![\"\"](\"https:\/\/bwiza.com\/wp-content\/uploads\/2018\/12\/Capture-23-1.png\")
<\/p>\nNyuma y\u2019aho umwe mu bagize Sena ya Leta Zunze Ubumwe za Amerika, \u00a0Dick Durbin asabiye\u00a0Leta y\u2019u Rwanda kurekura Diane Rwigara na nyina umubyara Adeline Rwigara, kuri ubu komisiyo ishinzwe uburenganzira bwa muntu mu nteko ishinga amategeko yahamagariye abantu kwitabira kuri uyu wa Kabiri, itariki 04 Ukuboza ikiganiro kigaruka ku burenganzira bwa muntu mu Rwanda. Ni ikiganiro kiza kugaragaramo umukobwa wa Frank Rusagara witwa Veronica Shandari.<\/p>\n
Mu itangazo rigaragara ku rubuga rw\u2019iyi komisiyo, izwi nka Tom Lantos Human Rights Commission (TLHRC),\u00a0https:\/\/humanrightscommission.house.gov , rihamagarira abantu kwitabira iki kiganiro, haravugwamo ko u Rwanda ruyobowe na Perezida Paul Kagame na RPF kuva mu 1994 kuva Jenoside yakorewe Abatutsi yarangira, rukaba rwarateye intambwe igaragara mu mibereho no mu bukungu, guverinoma ikaba yarageze kuri byinshi mu guteza imbere ubuzima, guteza imbere ubuhinzi, ishoramari no kongera umubare w\u2019abagore bitabira politiki, ariko ngo hakaba hari ibindi byo kunengwa.<\/p>\n
Iri tangazo rikavuga ko mu myaka myinshi ishize imiryango itandukanye y\u2019uburenganzira bwa muntu yaba mu gihugu no hanze, yakomeje kugaragaza ko ubutegetsi buriho bwibasira abatavuga rumwe nabwo ndetse bukabangamira uburenganzira bwo gutangaza icyo umuntu ashaka.<\/p>\n
Rivuga ko Guverinoma y\u2019u Rwanda yitambitse serivisi z\u2019itangazamakuru n\u2019imbuga zikorera hanze y\u2019igihugu, igenzura imbuga nkoranyambaga, iha uburenganzira abayobozi bwo kumviriza ibiganiro by\u2019abantu n\u2019ibindi..<\/p>\n
Itangazo rikomeza rivuga ko abayobozi b\u2019abatavuga rumwe n\u2019ubutegetsi benshi batawe muri yombi bagakatirwa igifungo kirekire, ndetse abo mu miryango yabo ya hafi, abakozi babo, n\u2019abo bakorana bisanga nabo bafunzwe binyuranyije n\u2019amategeko.<\/p>\n
<\/p>\n
Itangazo rikavuga ko muri iki kiganiro hongera kurebwa ibijyanye n\u2019ihonyorwa ry\u2019uburenganzira bwa muntu mu Rwanda, ndetse Guverinoma ya Leta Zunze Ubumwe za Amerika igashyikirizwa imyanzuro.<\/p>\n
Mu bantu biteganyijwe ko bagira icyo bavuga cyangwa batanga ibisobanuro muri iki kiganiro harimo, Adotei Akwei, wo muri Amnesty International USA, Kate Barth, Umuyobozi wa Freedom Now, ndetse n\u2019umukobwa wa Frank Rusagara, Veronica Shandari.<\/p>\n
Ikiganiro kiraba gihagarariwe na Alexis Arief, impuguke mu bibazo bya Afurika muri serivisi z\u2019ubushakashatsi mu nteko, kibe kuri uyu wa Kabiri, itariki 04 Ukuboza ku isaha ya saa 2:30pm muri Amerika (saa 9:30pm zo mu Rwanda).<\/p>\n
Mu gihe bimeze gutya, umunyamabanga wa leta muri minisiteri y\u2019ububanyi n\u2019amahanga y\u2019u Rwanda, Amb. Olivier Nduhungirehe aherutse kwibaza uburyo abasenateri bifata bagatabariza Diane Rwigara mu gihe ku zindi ngingo z\u2019ubuzima bw\u2019igihugu cy\u2019u Rwanda baba bicecekeye.<\/p>\n
Abinyujije ku rukuta rwe rwa twitter, Nduhungirehe yavuze ko ibyakozwe n\u2019aba basenateri byatuma umuntu yibaza byinshi.<\/p>\n
Ati \u201c N\u2019uko umunsi umwe mu Gushyingo, abasenateri bo muri kongere ya Amerika barifata bitunguranye, ku nshuro ya mbere bagira icyo bavuga ku Rwanda kuri twitter. Nta kindi kintu bari barigeze bavugaho bagaragaza nk\u2019ubufatanye mu kwibuka cyangwa se basaba itabwa muri yombi ry\u2019abajenosideri baba muri Amerika<\/em> !\u201d<\/p>\n Amb. Nduhungirehe yongeyeho ko niba \u00a0ubuvugizi bwa Amerika ari aha bugeze bwaba bugeze aharindimuka.<\/p>\n Ati \u201c Ubuvugizi bwa Amerika bugeze ahabi cyane<\/em> \u201d. \u00a0Ni mbere yo kongeraho hashtag ya \u2018#DirtyMoney\u2019 (bisobanuye amafaranga yanduye cyangwa yabonetse mu nzira mbi).<\/p>\n \u00a0<\/p>\n \u00a0<\/p>\n \u00a0<\/p>\n","protected":false},"excerpt":{"rendered":" Nyuma y\u2019aho umwe mu bagize Sena ya Leta Zunze Ubumwe za Amerika, \u00a0Dick Durbin asabiye\u00a0Leta y\u2019u Rwanda kurekura Diane Rwigara na nyina umubyara Adeline Rwigara, kuri ubu komisiyo ishinzwe uburenganzira bwa muntu mu nteko ishinga amategeko yahamagariye abantu kwitabira kuri uyu wa Kabiri, itariki 04 Ukuboza ikiganiro kigaruka ku burenganzira bwa muntu mu Rwanda. Ni […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-12904","post","type-post","status-publish","format-standard","hentry","category-amakuru-rw"],"yoast_head":"\n![\"\"](\"https:\/\/bwiza.com\/wp-content\/uploads\/2018\/12\/Capture-1.png\")
<\/p>\n