Kuri uyu wa Kane tariki 31 Mutarama, mu Karere ka Rubavu, Umurenge wa Gisenyi hafatiwe ibicuruzwa bitandukanye byinjiye mu gihugu mu buryo bunyuranyije n\u2019amategeko, polisi ikaba ikomeje gukangurira Abanyarwanda gukomeza ubufatanye mu kurwanya magendu.<\/p>\n
Ibicuruzwa byafashwe bigizwe n\u2019ibiro bisaga 300 by\u2019imyenda n\u2019inkweto za caguwa, amakarito 4 ya sesitomate, ibitenge, amata ya nido ndetse n\u2019ibizingo 20 by\u2019insinga z\u2019amashanyarazi.<\/p>\n
Chief Inspector of Police ( CIP) Jean Claude Mazimpaka uhagarariye ishami rya Polisi rishinzwe kurwanya magendu (Revenue Protection Unit) mu karere ka Rubavu yavuze ko ibyo bicuruzwa byafatiwe ku mupaka uhuza u Rwanda na Congo ahazwi nka (Petite Barriere) bigizwemo uruhare\u00a0 n\u2019abaturage.<\/p>\n
Yagize ati \u201cIbi bicuruzwa akenshi bifatirwa kuri uyu mupaka usanga abambutsa imyenda baza bayambaye ugasanga umuntu yambaye nk\u2019imyenda icumi, ibindi nabyo bakabyambariraho cyangwa bakabihekeraho abana ndetse n\u2019andi mayeri atandukanye bakoresha\u201d.<\/p>\n
CIP Mazimpaka yagiriye inama abakishora mu bucuruzi butemewe n\u2019amategeko kubireka kuko bubagusha mu gihombo.<\/p>\n
Yagize ati\u201d Magendu iteza igihombo n\u2019ubukene uwayifatanwe n\u2019umuryango we, ikindi ni uko isubiza inyuma iterambere ry\u2019igihugu iyo byinjiye bitatanze imisoro n\u2019amahoro ibikorwa remezo nk\u2019amashuri, amavuriro,imihanda n\u2019ibindi byagakozwe naya misoro biradindira. Niyo mpamvu buri wese akwiye kuyirinda no kuyirwanya mu rwego rwo kurengera inyungu rusange.\u201d<\/p>\n
Yabwiye abaturage gukora ubucuruzi bwemewe n\u2019amategeko birinda igihombo n\u2019ibihano biremereye bashobora gukururirwa na magendu.<\/p>\n
Yashimiye kandi abaturage batanze amakuru yatumye biriya bicuruzwa bya magendu bifatwa, maze akangurira n\u2019abandi kujya batanga amakuru ku gihe yatuma magendu n\u2019ibindi byaha muri rusange bikumirwa.<\/p>\n
Ingingo 199 mu mategeko ajyenga ubucuruzi bwambukiranya imipaka mu muryango wa\u00a0 Afurika y\u2019Iburasirazuba\u00a0 (East African community management act) ritegenya ko uwafatiwe muri magendu ahanishwa igifungo kuva ku mezi atandatu kugera ku myaka ibiri\u00a0 n\u2019ihazabu ingana na kimwe cya kabiri cy\u2019agaciro k\u2019ibyo yafatanwe. Rinateganya ko ikinyabiziga cyafatiwemo gishobora gufatirwa burundu mugihe umushoferi wari ugitwaye acibwa amadorari y\u2019Amerika atarenze 5000$.<\/p>\n
\u00a0<\/p>\n","protected":false},"excerpt":{"rendered":"
Kuri uyu wa Kane tariki 31 Mutarama, mu Karere ka Rubavu, Umurenge wa Gisenyi hafatiwe ibicuruzwa bitandukanye byinjiye mu gihugu mu buryo bunyuranyije n\u2019amategeko, polisi ikaba ikomeje gukangurira Abanyarwanda gukomeza ubufatanye mu kurwanya magendu. Ibicuruzwa byafashwe bigizwe n\u2019ibiro bisaga 300 by\u2019imyenda n\u2019inkweto za caguwa, amakarito 4 ya sesitomate, ibitenge, amata ya nido ndetse n\u2019ibizingo 20 […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-13760","post","type-post","status-publish","format-standard","hentry","category-politiki-rw"],"yoast_head":"\n