Guhera kuwa 01 Mutarama mu mwaka utaha wa 2019 igihugu cya Mauritania ntikizongera kungukira mu gukorana ubucuruzi na Leta Zunze Ubumwe za Amerika binyuze muri AGOA, nyuma y\u2019aho Perezida Trump afatiye iki cyemezo ashinja iki gihugu kudatera intambwe mu bijyanye no kurwanya ubucakara.<\/p>\n
Amasezerano y\u2019ubucuruzi hagati ya Afurika na Leta Zunze Ubumwe za Amerika azwi nka AGOA yashyizweho mu 2000 ariko Mauritania iza kuyinjiramo nyuma y\u2019imyaka 7, aho iki gihugu cyabashaga kohereza ibicuruzwa byacyo ku giciro cyiza kidaciwe imisoro muri Amerika by\u2019umwihariko kikaba muri iyi myaka cyoherezaga ibitera ingufu ku bwinshi.<\/p>\n
Iki gihugu cya Mauritania ariko ngo kikaba cyakurikiranirwaga hafi ku kibazo cy\u2019ubucakara nk\u2019uko iyi nkuru dukesha RFI ivuga. Ubucakara muri iki gihugu ngo bwaciwe mu 1981 ariko amategeko abuhana agiyeho vuba kandi haracyari ibihumbi byinshi by\u2019abantu babubayemo.<\/p>\n
Mu ibaruwa yageneye kongere ya Leta Zunze Ubumwe za Amerika asobanuramo icyemezo cye cyo kwirukana Mauritania muri AGOA, Perezida Donald Trump yakomoje ku bucakara busa nk\u2019aho buhererekanwa ndetse avuga ko Mauritania ishobora kugarurwa muri aya masezerano niyisubira nk\u2019uko byigeze kugenda ku bihugu nka Swaziland na Gambia mu mwaka ushize.<\/p>\n
Iyi nkuru ikaba ivuga ko Mauritania atari cyo gihugu cya mbere gihagaritswe na Leta Zunze Ubumwe za Amerika zikunze kwifashisha aya masezerano mu gushyira igitutu ku bihugu bya Afurika. Gusa mu gihugu nka Mauritani ngo abaharanira uburenganzira bwa muntu bakomeje gufungwa ngo kirasabwa kwerekana iterambere rifatika.<\/p>\n
Hakaba hari hashize umwaka ngo itsinda ry\u2019abaharanira uburenganzira bwa muntu baturutse muri Amerika batumiwe n\u2019umuryango utegamiye kuri leta urwanya ubucakara, SOS Esclavages Mauritanie, ariko bagera ku kibuga cy\u2019indege cya Nouakchott bagasubizwa inyuma.<\/p>\n
Mu mpera za Nyakanga Perezida wa Leta zunze ubumwe z\u2019Amerika, Donald Trump, yari aherutse gufata icyemezo cyo guhagarika amahirwe yo kudasora imyambaro n\u2019inkweto bituruka mu Rwanda byari bifite ku isoko ry\u2019Amerika mu rwego rw\u2019aya masezerano y\u2019ubucuruzi ya AGOA.<\/p>\n
Ni nyuma y\u2019aho u Rwanda rufatiye icyemezo cyo kongerera imisoro imyenda n\u2019inkweto bya caguwa biva muri Leta Zunze Ubumwe za Amerika mu rwego rwo guteza imbere no guha ubushobozi ibikorerwa mu Rwanda.<\/p>\n","protected":false},"excerpt":{"rendered":"
Guhera kuwa 01 Mutarama mu mwaka utaha wa 2019 igihugu cya Mauritania ntikizongera kungukira mu gukorana ubucuruzi na Leta Zunze Ubumwe za Amerika binyuze muri AGOA, nyuma y\u2019aho Perezida Trump afatiye iki cyemezo ashinja iki gihugu kudatera intambwe mu bijyanye no kurwanya ubucakara. Amasezerano y\u2019ubucuruzi hagati ya Afurika na Leta Zunze Ubumwe za Amerika azwi […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-12470","post","type-post","status-publish","format-standard","hentry","category-politiki-rw"],"yoast_head":"\n