Guverinoma ya Uganda iravuga ko nta migambi yihutirwa ifite yo gusubiza impunzi z\u2019Abanyarwanda mu gihugu cyazo gifatwa nk\u2019igitekanye kuri ubu nk\u2019uko byatangajwe n\u2019abayobozi.<\/p>\n
Minisitiri ushinzwe kurwanya Ibiza ushinzwe n\u2019ibibazo by\u2019impunzi mu nshingano ze, Eng. Hilary Onek (uri ku ifoto), yanyomoje amakuru yatangajwe muri iki cyumweru ko Guverinoma itegura gukuraho status y\u2019ubuhunzi ku Banyarwanda bahungiye muri Uganda.<\/p>\n
Itangazamakuru rikaba ryarakomoje ku nama abadepite ba EAC bari muri komite ishinzwe ibibazo byo mu karere no gucyemura amakimbirane bagiranye na minisitiri Ruhakana Rugunda n\u2019abandi barebwa n\u2019ibibazo by\u2019impunzi.<\/p>\n
Muri iyi nama, Guverinoma ya Uganda yasabwe gusobanura impamvu igihugu gikomeje kugumana impunzi z\u2019Abanyarwanda nyamara aho zituruka hatekanye kandi igihugu kiri kwihuta mu iterambere.<\/p>\n
Minisitiri Onek ariko mu itangazo ryashyizwe ahagaragara yasobanuye ko Uganda ititeguye muri aka kanya gusubiza iwabo impunzi z\u2019Abanyarwanda, zirimo izimaze imyaka isaga 20, mu gihe ngo hari n\u2019izindi zikomeje kuhasaba ubuhungiro.<\/p>\n
Minisitiri Onek ati: \u201c Ntabwo ari byo gutangaza ko Uganda yiteguye kwirukana cyangwa gufunga status y\u2019impunzi ku mpunzi zose z\u2019Abanyarwanda.<\/em> \u201d<\/p>\n Yashimangiye ko Uganda yubahiriza amategeko mpuzamahanga agenga impunzi nk\u2019ibiteganywa n\u2019ingingo ya 33 y\u2019amasezerano y\u2019Umuryango w\u2019Abibumbye agenga impunzi yo mu 1951, ibuza kwirukana cyangwa gusubiza impunzi ku mipaka y\u2019ibihugu ubuzima bwazo bushobora kujya mu kaga.<\/p>\n Iyi nkuru ya Chimpreports irakomeza ivuga ko ibi biri kuvugwa mu gihe Uganda yakagombye kuba mu ntangiriro z\u2019uyu mwaka yaratangiye gukuraho status y\u2019impunzi ku bihumbi by\u2019Abanyarwanda bahungiye muri iki gihugu nk\u2019uko byasabwe na HCR itangaza Cessation clause ku mpunzi z\u2019Abanyarwanda.<\/p>\n Iyi cessation clause yagombaga gutangira kubahirizwa kuwa 01 Mutarama 2018, yavugaga ko Abanyarwanda bose bahunze kuva mu 1959 kugeza mu 1998 bakurirwaho status y\u2019ubuhunzi ndetse ntibongere kurindwa nk\u2019impunzi kubera impinduka zimaze igihe zikorwa mu gihugu zavuyemo.<\/p>\n Muri Uganda, Abanyarwanda barebwa n\u2019iki cyemezo (abahahungiye kuva mu 1959 kugeza mu 1998) ni 4,000 gusa mu gihe habarirwa impunzi z\u2019Abanyarwanda 14,313.<\/p>\n Minisitiri Onek akaba yavuze ko Uganda itashyize mu bikorwa iki cyemezo cyo gukuraho status y\u2019ubuhunzi ku Banyarwanda kubera impamvu zitandukanye bagejeje kuri HCR.<\/p>\n Impamvu ya mbere batanze, ngo ni uko Uganda kuri ubu idafite uburyo bwo guha indi status yemewe n\u2019amategeko bamwe mu Banyarwanda baba batifuza gusubira mu gihugu cyabo.<\/p>\n Yavuze ko ibiteganywa n\u2019itegeko nshinga n\u2019amategeko arebana n\u2019abinjira n\u2019abasohoka bitifuzwa cyane ku mpunzi, ahubwo inzira yonyine ari ukuziha ubwenegihugu nk\u2019uko biteganywa n\u2019ingingo ya 16 y\u2019amategeko ariho agenga abinjira n\u2019abasohoka.<\/p>\n Icya kabiri, ngo Uganda ntiragenzura ngo imenye muri aba niba hari abagikeneye kurindwa n\u2019amategeko mpuzamahanga. Ngo nihamara kumenyekana abazaba barebwa n\u2019amategeko agenga abinjira n\u2019abasohoka hakamenyekana status bahabwa nibwo hazashakwa umuti urambye ku bandi barebwa n\u2019icyemezo cyo gukurirwaho ubuhunzi.<\/p>\n Iyi nkuru irakomeza ivuga ko benshi mu Banyarwanda bahungiye muri Uganda bamaze imyaka batagaragaza ubushake bwo gusubira mu Rwanda.<\/p>\n Havugwa ko mu 2003 Guverinoma ya Uganda, iy\u2019u Rwanda na HCR byasinye amasezerano yo gucyura impunzi z\u2019Abanyarwanda ziri muri Uganda ku bushake, ariko ngo muri aya masezerano abemeye gutaha ni 850 bonyine.<\/p>\n \u00a0<\/p>\n","protected":false},"excerpt":{"rendered":" Guverinoma ya Uganda iravuga ko nta migambi yihutirwa ifite yo gusubiza impunzi z\u2019Abanyarwanda mu gihugu cyazo gifatwa nk\u2019igitekanye kuri ubu nk\u2019uko byatangajwe n\u2019abayobozi. Minisitiri ushinzwe kurwanya Ibiza ushinzwe n\u2019ibibazo by\u2019impunzi mu nshingano ze, Eng. Hilary Onek (uri ku ifoto), yanyomoje amakuru yatangajwe muri iki cyumweru ko Guverinoma itegura gukuraho status y\u2019ubuhunzi ku Banyarwanda bahungiye muri […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-12753","post","type-post","status-publish","format-standard","hentry","category-politiki-rw"],"yoast_head":"\n