Muri iki gihe igihugu cy\u2019u Bushinwa gikomeje gufata ijambo muri politiki z\u2019ubukungu z\u2019ibihugu byinshi byo muri Afurika, ngo hari impamvu zimwe zishobora kuba zituma Afurika ishima gukorana n\u2019u Bushinwa kurusha ibindi bihugu by\u2019ibihangange. Ku Banyafurika, ngo u Bushinwa bufite ibintu bine birushaho gukurura Afurika: Inguzanyo idashyirwaho amananiza, kwihutisha serivisi n\u2019ibicuruzwa bihendutse, gutera inkunga ibikorwa byo kubungabunga amahoro n\u2019amahitamo y\u2019iterambere bifuza.<\/p>\n
Bwa mbere, ubufatanye bwa Afurika n\u2019u Bushinwa butagira ibyo bubanza gusaba bwatumye ibihugu byinshi bibasha kubona amafaranga yo gushora mu mishinga yabyo, ubunararibonye ndetse n\u2019inkunga y\u2019iterambere. Mu 2016 ubucuruzi hagati y\u2019u Bushinwa na Afurika bwageze kuri miliyari 128$ avuye kuri miliyari 1$ mu 1980.<\/p>\n
Mu nama hagati y\u2019u Bushinwa na Afurika (FOCAC) yabaye mu mwaka ushize uhera, u Bushinwa bwemeye miliyari 60$ zo gushora mu iterambere kugeza mu 2021. Mu gihe ibibazo by\u2019ubukungu muri Leta Zunze UUbumwe za Amerika no mu Muryango w\u2019Ubumwe bw\u2019u Burayi byagabanyije ishoramari ryabyo muri Afurika, u Bushinwa bwo bwiyemeje kurushaho kuhashora.<\/p>\n
Inguzanyo z\u2019u Bushinwa zoroshye kandi ngo zatumye guverinoma nyinshi zo muri Afurika zihunga igitutu zotswaga n\u2019ibigega Mpuzamahanga nk\u2019Ikigega Mpuzamahanga cy\u2019imari (IMF) na Banki y\u2019Isi bikunze gusaba kugendera ku mahame yo mu burengerazuba ndetse n\u2019amaniza ashingiye ku mavugurura muri politiki no mu bukungu ngo usanga ahanini aba atari mu nyungu za Afurika nk\u2019uko iyi nkuru ya Al Jazeera ikomeza ivuga.<\/p>\n
Icya kabiri, u Bushinwa bwafashije guverinoma zo muri Afurika kugera busabe bukomeje kuzamuka bw\u2019abaturage bifuza serivisi n\u2019ibikorwaremezo. Abantu benshi muri Afurika kuri ubu bakaba bamaze kumenyera itangwa rya serivisi ryihuse nko mu bwikorezi, uburezi, ubuzima n\u2019itumanaho bahabwa n\u2019ibigo by\u2019Abashinwa. Ibintu ngo bizakomeza gutera kurushaho kwifuza business z\u2019Abashinwa muri Afurika.<\/p>\n
Icya gatatu kivugwa muri iyi nkuru, ni ukuba u Bushinwa burimo kugira uruhare rufatika mu mishinga y\u2019amahoro n\u2019umutekano muri Afurika. Ingabo z\u2019u Bushinwa ziri mu butumwa bugera ku munani bwa Loni bwo kubungabunga amahoro, harimo butane bwo muri Afurika. U Bushinwa kandi nicyo gihugu cya kabiri gitanga umusanzu munini mu bikorwa byo kubungabunga amahoro bya Loni ndetse n\u2019iby\u2019umuryango wa Afurika Yunze Ubumwe nko muri Somalia no muri Sudani y\u2019Epfo binyuze muri IGAD.<\/p>\n
Icya kane, amateka y\u2019u Bushinwa y\u2019ubukungu bwazamutse byihuse ni icyitegererezo n\u2019amasomo menshi bikwiye kwigwa muri Afurika. Ubushobozi bw\u2019u Bushinwa bwo kurinda ubusugire bwabwo buracyakurura abayobozi bensi muri Afurika.<\/p>\n
Banki y\u2019Isi ivuga ko mu myaka 40 ishize u Bushinwa bwakuye mu bukene abaturage bagera muri miliyoni 800 binyuze mu nzira itari isanzwe y\u2019iterambere. U Bushinwa kandi ngo bwamaze kugera ku ntego nyinshi z\u2019iterambere ry\u2019ikinyagihumbi.<\/p>\n
Afurika ikaba igirwa inama yo kwigira ku Bushinwa ku kijyanye n\u2019iterambere no kurinda ubusugire bwayo. Benshi bakaba basanga u Bushinwa bukomeje kwigarurira imitima n\u2019intekerezo by\u2019Abanyafurika ku buryo Abanyaburayi nibadahindura imikorere bazisanga basigaye inyuma y\u2019u Bushinwa.<\/p>\n
Ku rundi ruhande ariko, aba Banyaburayi n\u2019Abanyamerika bakunze gushyira u Bushinwa mu majwi babushinja gushaka kugira Afurika ingaruzwamyenda. Aba bavuga ko ibihugu byo muri Afurika bikomeza kwakira inguzanyo z\u2019u Bushinwa bishobora kuzisanga u Bushinwa bwabyigaruriye byarananiwe kwishyura imyenda bibufitiye.<\/p>\n
Igihugu cya Kenya akaba ari cyo cya mbere gishobora guhura n\u2019ingaruka z\u2019iyi myenda y\u2019Abashinwa cyananiwe kwishyura aho bivugwa ko u Bushinwa bwaba buri mu nzira zo kwigarurira Icyambu cya Mombasa akaba ari bwo buzajya bushyira mu mifuka amafaranga cyinjiza.<\/p>\n
Perezida w\u2019u Rwanda, Paul Kagame nawe aherutse gutangaza ko mu kwirinda iki kibazo ibihugu byo muri Afurika bikwiye kujya bimenya imyenda byaka ndetse n\u2019uko byayibyaza umusaruro kuko u Bushinwa butaziye muri Afurika gufasha gusa nabwo hari inyungu bushaka.<\/p>\n
\u00a0<\/p>\n
\u00a0<\/p>\n","protected":false},"excerpt":{"rendered":"
Muri iki gihe igihugu cy\u2019u Bushinwa gikomeje gufata ijambo muri politiki z\u2019ubukungu z\u2019ibihugu byinshi byo muri Afurika, ngo hari impamvu zimwe zishobora kuba zituma Afurika ishima gukorana n\u2019u Bushinwa kurusha ibindi bihugu by\u2019ibihangange. Ku Banyafurika, ngo u Bushinwa bufite ibintu bine birushaho gukurura Afurika: Inguzanyo idashyirwaho amananiza, kwihutisha serivisi n\u2019ibicuruzwa bihendutse, gutera inkunga ibikorwa byo […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-13397","post","type-post","status-publish","format-standard","hentry","category-politiki-rw"],"yoast_head":"\n