Ikigega, Agaciro Development Fund, kimaze kugeramo amafaranga y\u2019u Rwanda agera kuri miliyari 52.3 avuye kuri miliyari zigera kuri 20 cyatangiranye kigishingwa mu 2012.<\/p>\n
Ibi bikaba byaratangajwe mu cyumweru gishize n\u2019umuyobozi w\u2019iki kigega, Jack Kayonga mu kiganiro yagiranye na The New Times.<\/p>\n
Miliyari 52.3 ziri mu kigega Agaciro zirimo 41.8 zavuye mu misanzu itangwa muri iki kigega, mu gihe andi miliyari 10.5 ari ayavuye mu ishoramari ryakozwe n\u2019iki kigega.<\/p>\n
Abanyarwanda mu nzego zose z\u2019ubuzima n\u2019inshuti z\u2019u Rwanda bagiye batanga imisanzu muri iki kigega kuva cyashingwa na Guverinoma y\u2019u Rwanda ireba ahazaza heza h\u2019abaturage barwo.<\/p>\n
Kuva mu 2014 abashinzwe gucunga iki kigega bagiye bashora amafaranga yacyo mu rwego rwo kuyongera, ahanini bagura impapuro mvunjwafaranga (Treasury Bonds) ndetse bakanabitsa by\u2019igihe kirekire muri banki z\u2019ubucuruzi.<\/p>\n
Bwana Jack Kayonga avuga ko yishimira uko ikigega gikomeza gukura ariko agasaba Abanyarwanda gukomeza kugitangamo imisanzu ngo kirusheho gukura.<\/p>\n
Yongeyeho kandi ko abashinzwe ikigega hari imigambi itandukanye bafite ahazaza igamije gukomeza kuzamura ikigega nko kurushaho kwegera Abanyarwanda bafite akazi mu nzego zitandukanye nabo bagatanga imisanzu yabo.<\/p>\n
Mu 2013 Agaciro kabarirwaga agaciro ka miliyari 20.5 mbere yo kugera kuri miliyari 46 mu mpera z\u2019umwaka ushize .<\/p>\n
Iki kigega rero kikaba gikomeje kwitabwaho na leta igifata nk\u2019umucungamutungo mwiza w\u2019ibya rubanda ndetse ikaba iherutse no guha uburenganzira iki kigega bwo gucunga imigabane yayo iri mu bigo bigera kuri 30.<\/p>\n
Kayonga akaba yarahishuye ko imigabane myinshi ya leta iri mu bigo nka Banki ya Kigali, Kinazi Cassava Plant no mu bindi kuri ubu yashyizwe mu biganza by\u2019Agaciro Development Fund.<\/p>\n
Iki kigega kuri ubu kikaba giteganya kuzajya cyunguka miliyari 3 buri mwaka mu misanzu mishya ya buri mwaka mu gihe kizajya kinakira inyungu iri hagati y\u20199 na 10 ku ijana ku mafaranga kizajya gishora buri mwaka.<\/p>\n
Ikigega Agaciro cyashinzwe kigamije kwegeranya imisanzu izafasha igihugu kugera ku kwigira, kubasha kwirwanaho mu bihe bikomeye by\u2019ubukungu no kwihutisha intego z\u2019iterambere ry\u2019imibereho n\u2019ubukungu by\u2019Abanyarwanda.<\/p>\n
Muri Nzeri muri uyu mwaka ikigega Agaciro Development Funds kikaba cyarabaye umunyamuryango wuzuye w\u2019ihuriro mpuzamahanga ry\u2019ibigega nk\u2019ibi ryitwa International Forum of Sovereign Wealth Funds (IFSWF).<\/p>\n
\u00a0<\/p>\n","protected":false},"excerpt":{"rendered":"
Ikigega, Agaciro Development Fund, kimaze kugeramo amafaranga y\u2019u Rwanda agera kuri miliyari 52.3 avuye kuri miliyari zigera kuri 20 cyatangiranye kigishingwa mu 2012. Ibi bikaba byaratangajwe mu cyumweru gishize n\u2019umuyobozi w\u2019iki kigega, Jack Kayonga mu kiganiro yagiranye na The New Times. Miliyari 52.3 ziri mu kigega Agaciro zirimo 41.8 zavuye mu misanzu itangwa muri iki […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-12479","post","type-post","status-publish","format-standard","hentry","category-politiki-rw"],"yoast_head":"\n