Kuri uyu wa Gatanu, itariki 14 Ukuboza mu gihugu cya Uganda hazerekanwa bwa mbere filimi ivuga kuri Jenoside yakorewe Abatutsi mu Rwanda yiswe 94 Terror izerekanirwa i Kampala, muri Theater La\u2019bonita ahazaba hari n\u2019itapi itukura izaba inyuraho ibyamamare bizajya kwihera ijisho iyi filimi.<\/p>\n
Ni filimi yashowemo amafaranga ndetse iyoborwa na Mulindwa Richard, igaruka ku mateka ya jenoside n\u2019urugamba rwo kurokora amagara nyuma y\u2019ihanurwa ry\u2019indege yari itwaye Perezida Juvenal Habyarimana ryabaye imbarutso y\u2019aya mahano ndengakamere amwe mu yakomeye yaranze ikinyejana cya 20.<\/p>\n
Muri iyi filimi hagaragarmo uwitwa Ninsiima Ronah ukina yitwa Keza, wabuze umuryango we wose wiciwe mu maso ye ariko akabasha guca mu myanya y\u2019intoki z\u2019abicanyi abifashijwemo n\u2019inshuti ze zirimo Shema (Mateega Smith), uba ari Umuhutu, na Mutesi (Agaba Joan) uba ari Umututsi n\u2019abandi.<\/p>\n
Aba bafatanya kunyura mu nzira y\u2019umusaraba mu bihuru bakabasha gusohoka mu Rwanda ari bazima nk\u2019uko iyi filimi yateguwe.<\/p>\n