Ngozi na Kirundo) zikora ku mupaka w\u2019ibi bihugu byombi, abahatuye akaba aribo asaba ku ikubitiro kuba maso.<\/p>\n

Yagize ati \u201cAbanya-Muyinga ni mwebwe mwegereye ahangaha, uko muhora mwirindiye umutekano,\u2026 abanzi ntabwo bifuza ko mutera imbere, mubimenye, mwarabonye ibyo twabonye 2014, mu 2015 twarabibonye, 2016 twarabibonye, ntiduca ku ruhande mu Rwanda murahazi, hari n\u2019abateye baciye mu Cibitoke, abateye baciye mu Kabarore n\u2019ejo bundi baciye muri Congo, bamennye amaraso harya\u2026, barya bose bavaga mu Rwanda\u201d.<\/p>\n

Perezida Nkurunziza arakomeza asaba inzego z\u2019umutekano kongera imbaraga mu cyo yise \u2018bwikube inshuro zirindwi gusumba uko zakoraga\u2019 kugira ngo zihagarike ibyo bitero yita ibituruka mu Rwanda.<\/p>\n

Ati \u201cBisabwa rero ko uno munsi, amakomite y\u2019umutekano muyakomeza, akore inshuro zirindwi kurusha uko mwakoraga, muzitire ibyuho byose umwanzi yameneramo kuko duteye imbere ntabwo anezerwa, namaze kubibona, komite z\u2019umutekano, igisirikare, igipolisi,\u2026 guhera uno munsi cyane cyane muri kano karere no ku mbibi zose, cyane cyane urubibi u Burundi buhana n\u2019u Rwanda na Congo, muhashyire ingufu inshuro zirindwi gusumba izari zihari\u201d.<\/p>\n

Arakomeza abatangariza ko imbere h\u2019u Burundi ari heza by\u2019umwihariko ko bagomba kuba maso, bakamenya ahari icyuho hose ngo umwanzi yacamo.<\/p>\n

Mu gihe Leta y\u2019u Rwanda ntacyo yari yavuga kuri ibi Perezida Nkurunziza arushinja, kuva mu mwaka wa 2015, ubwo imvururu zishingiye kuri politiki zatangiraga muri iki gihugu, Leta y\u2019u Burundi yagiye ishinja u Rwanda kuziba inyuma.<\/p>\n

Izi mvururu zari zakuruwe n\u2019ukwiyamamaza kuri manda ya Gatatu kwa Nkurunziza abaturage batavugagaho rumwe, uko imyigaragambyo yabaga, bamwe barishwe, abandi barafungwa, ibihumbi by\u2019abaturage birahunga.<\/p>\n

Leta y\u2019u Burundi mu gihe yatungaga agatoki u Rwanda, abayobozi batandukanye bw\u2019u Rwanda bagiye babihakana bivuye inyuma, ko nta nyungu n\u2019imwe u Rwanda rwakura mu guhungabanya umutekano wabwo nk\u2019igihugu cy\u2019igituranyi.<\/p>\n

[penci_related_posts taxonomies=”undefined” title=”Inline Related Posts” background=”” border=”” thumbright=”no” number=”4″ style=”grid” align=”none” displayby=”recent_posts” orderby=”random”]<\/p>\n

\n
\"YouTube