Perezida w\u2019u Burundi, Pierre Nkurunziza yohereje intumwa zigizwe n\u2019abayobozi bakuru muri Guverinoma mu gihugu cya Uganda zishyiriye ubutumwa budasanzwe Perezida Yoweri Museveni wakiriye izi ntumwa mu ngoro ye I Entebbe. Ni mu gihe ibi bihugu byombi biherutse kuvugwaho na none ubufatanye bugamije gushyigikira abashaka guhungabanya umutekano w\u2019u Rwanda.<\/p>\n
Ibi bije nyuma y\u2019umunsi umwe Perezida Museveni atangaje ko u Burundi bukeneye Itegeko Nshinga rishya mu rwego rwo gusiza inzira yo gucyura impunzi no gukomeza gushaka uko igihugu cyatekana muri politiki.<\/p>\n
Itangazo rigenewe itangazamakuru ryashyizwe ahagaragara na perezidansi ya Uganda rikaba rigira riti: \u201c Perezida Museveni yakiriye ubutumwa budasanzwe buvuye kuri Perezida Nkurunziza w\u2019u Burundi<\/em> .\u201d<\/p>\n Ubu butumwa bwashyikirijwe Perezida Museveni kuri uyu wa kane, itariki 22 Ugushyingo na Minisitiri w\u2019Ububanyi n\u2019Amahanga w\u2019u Burundi, Ezechiel Nibigira.<\/p>\n Uyu muminisitiri yari aherekejwe na Ambasaderi w\u2019u Burundi muri Uganda, Jean Bosco Barege, Umunyamabanga Mukuru w\u2019ishyaka CNDD-FDD, Evariste Ndayishimiye n\u2019uwitwa Emmanuel Manirakira.<\/p>\n Urubuga Chimpreports dukesha iyi nkuru rukaba ruvuga ko hataramenyekana ibikubiye muri ubu butumwa bwa Perezida Nkurunziza kuri mugenzi we wa Uganda.<\/p>\n Ubwo yari amaze kwakira raporo y\u2019umuhuza Benjamin Mkapa ku nzira y\u2019ibiganiro hagati ya Guverinoma y\u2019u Burundi n\u2019batavuga rumwe nayo, kuwa 20 Ugushyingo Museveni yagize ati: \u201c U Burundi bukwiye kubaka itegeko nshinga rishya rishobora kuzana umutekano no kurinda abaturage bose hariya kugirango Abarundi basubire iwabo kandi babashe kubaho mu mahoro<\/em> .\u201d<\/p>\n Perezida Museveni yakomeje avuga ko nta rusimbi rukwiye kuba mu myanzuro ya politiki y\u2019u Burundi.<\/p>\n Iyi nkuru ikomeza ivuga ko Perezida Museveni akomeje gufata u Burundi nka kimwe mu bihugu byakwizeza umutekano Uganda.<\/p>\n Museveni ngo akaba yaragize uruhare runini mu gufasha Perezida Nkurunziza kurokoka guhirikwa ku butegetsi kwari kwamuteguriwe mu 2015.<\/p>\n Bivugwa ko uwahoze ari Perezida w\u2019u Burundi, Col. Jean Baptiste bagaza yafashije inyeshyamba zo mu mutwe wa Museveni, NRA, abaha ibikoresho ubwo barwanaga n\u2019ubutegetsi bwa Idi Amin na Obote.<\/p>\n Kuwa 07 Kamena nibwo u Burundi bwatoye itegeko nshinga rishya ku majwi 73% muri Kamarampaka yabaye kuwa 17 Gicurasi.<\/p>\n Perezida Nkurunziza yavuze ko atazongera guhatanira indi manda mu matora yo mu 2020 ndetse yizeza kuzashyigikira uzamusimbura.<\/p>\n Dusubiye inyuma gato, mu minsi ishize nibwo havuzwe ko Uganda n\u2019u Burundi byaba byariyemeje gufatanya gushyigikira abashaka guhungabanya umutekano w\u2019u Rwanda.<\/p>\n Aya makuru yatangajwe n\u2019urubuga Virungapost yavugaga ko kuri ubu u Burundi na Uganda byatangiye ubufatanye bwimbitse bwo gushyigikira agatsiko kwose k\u2019abanyabyaha katangiza ku mugaragaro intambara ku Rwanda, aho bivugwa ko mu gihe ibi bihugu byombi bisanzwe bivugwaho gukorana bya hafi na Kayumba Nyamwasa wa RNC, kuri ubu byatangiye no gufatanya gushyigikira umutwe w\u2019inyeshyamba wa Paul Rusesabagina.<\/p>\n