Kuri uyu wa kabiri, itariki 06 Ugushyingo Urukiko rwisumbuye rwa Karongi rwasubukuye urubanza rw’impunzi z’Abanyekongo zo mu Nkambi ya Kiziba ariko bamwe mu baregwa badahari biteza impaka mu rukiko ababunganira babaza aho baburiye n’icyakozwe bamaze kubura.<\/p>\n
Iri tsinda ry’impunzi z’Abanyekongo ryagejejwe mu Rukiko Rwisumbuye rwa Korongi baregwa guteza imidugararo no gusuzugura amategeko y’igihugu cyazakiriye.<\/p>\n
Ni ibirego bifite aho bihuriye n’imvururu zabaye mu nkambi ya Kiziba no ku cyicaro cy’ishami ry’umuryango w’abibumbye ryita ku mpunzi, HCR, mu mujyi wa Karongi mu burengerazuba bw’u Rwanda.<\/p>\n
Izi mpunzi zinubiraga ifunguro ridahagije, zashyamiranye na polisi, abagera kuri 11 barahagwa abandi barakomereka.<\/p>\n
Umutekano ku rukiko wari wakajijwe bikomeye n’abapolisi, abaregwa bakabakaba 60 bakaba binjiye mu rukiko bambaye imyenda y’iroza, babiri baziritse mu ipingu rimwe.<\/p>\n
Bose baregwa ibyaha bibiri: Guteza imidugararo no gusuzugura amategeko y’igihugu cyabakiriye.<\/p>\n
Aba baregwa bagabanyijwe mu matsinda abiri: itsinda rya mbere rigizwe n’abantu 24 ariko babiri ntibagaragaye mu rukiko.<\/p>\n
Ubushinjacyaha bwavuze ko abatabonetse mu rukiko bwababuriye irengero, busaba ko bahamagazwa nk’abari ahantu hatazwi, bazakomeza kubura bakazaburanishwa badahari.<\/p>\n
Uku kubura kwa bamwe mu baregwa kwakuruye impaka ndende mu rukiko. Abunganira abaregwa basabye ibisobanuro ku buryo aba babuze, igihe baburiye n’icyo ubushinjacyaha bwakoze bumaze kubabura.<\/p>\n
Nta byinshi byasobanuwe n’ubushinjacyaha kuri iki kibazo uretse kuvuga ko batabonetse mu nkambi ubwo bari bagiye gutabwa muri yombi.<\/p>\n
Abanyamategeko Gilbert Ndayambaje na Sebaziga Sophonie bunganira abaregwa, basabye ko urubanza rwakomeza hakaburanishwa abageze mu rukiko, ababuze bakazahabwa igihe cyabo mu gihe baba babonetse.<\/p>\n
Icyifuzo cyo kubaburanisha ukubiri ariko nticyashyigikiwe n’umucamanza wemeje ko agiye kubahamagaza ahatazwi, abaregwa bakazagaruka mu rukiko nyuma y’ukwezi nk’uko iyi nkuru dukesha BBC ikomeza ivuga.<\/p>\n
Itsinda rya kabiri ryo ryari rigizwe n’abantu 33. Byabanje kugorana ko batangira kuburanishwa kuko umucamanza yavuze ko batashoboye guhuzwa n’ababunganira mu buryo bushya bw’ikoranabuhanga rikoreshwa mu manza zo mu Rwanda.<\/p>\n
Ikibazo kivuye mu nzira, umucamanza yavuze ko iri tsinda rigomba kuburanira mu muhezo kuko abaregwa barimo abana.<\/p>\n
Aba baregwa bakabakaba 60 batangiye gutabwa muri yombi mu ntangiro y’umwaka. Ifatwa ryabo ryakurikiye ubushyamirane bwabaye hagati ya zimwe mu mpunzi n’igipolisi.<\/p>\n
Izi mpunzi zari zakambitse ku cyicaro cya HCR zisaba kongererwa ibiribwa zihabwa bitashoboka zikemererwa gusubira mu burasirazuba bwa Kongo aho zikomoka.<\/p>\n
Icyuka cyaje kuba kibi cyane hagati y’impunzi n’igipolisi cyaje gufata umwanzuro wo kuzimishaho ibyuka biryana mu maso ndetse impunzi zikemeza ko zanarashweho amasasu nyayo.<\/p>\n
Ubu bushyamirane bwahosheje buhitanye abagera kuri 11 mu mpunzi nkuko byemezwa na polisi gusa impunzi zo zikemeza ko umubare w’abapfuye uri hejuru y’utangazwa na polisi.<\/p>\n","protected":false},"excerpt":{"rendered":"
Kuri uyu wa kabiri, itariki 06 Ugushyingo Urukiko rwisumbuye rwa Karongi rwasubukuye urubanza rw’impunzi z’Abanyekongo zo mu Nkambi ya Kiziba ariko bamwe mu baregwa badahari biteza impaka mu rukiko ababunganira babaza aho baburiye n’icyakozwe bamaze kubura. Iri tsinda ry’impunzi z’Abanyekongo ryagejejwe mu Rukiko Rwisumbuye rwa Korongi baregwa guteza imidugararo no gusuzugura amategeko y’igihugu cyazakiriye. Ni […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-12506","post","type-post","status-publish","format-standard","hentry","category-politiki-rw"],"yoast_head":"\n