Nyuma y\u2019aho kuri uyu wa kabiri, itariki 22 Mutarama 2019 humvikanye amakuru y\u2019ihagarikwa n\u2019icyurwa ry\u2019abanyamahanga babiri bakoreraga MTN Uganda bashinjwa ibikorwa by\u2019ubutasi bigamije guhungabanya umutekano wa Uganda, kuri ubu haribazwa ishingiro ry\u2019ibirego baregwa byo kumviriza no kumena amabanga y\u2019abayobozi ba Uganda ugereranyije n\u2019imyanya aba bombi bari bafite muri iki kigo cy\u2019itumanaho.<\/p>\n
Itangazo rigenewe itangazamakuru ryashyizwe ahagaragara n\u2019igipolisi cya Uganda rivuga ko abanyamahanga babiri, Olivier Prentout w\u2019Umufaransa na Annie Tabura w\u2019Umunyarwandakazi, birukanwe ku butaka bwa Uganda kubera kujya mu bikorwa bigamije guhungabanya umutekano w\u2019igihugu.<\/p>\n
Ikinyamakuru Softpower bivugwa ko cyegereye ubutasi bwa gisirikare muri Uganda (CMI) cyahise kivuga ko inzego z\u2019umutekano za Uganda zirukanye abakozi babiri bakuru ba MTN barimo Umunyarwanda bazira kubangamira umutekano w\u2019igihugu.<\/p>\n
Ku ruhande ariko, ikinyamakuru Virungapost dukesha iyi nkuru kiravuga ko aba birukanwe barimo Umunyarwanda, biri mu rwego rusanzwe rwo gutoteza Abanyarwanda baba cyangwa bakorera muri Uganda.<\/p>\n
Aba uko ari babiri batawe muri yombi kuwa 19 Mutarama, basubizwa iwabo kuwa Mbere, itariki 21 Mutarama. Haribazwa niba igipolisi cyarakoze iperereza ku byaha bashinjwa bikomeye nko gushaka guhungabanya umutekano w\u2019igihugu mu minsi ibiri gusa, hakibazwa impamvu aho kugirango baburanishwe birukanwe mu gihe bashinjwa icyaha gikomeye nk\u2019iki.<\/p>\n
Ni mu gihe nyamara itangazo ryashyizwe ahagaragara na polisi ribashinja, rikababuranisha, rigaca urubanza ndetse rigatanga n\u2019igihano binyuze mu kubirukana badahawe n\u2019umwanya wo kwisobanura.<\/p>\n
Amakuru ahari avuga ko uyu Munyarwandakazi Annie Tabura yari umukozi wa MTN Uganda. Iki kigo ni ikigo mpuzamahanga gikoresha abantu bava mu bihugu bitandukanye bakajyanwa gukorera aho kibona ko bikwiye.<\/p>\n
Muri MTN Uganda, uyu Mufaransa, Olivier Prentout yari umuyobozi ushinzwe kwamamaza ibikorwa, mu gihe Annie yari akuriye ibijyanye n\u2019ubucuruzi.<\/p>\n