Mu\u00a0 ijambo ryo gusoza umwaka Perezida Pierre Nkurunziza yagejeje ku Barundi, yongeye gushinja u Rwanda ibikorwa bigamije guhungabanya umutekano w\u2019u Burundi, ashimangira ko ibyakorwa byose bigamije gushyira igihugu cye mu kaga ntacyo bizatanga. Ku ruhande rw\u2019u Rwanda Perezida Paul Kagame nawe akaba yaratunze urutoki ibihugu 2 by\u2019ibituranyi ashinja gushaka guhungabanya u Rwanda.<\/p>\n
Mu ijambo rya Perezida Pierre Nkurunziza ryatambutse kuri Televiziyo y\u2019igihugu kuwa 01 Mutarama 2019, yavuze ko igihugu cye gikomeje guhura n\u2019imbogamizi z\u2019umutekano yavuze ko zikomoka mu Rwanda.<\/p>\n
Perezida Nkurunziza yagize ati: \u201c Hari agatsiko kitwaje intwaro kishe abantu 26 gakomeretsa abandi barindwi muri Ruhagarika, Komini Buganda, mu Ntara ya Cibitoke. Bamwe muri aba bagizi ba nabi ubu bashyikirijwe ubutabera<\/em> .\u201d<\/p>\n Yakomeje agira ati: \u201c Abakoze ibi byaha bemeye ko ari mu Rwanda buri kintu cyategurirwaga, ko ababohereje bari mu Rwanda kandi ko bavuye mu Rwanda<\/em> .\u201d<\/p>\n Ibyatangajwe na Perezida Nkurunziza w\u2019u Burundi bikaba byatangarijwe umunsi umwe n\u2019ibyatangajwe mu ijambo risoza umwaka Perezida w\u2019u Rwanda, Paul Kagame, yagejeje ku Banyarwanda abifuriza umwaka mushya muhire wa 2019, aho yavuze ko umwaka wa 2018 muri rusange warangiye neza igihugu gitekanye kandi kiri mu mahoro.<\/p>\n Umukuru w\u2019igihugu ariko ntiyabuze kongera kwikoma bimwe mu bihugu by\u2019ibituranyi yavuze ko mu mwaka ushize wa 2018 byashyigikiye abarwanya ubutegetsi bw\u2019u Rwanda.<\/p>\n Yavuze ko muri Afurika muri rusange ibintu byifashe neza ariko ko mu karere u Rwanda ruherereyemo ari ikinyuranyo. Yasobanuye ko ibyo bihugu bikomeje kugerageza gufasha kuzanzamura imitwe ya FDLR na RNC n\u2019abandi barwanya u Rwanda. Yavuze kandi ko imyifatire ya kimwe muri ibyo bihugu atavuze amazina bikomeje gufasha abamurwanya idatangaje yongeraho ko icyo kibazo kigomba gukomeza kuganirwaho.<\/p>\n Perezida Pierre Nkurunziza mu ijambo rye yanakomoje ku Barundi babaga mu Rwanda bakaza kwirukanwa havugwa ko bahaba mu buryo bunyuranyije n\u2019amategeko mu gihe harimo abavugaga ko batandukanyijwe n\u2019imiryango bari barashakanye y\u2019Abanyarwanda.<\/p>\n Aha Perezida Nkurunziza yagize ati: \u201c Sinabura ko kuvuga Abarundi 30,000 birukanwe na Guverinoma y\u2019u Rwanda bagatandukanywa n\u2019abagore babo n\u2019abana<\/em> .\u201d Yongeyeho ko aba birukanwe ngo bamaze kwamburwa ibyo bari batunze.<\/p>\n Umwuka mubi hagati y\u2019u Rwanda n\u2019u Burundi ukaba waratangiye kumvikana mu 2015 nyuma y\u2019aho Perezida Nkurunziza atangarije kuziyamamariza manda ya gatatu itaravuzweho rumwe. Imyigaragambyo yadutse I Bujumbura yaje gutuma hageragezwa guhirika ubutegetsi ntibyakunda, u Burundi bugashinja u Rwanda guha ubuhungiro abagerageje guhirika ubutegetsi.<\/p>\n Ni mu gihe u Rwanda rushinja u Burundi gufasha umutwe wa FDLR mu bijyanye n\u2019ibikoresho ndetse hakaba hari ibitero bimaze iminsi bigabwa ku butaka bw\u2019u Rwanda bikavugwa ko bikorwa n\u2019abantu bitwaje ibirwanisho baturuka mu Burundi ari naho bahungira basubiye inyuma nk\u2019uko byagiye byemezwa kenshi na minisiteri y\u2019ingabo y\u2019u Rwanda.<\/p>\n Umuntu rero arebye ukuntu umwaka wa 2018 urangiye umubano w\u2019ibihugu byombi urushaho kumera nabi aho gusubira mu buryo, ndetse abayobozi b\u2019ibihugu byombi bakaba bakomeje kwishishanya, yakwibaza niba muri uyu mwaka wa 2019 hari impinduka nziza zizaba cyangwa bizarushaho kumera nabi ku buryo ibihugu byombi byagera n\u2019aho bijya mu ntambara nk\u2019uko byakomeje kubicamo amarenga na cyane ko nta kigaragaza ko hari ubushake bwo gucyemura ibibazo biri hagati y\u2019ibihugu byombi buhari.<\/p>\n \u00a0<\/p>\n \u00a0<\/p>\n","protected":false},"excerpt":{"rendered":" Mu\u00a0 ijambo ryo gusoza umwaka Perezida Pierre Nkurunziza yagejeje ku Barundi, yongeye gushinja u Rwanda ibikorwa bigamije guhungabanya umutekano w\u2019u Burundi, ashimangira ko ibyakorwa byose bigamije gushyira igihugu cye mu kaga ntacyo bizatanga. Ku ruhande rw\u2019u Rwanda Perezida Paul Kagame nawe akaba yaratunze urutoki ibihugu 2 by\u2019ibituranyi ashinja gushaka guhungabanya u Rwanda. Mu ijambo rya […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-13315","post","type-post","status-publish","format-standard","hentry","category-politiki-rw"],"yoast_head":"\n