Polisi ikorera\u00a0 mu karere ka Kicukiro ku makuru yahawe n\u2019abaturage yafashe umugabo ukekwaho gukora amafaranga y\u2019amahimbano y\u2019ibihugu bitandukanye agizwe n\u2019amanyarwanda, amadorari y\u2019Amerika ndetse n\u2019amashilingi ya Uganda.<\/p>\n
Munyehirwe Eliezel w\u2019imyaka 29 y\u2019amavuko utuye mu murenge wa Gahanga akagari ka Gahanga yafashwe mu masaha ya saa 02:30 z\u2019ijoro rishyira kuri uyu wa kabiri tariki ya 4 Ugushyingo, ubwo Polisi yahabwaga amakuru ko akora amafaranga y\u2019amiganano ndetse ngo akaba ashobora no kuba ayakwirakwiza mu baturage.<\/p>\n
Umuvugizi wa polisi mu mujyi wa Kigali Chief Inspector of Police (CIP) Emmanuel Kayigi yavuze ko hari amafaranga y\u2019amahimbano bafatiye mu rugo rwa Munyehirwe n\u2019ibindi bikoresho yifashisha ayakora.<\/p>\n
Yagize ati \u201cTukimara kubwirwa amakuru twagiye kumusaka, tumusangana amashilingi ya Uganda 220.000, amafaranga y\u2019u Rwanda ibihumbi 10 n\u2019amadorari y\u2019Amerika 100 yose y\u2019amiganano.\u201d<\/p>\n
Amafaranya y\u2019amahimbano uyu mugabo yafatanwe yari agizwe n\u2019inoti esheshatu (6) z\u2019ibihumbi 20 n\u2019ebyiri (2) z\u2019ibihumbi 50 zose z\u2019amashilingi ya Uganda, inoti imwe y\u2019ijana (100$) y\u2019amadorari y\u2019Amerika ndetse n\u2019inoti ebyiri za 5000 y\u2019amanyarwanda.<\/p>\n
CIP Kayigi yavuze ko hari n\u2019ibindi bahasanze Munyehirwe yifashisha yigana inoti z\u2019ibihugu bitandukanye.<\/p>\n
Ati \u201cMu bindi, twanahasanze amarangi yifashisha ahindura ibara ry\u2019amafaranga ashaka kwigana. Imashini yifashisha yo twasanze ngo hari imodoko yari imaze kuyitwara, ubu nayo turacyayishakisha ngo turebe ko yafatwa.\u201d<\/p>\n
Yasabye abaturage gushishoza bakamenya gutandukanya amafaranga yemewe n\u2019amategeko n\u2019ay\u2019amiganano kandi aho bagize urujijo bagatanga amakuru ku nzego zishinzwe umutekano kuko gukwirakwiza amafaranga y\u2019amiganano bigira ingaruka nyinshi.<\/p>\n
Ati \u201cAbaturage bakwiye kurangwa n\u2019ubushishozi ku buryo gutandukanya amafaranga y\u2019umwimerere n\u2019ay\u2019amiganano biborohera kandi aho bagize amakenga bakitabaza izindi nzego kuko gukwirakwiza amafaranga y\u2019amahimbano bisubiza inyuma ubukungu bw\u2019igihugu, ifaranga ry\u2019umwimerere rigata agaciro\u00a0 karyo.\u201d<\/p>\n
CIP Kayigi yibutsa buri wese kugira uruhare mu kubungabunga umutekano w\u2019ifaranga ry\u2019igihugu aririnda gutakaza agaciro biturutse ku ikwirakwira ry\u2019amafaranga y\u2019amahimbano, agasaba abaturage kurushaho gutanga amakuru ku bigana amafaranga.<\/p>\n
Ingingo ya 269 mu gitabo cy\u2019amategeko ahana ibyaha mu Rwanda iteganya ko umuntu wese, ku bw\u2019uburiganya wigana, uhindura amafaranga y\u2019ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k\u2019amafaranga y\u2019igihugu zashyizweho umukono n\u2019inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n\u2019izo noti azi ko ziganywe cyangwa ko zahinduwe, aba akoze icyaha. Iyo abihamijwe n\u2019urukiko, ahanishwa igifungo kitari munsi y\u2019imyaka itanu (5) ariko kitarenze imyaka irindwi(7).<\/p>\n
\u00a0<\/p>\n","protected":false},"excerpt":{"rendered":"
Polisi ikorera\u00a0 mu karere ka Kicukiro ku makuru yahawe n\u2019abaturage yafashe umugabo ukekwaho gukora amafaranga y\u2019amahimbano y\u2019ibihugu bitandukanye agizwe n\u2019amanyarwanda, amadorari y\u2019Amerika ndetse n\u2019amashilingi ya Uganda. Munyehirwe Eliezel w\u2019imyaka 29 y\u2019amavuko utuye mu murenge wa Gahanga akagari ka Gahanga yafashwe mu masaha ya saa 02:30 z\u2019ijoro rishyira kuri uyu wa kabiri tariki ya 4 Ugushyingo, […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-12909","post","type-post","status-publish","format-standard","hentry","category-politiki-rw"],"yoast_head":"\n