Nyuma y\u2019umwuka utari mwiza umaze iminsi uvugwa hagati y\u2019u Rwanda na Afurika y\u2019Epfo ishinja abayobozi b\u2019u Rwanda ndetse na kimwe muu binyamakuru bihakorera kumutuka, kuri ubu iki gihugu kiravuga ko kikifuza gusubiza mu buryo imibanire y\u2019ibihugu byombi nubwo u Rwanda ngo rutateye intambwe ngo ruhane Umunyamabanga wa leta muri minisiteri y\u2019ububanyi n\u2019amahanga, Olivier Nduhungirehe ndetse n\u2019icyo kinyamakuru.<\/p>\n
Ikinyamakuru Rushyashya cyandikirwa mu Rwanda gishinjwa na Afurika y\u2019Epfo kuba cyarise minisitiri w\u2019ububanyi n\u2019amahanga wa Afurika y\u2019Epfo, Lindiwe Sisulu, inshoreke ya Kayumba Nyamwasa wigeze kuba umugaba w\u2019ingabo z\u2019u Rwanda kuri ubu ubarizwa mu buhungiro muri Afurika y\u2019Epfo. Bavuga ko inkuru y\u2019iki kinyamakuru yamaze amasaha 6 ku rubuga mbere yo gukurwaho.<\/p>\n
Ubwo minisitiri Sisulu yagiraga icyo avuga kuri ibi yagize ati: \u201c Niba umuntu w\u2019ingenzi mu Rwanda ashobora gutuka minisitiri w\u2019ububanyi n\u2019amahanga wa Afurika y\u2019Epfo, ni nde wundi bashobora gutuka<\/em> ?\u201d<\/p>\n Yakomeje agira ati: \u201c Iyo nza kuba umugabo, ntabwo bari kunyita indaya<\/em> .\u201d<\/p>\n Umuvugizi wa Sisulu, Ndivhuwo Mabaya nawe yashinje umunyamabanga wa leta muri minisiteri y\u2019ububanyi n\u2019amahanga y\u2019u Rwanda kwibasira minisitiri Sisulu kuko ari umugore, ati: \u201c Kandi nta wamuhagaritse<\/em> \u201d<\/p>\n Mu kiganiro yahaye ikinyamakuru Independent dukesha iyi nkuru Mabaya yagize ati: \u201c Kuba turi mu nzira yo gusubiza mu buryo imibanire n\u2019u Rwanda, umuntu yakwiteze ko minisitiri w\u2019ububanyi n\u2019amahanga w\u2019u Rwanda yakabaye yararegeye Perezida Kagame imyitwarire y\u2019umunyamabanga wa leta kubwa Sisulu.<\/em> \u201d<\/p>\n Iki kinyamakuru kivuga ko nyuma y\u2019ibyavuzwe kuri minisitiri Sisulu, ngo hagaragaye izindi twit kuri konti z\u2019abashyigikiye Guverinoma y\u2019u Rwanda bashinja Sisulu kuba atitaye ku Rwanda kuko ngo yari yarashyingiranwe na nyakwigendera Prof Rok Ajulu wigeze kwandika arwanya demokarasi y\u2019u Rwanda.<\/p>\n Bwana Mabaya ariko yasubiye mu magambo ya Sisulu asubiza kuri ibi bise ibitero, aho ngo yagize ati: \u201c Maze imyaka isaga 20 ndi minisitiri, kandi sinigeze nishushanya ku Rwanda, ahubwo narengeraga ubwanjye u Rwanda muri cabinet<\/em> .\u201d<\/p>\n Mabaya yakomeje avuga ko ubwo Sisulu yagirwaga minisitiri w\u2019ububanyi n\u2019amahanga mu ntangiriro z\u2019uyu mwaka yabajije umuyobozi mukuru muri minisiteri ayoboye witwa Kgabo Mahoai ati: \u201c Ni ryari tuzasubiza mu buryo imibanire n\u2019u Rwanda<\/em> ?\u201d<\/p>\n Ngo icyarakaje u Rwanda n\u2019uguhura bitunguranye kwa Sisulu n\u2019Abanyarwanda barwanya ubutegetsi bari muri Afurika y\u2019Epfo, ubwo ngo yari yagiye kumva icyo batekereza. Asubiza ibibazo yabajijwe n\u2019itangazamakuru kuwa 12 Ugushyingo ku bimaze kugerwaho mu gusubiza mu buryo imibanire ya Afurika y\u2019Epfo n\u2019u Rwanda, Sisulu yavuze ko yabonanye na Kayumba Nyamwasa I Johannnesburg, agatungurwa no kumva Kayumba kuri ubu ufite ishyaka RNC rirwanya ubutegetsi yashingiye muri iki gihugu, yifuza kuganira ku kwiyunga n\u2019abayobozi b\u2019u Rwanda.<\/p>\n Umunyamabaga wa leta muri minisiteri y\u2019ububanyi n\u2019amahanga y\u2019u Rwanda, Ambasaderi Olivier Nduhungirehe yanenze uwo mubonano n\u2019ibyawuvuyemo, avuga ko niba Afurika y\u2019Epfo yifuza gushyikirana n\u2019abantu bahamijwe ibyaha bayoboye ibikorwa byo guhungabanya akarere yabikora ku giti cyayo, ariko idashyizemo u Rwanda.<\/p>\n Ibi Ambasaderi Nduhungirehe yatangaje akaba ari byo byateye uburakari Afurika y\u2019Epfo igatangira kumushiinja gutuka minisitiri Lindiwe Sisulu ariko mu kiganiro yahaye VOA kuri uyu wa Gatatu ushize akaba yaragaragaje kuticuza ahubwo akongeraho ko niba hari uwumvise ibi ari igitutsi yabifata uko abyumva ndetse yongera gushimangira ko u Rwanda rutazagirana imishyikirano n\u2019abo rwita abanyabyaha.<\/p>\n \u00a0<\/p>\n \u00a0<\/p>\n \u00a0<\/p>\n","protected":false},"excerpt":{"rendered":" Nyuma y\u2019umwuka utari mwiza umaze iminsi uvugwa hagati y\u2019u Rwanda na Afurika y\u2019Epfo ishinja abayobozi b\u2019u Rwanda ndetse na kimwe muu binyamakuru bihakorera kumutuka, kuri ubu iki gihugu kiravuga ko kikifuza gusubiza mu buryo imibanire y\u2019ibihugu byombi nubwo u Rwanda ngo rutateye intambwe ngo ruhane Umunyamabanga wa leta muri minisiteri y\u2019ububanyi n\u2019amahanga, Olivier Nduhungirehe ndetse […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-13063","post","type-post","status-publish","format-standard","hentry","category-amakuru-rw"],"yoast_head":"\n